Cricket
ഐപിഎല്ലില്‍ അവഗണിക്കപ്പെട്ടവരുടെ സ്വപ്ന ടീമിനെ തെരഞ്ഞെടുത്താല്‍ അതില്‍ ആരൊക്കെ ഉണ്ടാകുമെന്ന് നോക്കാം.
ഐപിഎല്ലിലെ ഇതിഹാസ താരമായ ഓസ്ട്രേലിയന്‍ താരം ഡേവിഡ് വാര്‍ണര്‍ ആയിരിക്കും അതില്‍ ഒന്നാം പേരുകാരന്‍. അവഗണിക്കപ്പെട്ടവരുടെ ടീമിന്‍റെ ഓപ്പണറും വാര്‍ണറാകും.
സഹ ഓപ്പണറാകാന്‍ ഏറ്റവും യോഗ്യന്‍ പൃഥ്വി ഷാ അല്ലാതെ മറ്റാരുമല്ല. പ്രതീക്ഷകള്‍ ഏറെ നല്‍കിയ യുവതാരത്തിന് ഇത്തവണ ആരും ആവശ്യക്കാരുണ്ടായിരുന്നില്ല.
മൂന്നാം നമ്പറില്‍ പഞ്ചാബിന്‍റെ മുന്‍ ക്യാപ്റ്റനും ഇന്ത്യൻ താരവുമായിരുന്ന മായങ്ക് അഗര്‍വാളാണ്. ഐപിഎല്ലില്‍ തിളങ്ങിയിട്ടുള്ള മായങ്കിനെയും ഇത്തവണ ആരും ടീമിലെടുത്തിട്ടില്ല.
നാലാം നമ്പറില്‍ ഇംഗ്ലണ്ടിന്‍റെ വെടിക്കെട്ട് താരം ജോണി ബെയര്‍സ്റ്റോ ആണ്. ഹൈദരാബാദിനായും പഞ്ചാബിനായുമെല്ലാം വെടിക്കെട്ട് ബാറ്റിംഗ് കാഴ്ചവെച്ച ബെയര്‍സ്റ്റോയും ഇത്തവണ ഒരു ടീമിലുമില്ല.
ഇന്ത്യൻ ടെസ്റ്റ് താരവും ആഭ്യന്തര ക്രിക്കറ്റിലെ മിന്നും താരവുമായ സര്‍ഫറാസിനും ലേലത്തില്‍ ആവശ്യക്കാരുണ്ടായില്ല. ഡല്‍ഹി ക്യാപിറ്റല്‍സിലാണ് സര്‍ഫറാസ് അവസാനമായി ഐപിഎല്ലില്‍ കളിച്ചത്.
സിംബാബ്‌വെ ക്യാപ്റ്റന് രാജ്യാന്തര ടി20 ക്രിക്കറ്റില്‍ മികച്ച റെക്കോര്‍ഡുണ്ടായിട്ടും ഐപിഎല്‍ ലേലത്തില്‍ ആവശ്യക്കാരില്ലാതിരുന്നത് ആരാധകരെ അമ്പരപ്പിച്ചിരുന്നു.
ഷാര്‍ദ്ദുലിനായി മുന്‍ ലേലത്തില്‍ കോടികളാണ് മറിഞ്ഞതെങ്കില്‍ ഇന്ത്യയുടെ പേസ് ഓള്‍ റൗണ്ടര്‍ക്കെതിരെ ഇത്തവണ ടീമുകള്‍ കണ്ണടച്ചു.
ഐപിഎല്ലില്‍ 192 മത്സരങ്ങളില്‍ 192 വിക്കറ്റെടുത്തിട്ടുള്ള മുംബൈയുടെയും കൊല്‍ക്കത്തയുടെയുമെല്ലാം വിശ്വസ്തനായ 35കാരന്‍ പിയൂഷ് ചൗളയെയും ആരും പരിഗണിച്ചില്ല.
ഐപിഎല്ലില്‍ ചെന്നൈ സൂപ്പര്‍ കിംഗ്സ് കുപ്പായത്തില്‍ തിളങ്ങിയെങ്കിലും ബംഗ്ലാദേശ് പേസര്‍ മുസ്തഫിസുറിന്‍റെ കട്ടറുകള്‍ക്കും സ്ലോ ബോളുകള്‍ക്കും ഇത്തവണ ആവശ്യക്കാരില്ലായിരുന്നു.
ഒരു കാലത്ത് ഇന്ത്യയുടെ അടുത്ത പേസ് സെന്‍സേഷനെന്ന് വിശേഷിപ്പിക്കപ്പെട്ടിരുന്ന കാര്‍ത്തിക് ത്യാഗിയെ ഇത്തവണ ലേലത്തില്‍ ടീമുകള്‍ കണ്ടില്ലെന്ന് നടിച്ചു.
ഒരുകാലത്ത് ഇന്ത്യൻ പേസ് പടയുടെ കുന്തമുനയായിരുന്ന ഉമേഷ് യാദവിന് 2 കോടി രൂപയായിരുന്നു അടിസ്ഥാന വില. ലേലത്തില്‍ പക്ഷെ ഒരു ടീമും ഉമേഷില്‍ താല്‍പര്യം കാട്ടിയില്ല.