'ലോകം ക്രൂരമായി പെരുമാറിയിട്ടും ഉള്ളിൽ വെന്തുരുകുമ്പോഴും കൂടുതൽ ശക്തയായി'; അമൃതയെ കുറിച്ച് അഭിരാമി
അമൃത നേരിട്ട വെല്ലുവിളികളെ കുറിച്ചും അതിൽ നിന്നും വിഷാദത്തിലേക്ക് പോകാതെ ജീവിതത്തിൽ നേട്ടം കൊയ്തു കൊണ്ടിരിക്കുന്ന അമൃതയെ കുറിച്ചും അഭിരാമി കുറിക്കുന്നു.
 )
Followമലയാളികൾക്ക് ഏറെ സുപരിചിതരാണ് അഭിരാമി സുരേഷും അമൃത സുരേഷും. ഇരുവരും ചേർന്ന് നടത്തുന്ന സംഗീത പരിപാടികൾ എല്ലാം തന്നെ ശ്രദ്ധനേടാറുണ്ട്. ബിഗ് ബോസ് സീസൺ മൂന്നിൽ മത്സരാർത്ഥികളായി എത്തിയും ഇരുവരും തിളങ്ങിയിരുന്നു. സമൂഹമാധ്യമങ്ങളിൽ സജീവമായ അമൃതയും അഭിരാമിയും പങ്കുവയ്ക്കുന്ന പോസ്റ്റുകൾ പ്രേക്ഷക ശ്രദ്ധനേടാറുണ്ട്. അത്തരത്തിൽ അഭിരാമി പങ്കുവച്ചൊരു പോസ്റ്റാണ് ഇപ്പോൾ വൈറൽ ആകുന്നത്. സഹോദരി അമൃതയ്ക്ക് പിറന്നാൾ ആശംസ അറിയിച്ചു കൊണ്ടുള്ള ഹൃദ്യമായ കുറിപ്പാണിത്.
അമൃത നേരിട്ട വെല്ലുവിളികളെ കുറിച്ചും അതിൽ നിന്നും വിഷാദത്തിലേക്ക് പോകാതെ ജീവിതത്തിൽ നേട്ടം കൊയ്തു കൊണ്ടിരിക്കുന്ന അമൃതയെ കുറിച്ചും അഭിരാമി കുറിക്കുന്നു. ഉള്ളിൽ വെന്തുരുകുമ്പോഴും അതിന്റെ ചൂട് ചുറ്റുമുള്ളവർക്ക് ഏൽക്കരുതെന്ന് ആഗ്രഹിക്കുന്ന ആളാണ് അമൃതയെന്നും അഭിരാമി കുറിക്കുന്നു. അമൃതയ്ക്ക് ഒപ്പമുള്ള ഫോട്ടോയും അഭിരാമി പങ്കുവച്ചിട്ടുണ്ട്.
അഭിരാമി സുരേഷിന്റെ വാക്കുകൾ ഇങ്ങനെ
ലോകം അത്യന്തം ക്രൂരമായി പെരുമാറിയിട്ടും ഏറ്റവും മികച്ച വ്യക്തിയായി നിലനിൽക്കുന്ന, പ്രയത്നങ്ങളിൽ നിന്നും പിന്മാറാതിരുന്ന ചന്ദ്രനെ വിടാതെ പിന്തുടരുന്ന ചെന്നായയെ പോലെ സ്വന്തം സ്വപ്നങ്ങൾക്ക് പുറകെ സഞ്ചരിച്ചു കൊണ്ടിരിക്കുന്ന ഈ അത്ഭുത ആത്മാവിന് പിറന്നാൾ ആശംസകൾ. മറ്റൊരാളുടെ ജീവിതത്തിൽ ഇടപെടുകയോ അവരുടെ ജീവിതത്തെ സങ്കീർണമാക്കുകയോ ചെയ്യാതെ മുന്നോട്ട് പോകുന്ന ഒരാൾ. എല്ലാ പ്രതിസന്ധി ഘട്ടങ്ങളെയും ചെറുപുഞ്ചിരി കൊണ്ട് നേരിട്ട്, ഉറ്റവരെ ചേർത്ത് പിടിച്ചു കൊണ്ട് വളരെ മികച്ച രീതിയിൽ മുന്നോട്ട് പോയ്ക്കൊണ്ടിരിക്കുന്ന നിങ്ങളെ കുറ്റപ്പെടുത്താൻ മാത്രം ശീലിച്ച,നാവുകളെ ശ്രദ്ധിക്കാതിരിക്കുക.
