ബാങ്ക് എഫ്ഡിയോ, പോസ്റ്റ് ഓഫീസ് സ്കീമോ? മുതിർന്ന പൗരൻമാർക്ക് മികച്ച പലിശവരുമാനം ഇതില്‍
ബാങ്ക്, പോസ്റ്റ് ഓഫീസ് എന്നിവയുടെ നിശ്ചിതകാലയളവിലെ സ്ഥിരനിക്ഷേപങ്ങളിൽ നിക്ഷേപിക്കുന്നതിലൂടെ നിക്ഷേപകന് എത്ര പലിശ വരുമാനം ലഭിക്കുമെന്ന് പരിശോധിക്കാം
 )
Follow
മിക്ക ബാങ്കുകളും നിലവിൽ മുതിർന്ന പൗരന്മാർക്ക് സ്ഥിര നിക്ഷേപങ്ങൾക്ക് ഉയർന്ന പലിശ നിരക്ക് വാഗ്ദാനം ചെയ്യുന്നു. റിസ്ക് കുറഞ്ഞ നിക്ഷേപങ്ങളായതിനാലും, മെച്ചപ്പെട്ട വരുമാനം ലഭ്യമാക്കുന്നതിനാലും ബാങ്ക് എഫ്ഡികൾക്ക് ആവശ്യക്കാരുമുണ്ട്. എസ്ബിഐ, എച്ച്ഡിഎഫ്സി തുടങ്ങിയ പ്രമുഖ ബാങ്കുകളിൽ മുതിർന്ന പൗരന്മാർക്ക് 7.5% വരെ പലിശ ലഭ്യമാക്കുന്നുണ്ട്. സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ), എച്ച്ഡിഎഫ്സി ബാങ്ക്, പോസ്റ്റ് ഓഫീസ് എന്നിവയുടെ നിശ്ചിതകാലയളവിലെ സ്ഥിരനിക്ഷേപങ്ങളിൽ, ഒരു ലക്ഷം മുതൽ 5 ലക്ഷം രൂപയും നിക്ഷേപിക്കുന്നതിലൂടെ നിക്ഷേപകന് എത്ര പലിശ വരുമാനം ലഭിക്കുമെന്ന് പരിശോധിക്കാം
എസ്ബിഐ
എസ്ബിഐയിൽ 1 വർഷത്തേക്ക് ഒരു ലക്ഷം രൂപയുടെ നിക്ഷേപത്തിന് മുതിർന്ന പൗരന്മാർക്ക് 6.25% ആണ് പലിശനിരക്ക്. ഇക്കാലയളവിൽ 6396 രൂപ പലിശയായി നേടാം. 5 വർഷത്തെ ഒരു ലക്ഷം രൂപയുടെ നിക്ഷേപത്തിന് നിങ്ങൾക്ക് 44,995 രൂപ പലിശയായി നേടാം . 7.5% ആണ് മുതിർന്ന പൗരന്മാർക്കുള്ള പലിശനിരക്ക്. . 10 വർഷത്തേക്കും 7.50 ശതമാനമാണ് പലിശ. 1 ലക്ഷം രൂപ നിക്ഷേപിച്ചാൽ 1,1,0235 രൂപ നേടാം.
എച്ച്ഡിഎഫ്സി ബാങ്ക്
എച്ച്ഡിഎഫ്സി ബാങ്കിൽ ഒരു വർഷത്തേക്ക് ഒരു ലക്ഷം രൂപയുടെ നിക്ഷേപത്തിന് നിങ്ങൾക്ക് 7291 രൂപ പലിശയായി നേടാം. ഇക്കാലയളവിൽ മുതിർന്ന പൗരന്മാർക്കുള്ള പലിശ നിരക്ക് 7.1% ആണ്. 3 വർഷത്തേക്ക് 7.50 ശതമാനം പലിശ ലഭിക്കും. 1 ലക്ഷം രൂപ നിക്ഷേപിച്ചാൽ 24,972 രൂപ പലിശ നേടാം.5 വർഷത്തേക്ക് ഒരു ലക്ഷം രൂപയുടെ നിക്ഷേപത്തിന് നിങ്ങൾക്ക് 44,995 രൂപ പലിശയായി നേടാം, 7.5% ആണ് പലിശനിരക്ക്. 10 വർഷത്തേക്ക് ഒരു ലക്ഷം രൂപയുടെ നിക്ഷേപത്തിന് 7.75 ശതമാനം പലിശനിരക്കിൽ നിക്ഷേപകന് 1,15,456 രൂപ പലിശയായി നേടാം,
പോസ്റ്റ് ഓഫീസ് ഫിക്സഡ് ഡിപ്പോസിറ്റ്
പോസ്റ്റ് ഓഫീസിൽ 1 വർഷത്തേക്ക് ഒരു ലക്ഷം രൂപയുടെ നിക്ഷേപത്തിന് നിങ്ങൾക്ക് 6975 രൂപ പലിശയായി നേടാം. മുതിർന്ന പൗരന്മാർക്കും റെഗുലർ നിക്ഷേപകർക്കും ഒരേ പലിശ നിരക്കാണ് നൽകുന്നത്. 1 വർഷത്തേക്ക് പോസ്റ്റ് ഓഫീസ് സ്ഥിര നിക്ഷേപം നൽകുന്ന പലിശ 6.80 ശതമാനമാണ്.3 വർഷത്തേക്ക് ഒരു ലക്ഷം രൂപയുടെ നിക്ഷേപത്തിന് 7 ശതമാനം നിരക്കൽ 23,144 രൂപ പലിശയായി നേടാം, 5 വർഷത്തേക്ക് ഒരു ലക്ഷം രൂപയുടെ നിക്ഷേപത്തിന് 7.5 ശതമാനം പലിശനിരക്കിൽ നിങ്ങൾക്ക് 44,995 രൂപ പലിശയാണ് ലഭിക്കുക.
