നയന്‍താരയുടെ വഴിയെ വിവാഹിതരാകാന്‍ പോകുന്ന നാഗ ചൈതന്യയും ശോഭിതയും
ടോളിവുഡ് താരം നാഗ ചൈതന്യയും ശോഭിത ധൂലിപാലയും ഡിസംബർ 4 ന് വിവാഹിതരാകുമെന്നാണ് റിപ്പോർട്ട്.
 )
Followഹൈദരാബാദ്: ടോളിവുഡ് താരം നാഗ ചൈതന്യയും നടി ശോഭിത ധൂലിപാലയും ഡിസംബർ 4 ന് വിവാഹിതരാകും എന്നാണ് ഏറ്റവും പുതിയ റിപ്പോര്‍ട്ട്. സിനിമാ, രാഷ്ട്രീയ, ബിസിനസ് ലോകങ്ങളിൽ നിന്നുള്ള അതിഥികള്‍ക്കൊപ്പം അടുത്ത കുടുംബാംഗങ്ങളുടെയും സുഹൃത്തുക്കളുടെയും സാന്നിധ്യത്തിൽ ഹൈദരാബാദിലെ നാഗചൈതന്യയുടെ കുടുംബ സ്ഥാപനമായ അന്നപൂർണ സ്റ്റുഡിയോയിൽ വച്ചായിരിക്കും വിവാഹം എന്നാണ് വിവരം.
അതേ സമയം ഏറ്റവും പുതിയ റിപ്പോർട്ടുകൾ പ്രകാരം നാഗ ചൈതന്യയുടെയും ശോഭിതയുടെയും വിവാഹം ഒരു ഒടിടി പ്ലാറ്റ്ഫോമിന് വില്‍ക്കാനുള്ള ശ്രമം നടക്കുന്നുണ്ട് എന്നാണ്.ടോളിവുഡിലെ ഹൈ പ്രൊഫൈല്‍ വിവാഹം സ്ട്രീം ചെയ്യാനുള്ള പ്രത്യേക അവകാശം നേടുന്നതിന് നിരവധി സ്ട്രീമിംഗ് പ്ലാറ്റ്‌ഫോമുകൾ നാഗാർജുന കുടുംബവുമായി ചര്‍ച്ചയിലാണ് എന്നാണ് വിവരം.
റിപ്പോർട്ടുകൾ ശരിയാണെങ്കിൽ കോളിവുഡ് താരം നയൻതാരയുടെയും വിഘ്നേഷ് ശിവന്‍റെയും വിവാഹ ഡോക്യുമെന്‍ററിയായ നയൻതാര: ബിയോണ്ട് ദി ഫെയറിടെയ്‌ലിന്‍റെ മോഡലില്‍ നെറ്റ്ഫ്ലിക്സിലോ മറ്റോ ചായ്-ശോഭിതയുടെ വിവാഹം എത്തുമെന്നാണ് വിവരം.
നാഗ ചൈതന്യയുടെ രണ്ടാമത്തെ വിവാഹമാണ് ഇത്. നേരത്തെ നടി സാമന്തയുമായി നീണ്ടകാലത്തെ പ്രണയത്തിന് ശേഷം നാഗ ചൈതന്യ വിവാഹിതനായിരുന്നു. എന്നാല്‍ ഇത് അധികകാലം നീണ്ടില്ല. 2022ല്‍ ഇരുവരും നിയമപരമായി വേര്‍പിരിഞ്ഞു. പിന്നീടാണ് ശോഭിത ധൂലിപാലയുമായി നാഗ ചൈതന്യ പ്രണയത്തിലായതും വിവാഹത്തിലേക്ക് നീങ്ങിയതും.
മലയാളത്തില്‍ ദുല്‍ഖര്‍ സല്‍മാന്‍റെ കുറുപ്പ് സിനിമയില്‍ അടക്കം അഭിനയിച്ച നടിയാണ് ശോഭിത ധൂലിപാല. അതേ സമയം നയൻതാരയുടെയും വിഘ്നേഷ് ശിവന്‍റെയും വിവാഹ ഡോക്യുമെന്‍ററി മികച്ച പ്രേക്ഷക കാഴ്ചയാണ് നെറ്റ്ഫ്ലിക്സില്‍ നേടുന്നത്. ഈ ഡോക്യുമെന്‍ററിയുമായി ബന്ധപ്പെട്ട് നടന്‍ ധനുഷുമായി ഉണ്ടായ പ്രശ്നങ്ങള്‍ ഇതിന്‍റെ കാഴ്ചക്കാരെ വര്‍ദ്ധിപ്പിച്ചുവെന്നാണ് വിവരം.
സാമന്തയെ വെല്ലിയോ ശ്രീലീല ? പുഷ്പ 2ലെ ഐറ്റം സോംഗ് എത്തി; 'ഊ ആണ്ടവ' തന്നെ ബെസ്റ്റെന്ന് കമന്റ്സ്
കളക്ഷന്‍ 96 ശതമാനം കൂടി: ബോക്സോഫീസില്‍ അടിച്ചുകയറി നസ്രിയ ബേസില്‍ ചിത്രം 'സൂക്ഷ്‍മദര്‍ശിനി'
