ഹോം ലോൺ പെട്ടന്ന് ലഭിക്കാൻ എന്തൊക്കെ ചെയ്യണം? ഈ 5 കാര്യങ്ങൾ ശ്രദ്ധിക്കൂ
കഴിഞ്ഞ പത്ത് വർഷത്തിനുള്ളിൽ വായ്പ അപേക്ഷകൾ വളരെയധികം വർധിച്ചിട്ടുണ്ട്. അതിനാൽ യോഗ്യതകൾ ഉണ്ടെങ്കിലേ വായ്പ കിട്ടുകയുള്ളു
 )
Followരാജ്യത്തുടനീളമുള്ള വായ്പാദാതാക്കൾക്ക് ഓരോ വർഷവും ആയിരക്കണക്കിന് വായ്പാ അപേക്ഷകൾ ആണ് ലഭിക്കുന്നത്. ഭാവന വായ്പയുടെ കാര്യമെടുക്കുമ്പോൾ, ഒരു വീടെന്ന സ്വപ്നം യാഥാർഥ്യമാക്കാൻ പലപ്പോഴും വായ്പയെയാണ് ഭൂരിഭാഗം പേരും ആശ്രയിക്കുന്നത്. കഴിഞ്ഞ ദശകത്തിൽ ഭവനവായ്പകളുടെ ആവശ്യം ഗണ്യമായി വർദ്ധിച്ചതിനാൽ, കടം കൊടുക്കുന്നവരും സെലക്ടിവ് ആയെന്ന് പറയാം. നിരവധി മാനദണ്ഡങ്ങൾ കടം കൊടുക്കുമ്പോൾ മുന്നോട്ട് വെക്കുന്നു. ഈ യോഗ്യതകൾ ഉണ്ടെങ്കിൽ മാത്രമേ ആവശ്യമുള്ള തുക വായ്പയായി ലഭിക്കൂ. ഭവനവായ്പയ്ക്കുള്ള യോഗ്യത ഉയർത്താൻ എന്താണ് ചെയ്യേണ്ടത്?
ഹോം ലോൺ യോഗ്യത എങ്ങനെ മെച്ചപ്പെടുത്താം
1. ക്രെഡിറ്റ് സ്കോർ മെച്ചപ്പെടുത്തുക
ഹോം ലോൺ അപേക്ഷകൾ നിരസിക്കപ്പെടുന്നതിനുള്ള കൂടുതൽ കാണുന്ന കാരണങ്ങളിലൊന്ന് കുറഞ്ഞ ക്രെഡിറ്റ് സ്കോർ ആണ്. കടം വാങ്ങുന്നയാളുടെ ക്രെഡിറ്റ് സ്കോർ 300-നും 900-നും ഇടയിലുള്ള മൂന്നക്ക സംഖ്യയാണ്, അത് കൃത്യസമയത്ത് വായ്പ തിരിച്ചടയ്ക്കാനുള്ള അവരുടെ കഴിവിനെ പ്രതിഫലിപ്പിക്കുന്നു. വായ്പ നൽകുന്നവർക്ക് ക്രെഡിറ്റ് സ്കോർ നോക്കി പണം കടം കൊടുക്കുന്നതിലെ അപകടസാധ്യതയെക്കുറിച്ച് വിലയിരുത്താം.
2. കടം-വരുമാന അനുപാതം കുറയ്ക്കുക
വായ്പാ അപേക്ഷകൾ തീരുമാനിക്കുമ്പോൾ കടം കൊടുക്കുന്നവർ പല കാര്യങ്ങളും പരിശോധിക്കുന്നു. ഭവനവായ്പ അംഗീകരിക്കാനുള്ള ഒരാളുടെ സാധ്യതകളെ ബാധിക്കുന്ന ഘടകങ്ങളിലൊന്നാണ് കടവും വരുമാന അനുപാതവും.കടം-വരുമാന അനുപാതം എന്നത് കടം വാങ്ങുന്നയാളുടെ മൊത്തം വരുമാനത്തിന്റെ ശതമാനത്തെ സൂചിപ്പിക്കുന്നു.
