കാർ വാങ്ങാൻ പ്ലാനുണ്ടോ? അമിത ചെലവില്ലാതെ പുതിയ വാഹനം സ്വന്തമാക്കാനുള്ള വഴികൾ ഇതാ
ഗുണനിലവാരത്തിൽ വിട്ടുവീഴ്ച ചെയ്യാതെ ചെലവ് കുറച്ച് പുതിയ കാർ വാങ്ങുന്നതിനുള്ള ചില തന്ത്രങ്ങൾ ഇതാ.
 )
Followഒരു പുതിയ കാർ വാങ്ങുന്നത് എല്ലാവർക്കും സന്തോഷം പകരുന്ന ഒന്നായിരിക്കും. ഇതിനിടയിൽ, ഉയർന്നുവരുന്ന ഒരു നിർണായക പ്രശ്നം എന്ന് പറയുന്നത് അതിനുള്ള ചെലവാണ്. ബഡ്ജറ്റുകളിലും ബ്രാൻഡുകളിലുമായി എണ്ണമറ്റ മോഡലുകൾ കാർ നിർമാതാക്കൾ വാഗ്ദാനം ചെയ്യുന്നു . ഗുണനിലവാരത്തിൽ വിട്ടുവീഴ്ച ചെയ്യാതെ ചെലവ് കുറച്ച് പുതിയ കാർ വാങ്ങുന്നതിനുള്ള ചില തന്ത്രങ്ങൾ ഇതാ.
വിപുലമായ അറിവ്
വിശദമായി പഠനം നടത്തി മാത്രം വാഹനം വാങ്ങുക. ഒന്നിലധികം പ്ലാറ്റ്‌ഫോമുകളിലും ഡീലർഷിപ്പുകളിലും വിലകളും സവിശേഷതകളും ഓഫറുകളും താരതമ്യം ചെയ്യുക. ഓട്ടോമോട്ടീവ് വെബ്‌സൈറ്റുകൾ, സോഷ്യൽ മീഡിയ ഗ്രൂപ്പുകൾ എന്നിവയിൽ നിന്ന് വ്യത്യസ്ത കാർ മോഡലുകളുടെ അനുഭവങ്ങളെക്കുറിച്ചുള്ള വിവരങ്ങൾ ലഭിക്കും. അറ്റകുറ്റപ്പണികൾ, ഇന്ധനക്ഷമത, ഇൻഷുറൻസ് പ്രീമിയം എന്നിവ ഉൾപ്പെടെയുള്ള ദീർഘകാല ചെലവുകളും അറിയണം
ബജറ്റ് ഒരുക്കുക
സാമ്പത്തിക സ്ഥിതിയെ അടിസ്ഥാനമാക്കി വാഹനം വാങ്ങുന്നതിനുള്ള ബഡ്ജറ്റ് നിർണ്ണയിക്കുക . പ്രാരംഭ ചെലവ് മാത്രമല്ല, ലോൺ പലിശ, ഇൻഷുറൻസ്, ഇന്ധനം, മെയിന്റനൻസ് തുടങ്ങിയ ചെലവുകളും പരിഗണിക്കുക. നിങ്ങളുടെ ആവശ്യങ്ങളുമായി പൊരുത്തപ്പെടുന്ന അവശ്യ ഫീച്ചറുകൾക്ക് മുൻഗണന നൽകിക്കൊണ്ട് താങ്ങാനാവുന്ന വിലയിലുള്ള വാഹനം വാങ്ങുക.
