പ്രഭാസിന്‍റെ ഫേസ്ബുക്ക് പേജില്‍ പ്രത്യക്ഷപ്പെട്ട കാര്യം കണ്ട് ആശയകുഴപ്പത്തിലായി ആരാധകര്‍; കാര്യം ഇങ്ങനെ.!
കല്‍കി 2898 എഡി എന്ന ചിത്രം എന്ന ചിത്രത്തിലാണ് പ്രഭാസ് ഇപ്പോള്‍ അഭിനയിച്ച് വരുന്നത്. അഭിതാഭ് ബച്ചന്‍, കമല്‍ ഹാസന്‍ എന്നിവര്‍ അഭിനയിക്കുന്ന ബിഗ്ബജറ്റ് ചിത്രമാണിത്.
 )
Followഹൈദരാബാദ്: ബാഹുബലിക്ക് ശേഷം പാന്‍ ഇന്ത്യന്‍ താരമായി മാറിയ വ്യക്തിയാണ് പ്രഭാസ്. ഇപ്പോള്‍ പ്രഭാസ് അതീവ ഗൌരവമായ സന്ദേശമാണ് തന്‍റെ സോഷ്യല്‍ മീഡിയയില്‍ പങ്കുവച്ചത്. തന്‍റെ സിനിമ അപ്ഡേറ്റുകള്‍ ആരാധകരെ അറിയിക്കാന്‍ എന്നും ഫേസ്ബുക്ക് ഇന്‍സ്റ്റഗ്രാം പേജുകള്‍ ഉപയോഗിക്കാറുണ്ട് പ്രഭാസ്. ഇതേ പേജുകളുമായി ബന്ധപ്പെട്ട അപ്ഡേറ്റാണ് താരം നല്‍കിയിരിക്കുന്നത്.
ജൂലായ് 27 വ്യാഴാഴ്ച രാത്രി "നിർഭാഗ്യവാനായ മനുഷ്യർ", "ലോകമെമ്പാടും പരാജയപ്പെടുന്ന ബോൾ" എന്നീ അടിക്കുറിപ്പുകളോടെ രണ്ട് വൈറൽ വീഡിയോകൾ നടന്‍റെ പേജില്‍ പ്രത്യക്ഷപ്പെട്ടത് ആരാധകരെ അത്ഭുതപ്പെടുത്തിയിരുന്നു. താരത്തിന് എന്ത് പറ്റി എന്നതടക്കം വ്യാപകമായി ഈ വീഡിയോകള്‍ക്ക് അടിയില്‍ കമന്‍റ് വന്നിരുന്നു. വീഡിയോ പ്രത്യക്ഷപ്പെട്ട കാര്യം അധികം വൈറലാകുന്നതിന് മുന്‍പേ അത് നീക്കം ചെയ്യപ്പെട്ടു. അതിന് പിന്നാലെ പേജ് ഹാക്ക് ചെയ്യപ്പെട്ട കാര്യം സ്ഥിരീകരിച്ച് പ്രഭാസ് ഇന്‍സ്റ്റഗ്രാമില്‍ സ്റ്റോറിയുമായി എത്തി. "ഹലോ, എന്റെ ഫേസ്ബുക്ക് പേജ് കോംപ്രമൈസ് ചെയ്യപ്പെട്ടിരിക്കുകയാണ്, ടീം ഇത് പരിഹരിക്കാന്‍ ശ്രമിക്കുന്നുണ്ട്" എന്നായിരുന്നു സ്റ്റോറി.
കല്‍കി 2898 എഡി എന്ന ചിത്രം എന്ന ചിത്രത്തിലാണ് പ്രഭാസ് ഇപ്പോള്‍ അഭിനയിച്ച് വരുന്നത്. അഭിതാഭ് ബച്ചന്‍, കമല്‍ ഹാസന്‍ എന്നിവര്‍ അഭിനയിക്കുന്ന ബിഗ്ബജറ്റ് ചിത്രം കല്‍കി 2898 എഡി എന്ന ചിത്രം അടുത്തിടെയാണ് അമേരിക്കയിലെ സാന്‍റിയാഗോയിലെ കോമിക് കോണില്‍ അവതരിപ്പിച്ചത്. ഈ അന്തര്‍ദേശീയ വേദിയില്‍ പ്രഖ്യാപിക്കപ്പെടുന്ന ആദ്യ ഇന്ത്യന്‍ ചിത്രമായിരുന്നു കല്‍കി 2898 എഡി. രണ്ട് ഭാഗമായി ചിത്രം റിലീസ് ചെയ്യും എന്നാണ് വിവരം.
അതേ സമയം ചിത്രത്തിന്‍റെ ആദ്യഭാഗം നേരത്തെ നിശ്ചയിച്ച ഡേറ്റില്‍ പുറത്തിറങ്ങില്ലെന്നാണ് വിവരം. നേരത്തെ കല്‍കി 2898 എഡി ആദ്യ പാര്‍ട്ട് ജനുവരി 12 2024ന് പുറത്തിറങ്ങും എന്നായിരുന്നു റിപ്പോര്‍ട്ടുകള്‍. എന്നാല്‍ ചിത്രത്തിന്‍റെ റിലീസ് ഡേറ്റ് 2024 മെയ് മാസത്തിലേക്ക് മാറ്റിയെന്നാണ് വിവരം. 2024 ജനുവരി സംക്രാന്തി, പൊങ്കല്‍ അവധി കണക്കിലെടുത്തായിരുന്നു റിലീസ് വച്ചിരുന്നത്.
എന്നാൽ ചിത്രത്തിന്‍റെ ഫസ്റ്റ്ലുക്ക് പോസ്റ്ററിന് അടക്കം ലഭിച്ച പ്രതികരണങ്ങൾ വൈറലായതോടെ ചിത്രത്തിന്‍റെ അണിയറക്കാര്‍ തീരുമാനിച്ചതെന്നാണ് റിപ്പോര്‍ട്ട്. ഒപ്പം തന്നെ ചിത്രത്തിന്‍റെ വിഎഫ്എക്‌സ് ജോലികൾ ഇനിയും ബാക്കിയുള്ളതിനാൽ ചിത്രം മാസങ്ങളോളം നീണ്ടു പോയേക്കാം എന്നാണ് റിപ്പോര്‍ട്ടുകള്‍ പറയുന്നത്.
ഹിന്ദു പുരാണം അനുസരിച്ച് വിഷ്ണുവിന്‍റെ പത്താമത്തെ അവതാരമാണ് കല്‍കി. ആ കല്‍കിയുടെ അവതാരത്തെ ഒരു ഫ്യൂച്ചറിസ്റ്റിക് രീതിയില്‍ സമീപിച്ചിരിക്കുകയാണ് ചിത്രത്തില്‍ എന്നാണ് സൂചന. ഇതില്‍ കല്‍കി എന്ന ടൈറ്റില്‍ റോളിലാണ് പ്രഭാസ് എന്നാണ് സൂചന. നാഗ് അശ്വിനാണ് ചിത്രം സംവിധാനം ചെയ്യുന്നത്. തമിഴകത്തെ നിരവധി ഹിറ്റ് ഗാനങ്ങള്‍ക്ക് സംഗീതം നല്‍കിയ സന്തോഷ് നാരായണനാണ് സംഗീതം നല്‍കുന്നത്.
വന്‍ താരനിരയുമായി വോയ്‌സ് ഓഫ് സത്യനാഥൻ ഇന്ന് തിയേറ്ററുകളിലേക്ക്
