പാരച്യൂട്ടില്ലാതെ 25,000 അടി ഉയരത്തിൽ നിന്ന് ചാടി ലൂക്ക്
 )
Followന്യൂയോര്‍ക്ക്: സാഹസികതയിൽ പുതിയ ചരിത്രമെഴുതി ഒരു അമേരിക്കക്കാരൻ. പാരച്യൂട്ടില്ലാതെ 25,000 അടി ഉയരത്തിൽ നിന്ന് ചാടിയാണ് ലൂക്ക് ഐക്കിൻസ് എന്ന 42 കാരൻ റെക്കോർഡ് കുറിച്ചത്.
2 മിനിട്ട് നീണ്ടുനിൽക്കുന്ന സ്വപ്ന സമാനമായ ഒരു ആകാശപ്പറക്കൽ. പാരച്യൂട്ടില്ല, രക്ഷാകവചങ്ങളില്ല... ഒരു പറവയെപ്പോലെ സ്വതന്ത്രമായി ലൂക്ക് ഐക്കിൻസ് പറന്നിറങ്ങി. 25,000 അടി താഴെയുളള തെക്കൻ കാലിഫോർണിയയിലെ സിമി താഴ്വരയിലേക്ക്.
ഫോക്സ് ടെലിവിഷനിൽ തത്സമയം സംപ്രേക്ഷണം ചെയ്ത ഈ പറക്കലിന് നേരിട്ടും അല്ലാതെയും സാക്ഷിയായത്
ലക്ഷക്കണക്കിന് പേര്‍. സുരക്ഷിതമായി ചാട്ടം പൂർത്തിയാക്കിയ ഐക്കിൻസിന് ഈ അനുഭവത്തെ കുറിച്ച് വിവരിക്കാൻ വാക്കുകളില്ലായിരുന്നു, 26 വർഷമായി സാഹസപ്പറക്കൽ രംഗത്തുളള ലൂക്ക് ഇതോടെ കരിയറിൽ 18,000 ചാട്ടങ്ങൾ പൂർത്തിയാക്കി.