ഫിനാൻസിംഗ്
ബാങ്കുകൾ, വാഹന ഫിനാൻസ് കമ്പനികൾ എന്നിവ വാഗ്ദാനം ചെയ്യുന്ന പലിശ നിരക്കുകളും നിബന്ധനകളും താരതമ്യം ചെയ്യുക. കുറഞ്ഞ ഡൗൺ പേയ്‌മെന്റ് സ്‌കീമുകൾ പോലുള്ള ഏതെങ്കിലും പ്രമോഷണൽ ഓഫറുകളോ ഇൻസെന്റീവുകളോ ഉണ്ടോ എന്ന് പരിശോധിക്കുക
ഓഫറുകൾ ഉപയോഗിക്കുക
ചെലവ് ലാഭിക്കുന്നതിനുള്ള അവസരങ്ങൾ പ്രയോജനപ്പെടുത്തുന്നതിന് വർഷാവസാന വിൽപ്പന, ഉത്സവ കിഴിവുകൾ, ഡീലർഷിപ്പ് ആനുകൂല്യങ്ങൾ എന്നിവ പരിശോധിക്കുക. ഡീലർമാർ വിൽപ്പന ലക്ഷ്യങ്ങൾ കൈവരിക്കുന്നതിന് കൂടുതൽ കിഴിവുകൾ നൽകാൻ നൽകുന്ന തിരക്കില്ലാത്ത സീസണുകളിൽ വാഹനം വാങ്ങുന്നത് പരിഗണിക്കുക.
സെക്കന്റ് ഹാന്റ് വാഹനം
ഗുണനിലവാരത്തിൽ വിട്ടുവീഴ്ച ചെയ്യാതെ കാര്യമായ രീതിയിൽ പണം ലാഭിക്കുന്നതിന് മികച്ച ഡീലർഷിപ്പുകളിൽ നിന്ന് സെക്കന്റ് ഹാന്റ് കാറുകൾ വാങ്ങുന്നത് പരിഗണിക്കാം. ഇത്തരം വാഹനങ്ങൾ കർശനമായ പരിശോധനകൾക്ക് വിധേയമാകുകയും പലപ്പോഴും മികച്ച വാറന്റികൾ നൽകുകയും ചെയ്യുന്നു .
ഇൻഷുറൻസ് കവറേജ്
ഒന്നിലധികം സേവന ദാതാക്കളിൽ നിന്നുള്ള ഇൻഷുറൻസ് പ്രീമിയങ്ങൾ താരതമ്യം ചെയ്ത് വാഹനത്തിന് മതിയായ കവറേജ് ഉറപ്പാക്കുക. കിഴിവുകൾ, ആഡ്-ഓൺ കവറുകൾ, ക്ലെയിം സെറ്റിൽമെന്റ് അനുപാതങ്ങൾ എന്നിവ പോലുള്ള ഘടകങ്ങൾ പരിഗണിക്കുക.
മൂല്യമിടിവ്
ആദ്യ കുറച്ച് വർഷങ്ങൾക്ക് ശേഷം തന്നെ പുതിയ കാറുകളുടെ മൂല്യം ഗണ്യമായി കുറയും. മൂല്യം നിലനിർത്തുന്നതിന് അറിയപ്പെടുന്ന മോഡലുകൾ തിരഞ്ഞെടുക്കുക . ശരിയായ അറ്റകുറ്റപ്പണി,പതിവായുള്ള സർവീസ് എന്നിവയ്ക്ക് വാഹനത്തിന്റെ മൂല്യമിടിവിനെ കുറയ്ക്കാൻ കഴിയും.
സർക്കാർ പദ്ധതികൾ
ഇലക്ട്രിക്, ഹൈബ്രിഡ് വാഹനങ്ങൾക്ക് ലഭ്യമായ സർക്കാർ ആനുകൂല്യങ്ങൾ, സബ്‌സിഡികൾ, നികുതി ആനുകൂല്യങ്ങൾ എന്നിവയെക്കുറിച്ച് അറിഞ്ഞിരിക്കുക.
ഇന്ധനക്ഷമതയ്ക്ക് മുൻഗണന നൽകുക
ഒരു കാർ മോഡൽ തിരഞ്ഞെടുക്കുമ്പോൾ ഇന്ധനക്ഷമത പരിശോധിക്കുക. കാലക്രമേണ ഇന്ധനച്ചെലവ് ലാഭിക്കാൻ ഹൈബ്രിഡ്, ഇലക്ട്രിക് അല്ലെങ്കിൽ ഇന്ധനക്ഷമതയുള്ള പെട്രോൾ/ഡീസൽ വേരിയന്റുകൾ തിരഞ്ഞെടുക്കുക.