നിങ്ങളെപ്പോലെ നിസ്വാർത്ഥയും ദയാനിധിയും സഹായമനസ്ഥിതിയും ഉള്ള മറ്റൊരു വ്യക്തിയെ ഞാൻ കണ്ടിട്ടില്ല. ഇതുവരെ നേരിട്ട വേദനകളൊന്നും നിങ്ങളെ വിഷാദത്തിലേക്ക് തള്ളി വിട്ടിട്ടില്ല. അതു തന്നെയാണ് നിങ്ങളിലെ നല്ലൊരു കാര്യവും. പ്രതിസന്ധികള്‍ നിങ്ങളെ കൂടുതൽ ശക്തയാക്കി, ശ്രദ്ധാലുവാക്കി, നിങ്ങളുടെ കാഴ്ചകൾ മങ്ങുകയോ നിങ്ങള്‍ ഒരിക്കലും തളരുകയോ ചെയ്തില്ല. ചേച്ചിയിലെ ആ സ്ഥിരോത്സാഹത്തിലും സന്തോഷം മാത്രം പങ്കിടുന്ന യാത്രകളിലും ഞാൻ അഭിമാനിക്കുന്നു. ഉള്ളിന്റെ ഉള്ളിൽ വെന്തുരുകുമ്പോഴും അതിന്റെ ചൂട് മറ്റുള്ളവർക്ക് ഏൽക്കുന്നില്ലെന്ന് ഉറപ്പാക്കി. സ്വയമൊരു സ്വർണ്ണ വാൾ പോലെ മൂർച്ചയും തിളക്കവുമുള്ളതായി മാറി.
അമ്പോ.. ഇത് കലക്കും; അനിരുദ്ധിന്റെ സംഗീതം, തകർത്താടി ഷാരൂഖ്, 'ജവാൻ' സോംഗ്
സന്തോഷം, ഭാഗ്യം, കൃപ,ശക്തി എല്ലാം തന്ന് ഈശ്വരൻ നിങ്ങളെ അനുഗ്രഹിക്കട്ടെ! നിന്നിലെ സംഗീതവും, തോറ്റു കൊടുക്കില്ലെന്ന മനോഭാവവും വീഴ്ത്താൻ ശ്രമിച്ചു കൊണ്ടിരിക്കുന്ന ലോകത്തിലെ എല്ലാ അന്ധകാരങ്ങൾക്കുമുള്ള മറുപടി ആയിരിക്കട്ടെ. ഉറപ്പായും ഈശ്വരൻ നിങ്ങളെ മുന്നോട്ടു നയിക്കും. അതിനാൽ മനുഷ്യരെ അവഗണിക്കൂ(മോശം മനുഷ്യരെയാണ് ഞാൻ ഉദ്ദേശിച്ചത്). ഉമ്മ!.. നിനക്ക് ജന്മദിനാശംസകൾ. അച്ഛൻ എല്ലാ വഴികളിലൂടെയും മുന്നോട്ട് നയിക്കും. നിങ്ങളെ അറിയാവുന്ന എല്ലാവർക്കും നിങ്ങളെ മനസിലാകും. അവരെല്ലാം ചേച്ചിയെ കുറിച്ച് അഭിമാനിക്കും. ഉമ്മാ.. കാത്തിരിക്കുന്ന പ്രതിസന്ധികളോട് പോകാൻ പറയൂ..സ്നേഹത്തോടെ ഉണ്ണി!
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം..
