ആര്യന്‍ ഖാനും പാക് നടിയും ഡേറ്റിംഗിലോ?; ആരാണ് സാദിയ ഖാന്‍.!
അവരുടെ ഫോട്ടോ ആദ്യം ഇന്‍സ്റ്റ സ്റ്റാറ്റസ് ആക്കിയത് സാദിയ ഖാനാണ്. വൈറലായതിന് തൊട്ടുപിന്നാലെ, ഇരുവരും പരസ്പരം ഡേറ്റിംഗിലാണ് എന്ന രീതിയില്‍ ചില ബോളിവുഡ് സൈറ്റുകളില്‍ വാര്‍ത്ത വന്നു.
 )
Followമുംബൈ: ഷാരൂഖ് ഖാന്‍റെ മകൻ ആര്യൻ ഖാന്‍റെയും പാകിസ്ഥാൻ നടി സാദിയ ഖാന്‍റെയും ന്യൂ ഇയര്‍ പാര്‍ട്ടിയില്‍ നിന്നുള്ള ചിത്രം അടുത്തിടെ സോഷ്യൽ മീഡിയയിൽ വൈറലായിരുന്നു. ഇരുവരും ഡേറ്റിംഗിലാണ് ഏന്നാണ് പിന്നാലെ ഗോസിപ്പ് പരന്നത്.
ദുബായിൽ നടന്ന പാര്‍ട്ടിയിലാണ് ആര്യനും സാദിയയും ഒരുമിച്ച് പോസ് ചെയ്തത് എന്നാണ് വിവരം. ആര്യൻ മെറൂൺ ടീഷര്‍ട്ടും നീല ഡെനിമും വെള്ള ജാക്കറ്റുമാണ് ചിത്രത്തില്‍ ധരിച്ചിരുന്നത്. കറുത്ത വേഷത്തിലായിരുന്നു പാക് നടിയായ സാദിയ.
അവരുടെ ഫോട്ടോ ആദ്യം ഇന്‍സ്റ്റ സ്റ്റാറ്റസ് ആക്കിയത് സാദിയ ഖാനാണ്. വൈറലായതിന് തൊട്ടുപിന്നാലെ, ഇരുവരും പരസ്പരം ഡേറ്റിംഗിലാണ് എന്ന രീതിയില്‍ ചില ബോളിവുഡ് സൈറ്റുകളില്‍ വാര്‍ത്ത വന്നു. അതേ സമയം ആരാണ് സാദിയ ഖാന്‍ എന്ന് അറിയാന്‍ ഇന്‍സ്റ്റഗ്രാമിലും മറ്റും സെര്‍ച്ച് കൂടിയിട്ടുണ്ട്. നടിയുടെ ഇന്‍സ്റ്റ ഫോളേവേര്‍സിന്‍റെ എണ്ണം ദിവസങ്ങള്‍ക്കുള്ളില്‍ കൂടിയെന്നാണ് വിവരം.
2010-ൽ 'യാരിയാൻ' എന്ന പാക് ടിവി സീരിയലിലൂടെ അഭിനയരംഗത്തേക്ക് കടന്ന നടിയാണ് സാദിയ. അതിനുശേഷം, 'ഖുദാ ഔർ മൊഹബത്ത്,' 'ലാ', 'ഖുദാ ഔർ മൊഹബത്ത് 2', 'ഷായാദ്' തുടങ്ങിയ സീരിയലുകളില്‍ ശ്രദ്ധേയ വേഷം ചെയ്തു. ചില പാക് സിനിമകളിലും ഇവര്‍ അഭിനയിച്ചു.
കുറച്ച് വര്‍ഷം മുന്‍പ് ഒരു അഭിമുഖത്തില്‍ താന്‍ ബോളിവുഡില്‍ അഭിനയിക്കാന്‍ പോകുന്നു എന്ന് സാദിയ അവകാശപ്പെട്ടിരുന്നു. അക്ഷയ് കുമാര്‍ ചിത്രത്തില്‍ താന്‍ തിരഞ്ഞെടുക്കപ്പെട്ടുവെന്നായിരുന്നു അവകാശവാദം എന്നാല്‍ പിന്നീട് ഇത് സംബന്ധിച്ച് വിവരങ്ങളൊന്നും ഇല്ല.
അതേ സമയം പുതുവര്‍ഷത്തെ ആദ്യദിനങ്ങളിലും ആര്യന്‍റെ പേര് ഗോസിപ്പ് കോളങ്ങളില്‍ നിറഞ്ഞിരുന്നു.
ആര്യൻ ഖാനും നോറ ഫത്തേഹിയും തമ്മില്‍ എന്ത് എന്നതാണ് ഇപ്പോള്‍ ബോളിവുഡിലെ സജീവ ചര്‍ച്ചയായിരുന്നത്. ആര്യനും, ഡാന്‍സിംഗ് സ്റ്റാര്‍ നോറയും ഒന്നിച്ച് ദുബായിൽ ഉണ്ടായിരുന്നു എന്നതാണ് പുതിയ കഥകള്‍ക്ക് വഴിവച്ചത്.
ദുബായിൽ നിന്നുള്ള ആര്യന്‍റെയും നോറയുടെയും അവധിക്കാല ഫോട്ടോകളും വീഡിയോകളും ഓൺലൈനിൽ നേരത്തെ വൈറലായിരുന്നു. എന്നാല്‍ ഇവര്‍ ഒന്നിച്ചുള്ള ചിത്രങ്ങളൊന്നും അതില്‍ ഇല്ലായിരുന്നു. എന്നാല്‍ സോഷ്യൽ മീഡിയ റൂമറുകള്‍ പരന്നു. ആര്യനും നോറയും ഡേറ്റിംഗിലാണെന്ന സൂചനകള്‍ ചില ഗോസിപ്പ് കോളങ്ങളിലും ഇടം പിടിച്ചു. എന്നാല്‍ ഇരുവരുമായി അടുത്ത വൃത്തങ്ങള്‍ ഈ വാര്‍ത്തകള്‍ നിഷേധിച്ചു.
ആര്യൻ ഖാനും നോറ ഫത്തേഹിയും ഡേറ്റിംഗിലോ; പ്രചരിക്കുന്ന വാര്‍ത്തയ്ക്ക് പിന്നില്‍.!
