'നടിപ്പിൻ നായകന്' മമ്മൂട്ടിയുടെ പിറന്നാൾ ആശംസ; ആഘോഷമാക്കി സൂര്യ ആരാധകർ
സൂര്യക്ക് ആശംസ അറിയിക്കുന്നതോടൊപ്പം കേരള സംസ്ഥാന അവാർഡ് ലഭിച്ച മമ്മൂട്ടിക്കും ആശംസാപ്രവാഹമാണ്.
 )
Followതമിഴ് സൂപ്പർ താരം സൂര്യയ്ക്ക് പിറന്നാൾ ആശംസയുമായി നടൻ മമ്മൂട്ടി. ജ്യോതിക നായികയായി എത്തുന്ന കാതൽ എന്ന ചിത്രത്തിന്റെ ലൊക്കേഷനിൽ വച്ചെടുത്ത ഫോട്ടോയ്ക്ക് ഒപ്പം ആണ് മമ്മൂട്ടി സൂര്യയ്ക്ക് ആശംസകൾ അറിയിച്ചത്.
'പ്രിയ സൂര്യയ്ക്ക് ജന്മദിനാശംസകൾ നേരുന്നു. നിങ്ങൾക്ക് ഒരു മികച്ച വർഷം ഉണ്ടാകുന്നതെന്ന് ഞാൻ പ്രതീക്ഷിക്കുന്നു. അനുഗ്രഹീതരായി നിലകൊള്ളൂ', എന്നാണ് മമ്മൂട്ടി സോഷ്യൽ മീഡിയയിൽ കുറിച്ചത്. പിന്നാലെ ആശംസകളുമായി നിരവധി പേരാണ് രംഗത്തെത്തിയത്. സൂര്യക്ക് ആശംസ അറിയിക്കുന്നതോടൊപ്പം കേരള സംസ്ഥാന അവാർഡ് ലഭിച്ച മമ്മൂട്ടിക്കും ആശംസാപ്രവാഹമാണ്.
അതേസമയം, സൂര്യയുടെ 'കങ്കുവ' എന്ന ചിത്രത്തിന്റെ ഗ്ലിംപ്സ് വീഡിയോ വൈറല്‍ ആകുകയാണ്. ഹോളിവുഡ് ചിത്രത്തോട് കിടപിടിക്കുന്ന രീതിയില്‍ ആണ് വീഡിയോ തയ്യാറാക്കിയിരിക്കുന്നത്. സൂര്യയുടെ കരിയറിലെ മികച്ചൊരു ചിത്രമാകും ഇതെന്നാണ് ലഭിക്കുന്ന സൂചനകളില്‍ നിന്നും വ്യക്തമാകുന്നത്. സൂര്യയുടെ കരിയറിലെ 42ാമത് ചിത്രമായ കങ്കുവ സംവിധാനം ചെയ്യുന്നത് സിരുത്തൈ ശിവ ആണ്. 3Dയില്‍ മലയാളം ഉൾപ്പടെ 10 ഭാഷകളിലാകും ചിത്രം റിലീസ് ചെയ്യുക. രജനീകാന്ത് നായകനായ അണ്ണാത്തെയ്ക്ക് ശേഷം ശിവ സംവിധാനം ചെയ്യുന്ന ചിത്രം കൂടിയാണിത്.
'ബിലാൽ ചെയ്യണം, ആ കടമ മമ്മൂക്കയ്ക്ക് ഉണ്ട്, ഇല്ലെങ്കിൽ എനിക്കും ദേഷ്യം വരും'; ബാല പറയുന്നു
നന്‍പകല്‍ നേരത്ത് മയക്കം എന്ന ചിത്രത്തിലെ അഭിനയത്തിനാണ് മമ്മൂട്ടിയെ ഇത്തവണ മികച്ച നടനായി തെരഞ്ഞെടുത്തത്. ലിജോ ജോസ് പെല്ലിശ്ശേരി ആണ് സംവിധാനം. ബസൂക്ക എന്ന ചിത്രത്തിലാണ് മമ്മൂട്ടി നിലവിൽ അഭിനയിച്ചു കൊണ്ടിരിക്കുന്നത്. ഡിനോ ഡെന്നിസാണ് ചിത്രത്തിന്റെ സംവിധാനം. അദ്ദേഹം തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നതും. കാതല്‍ എന്ന ചിത്രമാണ് അദ്ദേഹത്തിന്‍റേതായി റിലീസിന് ഒരുങ്ങുന്നത്. ജ്യോതിക ആണ് ചിത്രത്തിലെ നായിക. ഏജന്റ് എന്ന തെലുങ്ക് ചിത്രമാണ് മമ്മൂട്ടിയുടേതായി ഏറ്റവും ഒടുവിൽ റിലീസ് ചെയ്ത ചിത്രം.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം..
