5,000 കോടിയോളം പാകിസ്ഥാന് വായ്പ നൽകി ചൈന; ലക്ഷ്യം ഇത്
പാകിസ്താന്റെ ദീർഘകാല സഖ്യകക്ഷിയായ ചൈന കഴിഞ്ഞ മൂന്ന് മാസത്തിനുള്ളിൽ 5 ബില്യൺ ഡോളറിലധികം വായ്പ നൽകിയതിന് പുറമേയാണ് പുതിയ വായ്പ
 )
Followദില്ലി: വിദേശനാണ്യ ശേഖരം ഉയർത്താൻ ചൈന പാക്കിസ്ഥാന് 600 മില്യൺ ഡോളർ വായ്പ നൽകിയതായി പ്രധാനമന്ത്രി ഷെഹ്ബാസ് ഷെരീഫ്. ഐഎംഎഫ് കരാറിന്റെ പിൻബലത്തലാണ് വായ്പ. പാകിസ്താന്റെ ദീർഘകാല സഖ്യകക്ഷിയായ ചൈന കഴിഞ്ഞ മൂന്ന് മാസത്തിനുള്ളിൽ 5 ബില്യൺ ഡോളറിലധികം വായ്പ നൽകിയതിന് പുറമേയാണിത്.
ഐഎംഎഫ് ജാമ്യം നേടുന്നതിനുള്ള ചർച്ചകൾ ഇഴഞ്ഞുനീങ്ങുമ്പോൾ ഒരു വീഴ്ച ഒഴിവാക്കാൻ ചൈന പാകിസ്താനെ സഹായിച്ചതായി ഷെഹ്ബാസ് ഷെരീഫ് പറഞ്ഞു.നിലവിലെ അവസ്ഥയിൽ, ചൈനയുടെ വായ്പാ സഹായം പാകിസ്ഥാന് ആശ്വാസം പകരുമെന്നാണ് റിപ്പോർട്ട്.
ഐഎംഎഫ് ഉടമ്പടിക്ക് ശേഷം സൗദിയിൽ നിന്നും യുഎഇയിൽ നിന്നുമുള്ള 3 ബില്യൺ ഡോളർ സാമ്പത്തിക സഹായം പാകിസ്ഥാൻ സമ്പദ്‌വ്യവസ്ഥയെ സുസ്ഥിരമാക്കാൻ സഹായിച്ചതായി ധനമന്ത്രി ഇഷാഖ് ദാർ പറഞ്ഞു.
ധനസഹായത്തിനായി കഴിഞ്ഞ ഫെബ്രുവരി മുതൽ ഐഎംഎഫുമായി പാകിസ്ഥാൻ ചർച്ച നടത്തി വരികയാണ്. ജൂൺ 30-ന് 3 ബില്യൺ ഡോളർ ഐഎംഎഫ് ജാമ്യം പാകിസ്താന് ലഭിച്ചിരുന്നു. ഏകദേശം 1.2 ബില്യൺ ഡോളർ പ്രാരംഭ മുൻകൂർ ഗഡു വിതരണം ചെയ്തു.
2019ൽ ആറ് ബില്യൺ ഡോളറാണ് പാകിസ്ഥാന് ഐഎംഎഫ് വായ്പയായി നൽകിയത്. നിലവിലെ അവസ്ഥയിൽ പാകിസ്ഥാന് ലഭിച്ച ഏറ്റവും വലിയ സാമ്പത്തിക സഹായമാണ് ചൈനയുടേത്. ഈ വിഷയത്തിൽ, ചൈനീസ് സെൻട്രൽ ബാങ്കോ ഉദ്യോഗസ്ഥരോ ഇതുവരെ ഔദ്യോഗികമായി പ്രതികരിച്ചിട്ടില്ല.
അതേസമയം, ജൂൺ മാസത്തിൽ കറന്റ് അക്കൗണ്ടിൽ 334 മില്യൺ ഡോളർ മിച്ചം രേഖപ്പെടുത്തിയതായി പാകിസ്ഥാൻ സെൻട്രൽ ബാങ്ക് ചൊവ്വാഴ്ച അറിയിച്ചു.
