'രോഗമല്ല കൊല്ലുന്നത്, വേദികയെ സ്‌നേഹിച്ച് കൊന്ന് സുമിത്ര' : കുടുംബവിളക്ക് റിവ്യു
ജോലിയും നഷ്ടമായ വേദികയ്ക്ക് ഒരു ജോലി തരപ്പെടുത്താനും സുമിത്ര സഹായിക്കുന്നു. അതും സുമിത്രയുടെ സ്വന്തം കമ്പനിയായ സുമിത്രാസില്‍.
 )
Followതന്നെ ഇത്രനാള്‍ ഉപദ്രവിച്ച വേദികയോട് മധുരപ്രതികാരമാണ് സുമിത്ര ചെയ്യുന്നതെന്നാണ് പ്രേക്ഷകര്‍ പറയുന്നത്. സിദ്ധാര്‍ത്ഥ് ഉപേക്ഷിച്ച വേദികയെ സുമിത്ര സ്വീകരിക്കുന്നു, സ്വന്തം വീട്ടിലേക്ക് കൂട്ടികൊണ്ടുപോകുന്നു, ഇപ്പോളിതാ ജോലിയും നഷ്ടമായ വേദികയ്ക്ക് ഒരു ജോലി തരപ്പെടുത്താനും സുമിത്ര സഹായിക്കുന്നു. അതും സുമിത്രയുടെ സ്വന്തം കമ്പനിയായ സുമിത്രാസില്‍.
ജോലിയില്ലാതെ വെറുതെ വീട്ടിലിരിക്കുമ്പോള്‍ രോഗത്തെപ്പറ്റിയാണ് ചിന്ത. അങ്ങനെ ആകെ പേടിയാകുന്നുണ്ടെന്നും, ഒരു ജോലി കിട്ടിയാല്‍ പകുതി പ്രശ്‌നവും ചിന്തയും മാറുമെന്നും വേദിക സുമിത്രയോട് പറഞ്ഞപ്പോഴാണ് സുമിത്രയും അതിനെപ്പറ്റി ചിന്തിച്ചത്. എന്നാല്‍ വേദികയ്ക്ക് ഇപ്പോള്‍ ജോലിയെല്ലാം ചെയ്യാന്‍ സാധിക്കുമോ എന്ന സംശയവും സുമിത്രയ്ക്ക് ഉണ്ട്. എന്നാലും സുമിത്ര ജോലി നല്‍കുന്നുണ്ട്.
വേദികയെ സുമിത്ര വീട്ടില്‍ കയറ്റി താമസിപ്പിച്ചത് സിദ്ധാര്‍ത്ഥിനും, അമ്മ സരസ്വതിയ്ക്കും അത്ര രസിച്ചിട്ടില്ല. താന്‍ ഇറക്കിവിട്ട തന്റെ ഭാര്യയെ എന്തിനാണ് തന്റെ മുന്‍ഭാര്യ പ്രൊട്ടക്ട് ചെയ്യുന്നതെന്നാണ് സിദ്ധാര്‍ത്ഥ് ചോദിക്കുന്നത്. തന്റെ മകന്‍ ഒഴിവാക്കിയ സ്ത്രീയെ എന്തിനാണ് നമ്മുടെ വീട്ടില്‍ താമസിപ്പിക്കുന്നതെന്നാണ് സരസ്വതി ചോദിക്കുന്നതും. കായികമായും അല്ലാതേയും, വേദികയെ ശ്രീനിലയത്തില്‍നിന്നും ഇറക്കിവിടാന്‍ സിദ്ധാര്‍ത്ഥും ശ്രമിക്കുന്നുണ്ട്.
സുമിത്രാസ് എന്ന് സുമിത്രയുടെ കമ്പനിയുടെ ചീഫ് അക്കൗണ്ടന്റായാണ് സുമിത്ര വേദികയെ നിയമിക്കുന്നത്. അത് കേട്ട് വേദിക വിങ്ങിപ്പോകുന്നതും പരമ്പരയില്‍ കാണിക്കുന്നുണ്ട്. താന്‍ ഇത്രയധികം ദ്രോഹിച്ചത് ഈ സുമിത്രയെ ആണല്ലോ എന്നോര്‍ക്കുമ്പോളാണ് വേദിക വിങ്ങിക്കരയുന്നത്.
അതിനിടെ സിദ്ധാര്‍ത്ഥിനെതിരെ കോടതിയില്‍ മൊഴി പറയാന്‍ ഒരുങ്ങുകയാണ് സുമിത്ര. വേദികയെ സിദ്ധാര്‍ത്ഥ് ഡൈവോഴ്‌സ് ചെയ്യുന്നത് തടയാനാണ് സുമിത്ര മൊഴികൊടുക്കാന്‍ തയ്യാറാകുന്നത്. ഏത് വിധേയവും വേദികയെ രക്ഷിക്കണം എന്നാണ് സുമിത്രയ്ക്ക്. ദിവസങ്ങള്‍കൊണ്ടുതന്നെ തന്റെ ജോലിയുമായി വേദിക ഇണങ്ങിക്കഴിഞ്ഞു. നല്ല ആത്മാര്‍ത്ഥതയോടെയാണ് വേദിക ജോലി നോക്കുന്നതെന്ന് കമ്പനിയിലെ ആളുകളും പറയുന്നുണ്ട്.
ഡാൻസ് കളിച്ച് സിദ്ധുവിനെ മയക്കുമോ വേദിക?; വൈറലായി ശരണ്യയുടെ കാവാലയ്യ ഡാൻസ്
'വേദിക'യും 'സുമിത്ര'യും ഒരേ വീട്ടില്‍, ട്വിസ്റ്റില്‍ അമ്പരന്ന് പ്രേക്ഷകര്‍, 'കുടുംബവിളക്ക്' റിവ്യു