3. ഹോം ലോൺ തുക
ഒരു കടം വാങ്ങുന്നയാൾക്ക് അവരുടെ വരുമാനവും അവർ വാങ്ങുന്ന വസ്തുവിന്റെ മൂല്യവും അനുസരിച്ച് അനുവദിക്കാവുന്ന വായ്പ തുക വായ്പ നൽകുന്നവർ തീരുമാനിക്കുന്നു. കടം കൊടുക്കുന്നവർക്ക് ഒരു വസ്തുവിന്റെ മൂല്യത്തിന്റെ 80% വരെ വായ്പയായി അനുവദിക്കാം. നിങ്ങൾക്ക് വേഗത്തിൽ ലോണിന് അംഗീകാരം ലഭിക്കണമെങ്കിൽ, നിങ്ങൾക്ക് യോഗ്യതയുള്ള ലോൺ തുകയ്‌ക്കോ കുറഞ്ഞ തുകയ്‌ക്കോ അപേക്ഷിക്കുക. നിങ്ങൾ വായ്പയെടുക്കാൻ ആഗ്രഹിക്കുന്ന ഹോം ലോൺ തുകയെ നിങ്ങളുടെ വരുമാനം പിന്തുണയ്ക്കുന്നില്ലെങ്കിൽ, നിങ്ങളുടെ ലോൺ അപേക്ഷയിൽ വരുമാന സ്രോതസ്സുകൾ ചേർത്ത് വലിയ തുകയ്ക്കായി അപേക്ഷിക്കാം.
4. രണ്ടുപേർ അപേക്ഷിക്കുക
ലോൺ അപേക്ഷയിൽ ഒരു സഹ-വായ്പക്കാരനെ ചേർത്തുകൊണ്ട് നിങ്ങൾക്ക് ലോൺ അംഗീകാരത്തിനുള്ള സാധ്യത വർദ്ധിപ്പിക്കാം. ജോയിന്റ് ഹോം ലോണുകളുടെ കാര്യത്തിൽ, കടം കൊടുക്കുന്നവർ ഹോം ലോൺ യോഗ്യതയും അനുവദിക്കേണ്ട ലോൺ തുകയും അതുപോലെ തന്നെ ജോലിയും വരുമാനവും അടിസ്ഥാനമാക്കി വായ്പയുടെ നിബന്ധനകളും വ്യവസ്ഥകളും അതുപോലെ എല്ലാ കടം വാങ്ങുന്നവരുടെയും സംയുക്ത ക്രെഡിറ്റ് സ്കോർ എന്നിവയും തീരുമാനിക്കുന്നു. അതിനാൽ, ഒരു സഹ-വായ്പക്കാരനെ ചേർത്തുകൊണ്ട് നിങ്ങളുടെ ഹോം ലോൺ യോഗ്യത വർദ്ധിപ്പിക്കാൻ നിങ്ങൾ പദ്ധതിയിടുകയാണെങ്കിൽ, ഈ സഹ-വായ്പക്കാരൻ മികച്ച ക്രെഡിറ്റ് സ്‌കോറും ഉയർന്ന വരുമാനവും ജോലി സ്ഥിരതയും ഉള്ള ഒരാളാണെന്ന് ഉറപ്പാക്കുക.
5. മുൻപ് കടമെടുത്തവരിൽ നിന്നും വീണ്ടും അപേക്ഷിക്കുക
നിങ്ങളുടെ ക്രെഡിറ്റ് സ്കോർ കുറവാണെങ്കിലോ നിങ്ങൾ അടുത്തിടെ ജോലി മാറിയിയിട്ടുണ്ടെങ്കിലോ ഒരു ഭവന വായ്പയ്ക്ക് അംഗീകാരം ലഭിക്കുന്നതിന് ബുദ്ധിമുട്ടായിരിക്കും. എന്നാൽ നേരത്തെ തന്നെ വായ്പ എടുത്ത് ബന്ധമുള്ള സ്ഥലത്ത് നിന്ന് തന്നെ വായ്പയെടുക്കുക. നിങ്ങളെക്കുറിച്ചും നിങ്ങളുടെ തിരിച്ചടവ് ശേഷിയെക്കുറിച്ചും നിങ്ങളുടെ കടം കൊടുക്കുന്നയാൾക്ക് ഇതിനകം തന്നെ അറിയാം എന്നുള്ളത് ഇവിടെ പ്രയോജനപ്പെടും.
