10 അടി നീളം, ആറടി വീതി, കരിപ്പൊടിയിൽ തെളിഞ്ഞൊരു മമ്മൂട്ടി ചിത്രം; വീഡിയോ
ശ്രീരാഗ് വരദരാജനും കൂട്ടുകാരും ചേർന്നാണ് ഈ ചിത്രം തയ്യാറാക്കിയിരിക്കുന്നത്.
 )
Followമലയാളികളുടെ പ്രിയതാരമാണ് മമ്മൂട്ടി. താരത്തിന്റെ പിറന്നാളിന് ഇനി ദിവസങ്ങൾ മാത്രമാണ് ബാക്കി. വ്യത്യസ്തമായ രീതിയിൽ എങ്ങനെ ആശംസ അറിയിക്കാം എന്നാണ് ഇപ്പോള്‍ ആരാധകർ ചിന്തിക്കുന്നത്. ഇതിനിടയിൽ കരിപ്പൊടി കൊണ്ട് തീർത്ത മമ്മൂട്ടിയുടെ വലിയ ചിത്രം പങ്കുവയ്ക്കുകയാണ് നിർമ്മാതാവും പ്രൊഡക്ഷൻ കൺട്രോളറുമായ ബാദുഷ.
ശ്രീരാഗ് വരദരാജനും കൂട്ടുകാരും ചേർന്നാണ് ഈ ചിത്രം തയ്യാറാക്കിയിരിക്കുന്നതെന്ന് ബാദുഷ കുറിക്കുന്നു. 10 അടി നീളവും 6 അടി വീതിയിലുമുള്ള ഫ്രെയിമിൽ 10 മണിക്കൂർ ചെലവഴിച്ച് കരിപ്പൊടി കൊണ്ടാണ് ചിത്രം തയ്യാറാക്കിയിരിക്കുന്നത്. വീഡിയോ പുറത്തു വന്നതിന് പിന്നാലെ നിരവധി പേരാണ് ശ്രീരാഗിനും കൂട്ടർക്കും ആശംസയുമായി എത്തിയത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona
