ശമ്പളമുള്ള സ്ത്രീകൾക്ക് അവരുടെ നികുതി ഭാരം എങ്ങനെ കുറയ്ക്കാം; ബെസ്റ്റ് വഴികൾ ഇവയാണ്
80% ഇന്ത്യൻ സ്ത്രീകൾക്കും സാമ്പത്തിക സാക്ഷരത കുറവാണ്. നികുതിയെ കുറിച്ചും എവിടെ, എങ്ങനെ നികുതി ലഭിക്കാമെന്നും സ്ത്രീകൾ അറിഞ്ഞിരിക്കണം.,
 )
Followസാമ്പത്തിക ആസൂത്രണം ജീവിതത്തിലെ നിർണായകമായ കാര്യം തന്നെയാണ്. എന്നാൽ ശമ്പളമുള്ള സ്ത്രീകൾക്ക്, പണം എങ്ങനെ കൃത്യമായി വിനിയിഗിക്കേണ്ടത് എന്നതിനെ കുറിച്ച് വലിയ ധാരണ ഇല്ല എന്നതാണ് കണക്കുകൾ തെളിയിക്കുന്നത്. കാരണം, 80% ഇന്ത്യൻ സ്ത്രീകൾക്കും സാമ്പത്തിക സാക്ഷരത കുറവാണ്. നികുതിയെ കുറിച്ചും എവിടെ എങ്ങനെ നികുതി ലഭിക്കാമെന്നും സ്ത്രീകൾ അറിഞ്ഞിരിക്കണം. ഡിജിറ്റൈസേഷൻ്റെ കാലഘട്ടത്തിൽ, സ്ത്രീകൾക്ക് അവരുടെ സാമ്പത്തിക കാര്യങ്ങൾ ആസൂത്രണം ചെയ്യാനും അവരുടെ നികുതി ഭാരം കുറയ്ക്കാനും നിരവധി അവസരങ്ങൾ ഉണ്ട്. അവ എന്തൊക്കെയാണെന്ന് പരിശോധിക്കാം. .
ലൈഫ് എൻഡോവ്മെൻ്റ് പോളിസി
സാമ്പത്തിക ഭദ്രതയിൽ ഇൻഷുറൻസ് ഒരു പ്രധാന പങ്ക് വഹിക്കുന്നു കൂടാതെ കാര്യമായ നികുതി ആനുകൂല്യങ്ങൾ വാഗ്ദാനം ചെയ്യുന്നു. ലൈഫ് എൻഡോവ്മെൻ്റ് പോളിസികൾ പരിരക്ഷയും സമ്പാദ്യവും സംയോജിപ്പിച്ച നികുതി ആനുകൂല്യങ്ങൾ തേടുന്ന സ്ത്രീകൾക്ക് ബെസ്റ്റ് ഓപ്ഷൻ ആണ്. ഇൻഷുറൻസുമായി താരതമ്യപ്പെടുത്തുമ്പോൾ- മരണം സംഭവിച്ചാൽ സാമ്പത്തിക പരിരക്ഷ നൽകുന്നതിൽ മാത്രം ശ്രദ്ധ കേന്ദ്രീകരിച്ച്, അവർ ഗ്യാരണ്ടീഡ് മെച്യൂരിറ്റി പേഔട്ടുകൾ വാഗ്ദാനം ചെയ്യുന്നു, സാമ്പത്തിക സുരക്ഷയും ഭാവി ലക്ഷ്യങ്ങൾക്കായി ഒരു തുകയും നൽകുന്നു. അതേസമയം, ലൈഫ് എൻഡോവ്മെൻ്റ് പോളിസികളുടെ കാര്യത്തിൽ, ഓരോ വർഷവും പോളിസിയ്‌ക്കായി അടയ്‌ക്കുന്ന പ്രീമിയങ്ങൾ വരുമാനത്തിൽ നിന്ന് ഒരു നിശ്ചിത പരിധി വരെ കുറയ്ക്കാവുന്നതാണ്. അതായത്, നിലവിൽ സെക്ഷൻ 80 സി പ്രകാരം 1.5 ലക്ഷം രൂപ. ഇത് നികുതി വിധേയമായ വരുമാനം കുറയ്ക്കുന്നു,അതിൻ്റെ ഫലമായി ഒരാൾ അടയ്‌ക്കേണ്ട നികുതികൾ കുറയുന്നു.
ഇഎല്‍എസ്എസ്
ഓഹരികളിലും മറ്റ് അനുബന്ധ സെക്യൂരിറ്റീസുകളിലുമായി മൊത്തം ആസ്തിയുടെ 80 ശതമാനവും നിക്ഷേപിക്കുന്ന ഫണ്ടുകളാണിവ. നികുതി ലാഭിക്കുവാനുള്ള നിക്ഷേപ മാര്‍ഗ്ഗങ്ങളില്‍ വച്ച് ഏറ്റവും ആകര്‍ഷകമായവയാണ് ഇഎല്‍എസ്എസ് നിക്ഷേപങ്ങള്‍. നികുതി ഇളവിന് സഹായിക്കുന്ന നിക്ഷേപ പദ്ധതികളില്‍ ഏററവും കൂടുതല്‍ റിട്ടേണ്‍ വാഗ്ദാനം ചെയ്യുന്ന നിക്ഷേപമാണ് ഇഎല്‍എസ്എസ്. 3-5 വര്‍ഷ കാലയളവുകളില്‍ 11-14 ശതമാനം വരെ റിട്ടേണ്‍ ലഭിച്ചിട്ടുണ്ട്. ഓഹരിവിപണിയുമായി ബന്ധപ്പെട്ടതിനാല്‍ ഇഎല്‍എസ്എസ് നിക്ഷേപങ്ങള്‍ ലാഭ നഷ്ട സാധ്യതയുള്ളവയാണ്. റിട്ടേണ്‍ ഒരിക്കലും ഉറപ്പുപറയാനും ആകില്ല. ആദായനികുതി നിയമം 80സി വകുപ്പ് പ്രകാരം 1,50,000 രൂപ വരെയുള്ള നിക്ഷേപങ്ങള്‍ക്ക് നികുതിയിളവ് ലഭിക്കുന്നു. .ഇതില്‍ നിക്ഷേപിക്കുന്നതിലൂടെ ഉയര്‍ന്ന നികുതി സ്ലാബിലുള്ള ഒരു നിക്ഷേപകന് 46,800 രൂപ വരെ ലാഭിക്കുവാന്‍ സാധിക്കുന്നു
നികുതി രഹിത ബോണ്ടുകൾ
ശമ്പളമുള്ള സ്ത്രീകൾക്ക്, ദീർഘകാല നിക്ഷേപം നടത്താൻ കഴിയുന്ന ഒന്നാണിത്. പൊതുമേഖലാ സ്ഥാപനങ്ങളുടെ ബോണ്ടുകൾ സ്ത്രീകൾക്ക് കണ്ണുംപൂട്ടി വാങ്ങാം. ഗവൺമെൻ്റ് പിന്തുണയുള്ളതും നീണ്ട കാലാവധിയുള്ളതുമാണിത്. ഈ ബോണ്ടുകളിലെ പ്രാരംഭ നിക്ഷേപവും അന്തിമ റിഡംഷൻ തുകയും നികുതിയിൽ നിന്ന് ഒഴിവാക്കിയിട്ടില്ല, ഇവ ഭൗതിക രൂപത്തിലോ ഡീമാറ്റ് രൂപത്തിലോ സൂക്ഷിക്കാം.
