കാറിനടിയിലായ യുവതിക്ക് തുണയായി വഴിയാത്രക്കാര്‍, ആരുടെയും കണ്ണുനിറയ്ക്കും ഈ വീഡിയോ
 )
Followബീജിംഗ്: വലിയൊരു ദുരന്തം മുന്നില്‍ വരുമ്പോള്‍ ആളുകള്‍ മറ്റെല്ലാം മറക്കും. എല്ലാ തിരക്കുകളും ഒഴിയും. മനുഷ്യത്വത്തിന്റെ പക്ഷത്തേക്കു ആരും ചേര്‍ന്നു നില്‍ക്കും. ചൈനയിലെ ഒരു വാഹനാപകട വേളയില്‍ സംഭവിച്ചതും ഇതാണ്.
ജിയാങഇ് ജിയിലാണ് സംഭവം. റോഡ് മുറിച്ചു കടക്കുന്നതിനിടെ ഒരു യുവതിയ്ക്കു നേരെ ഒരു കാര്‍ പാഞ്ഞെത്തുന്നു. അതിവേഗം വന്ന കാറിനടിയില്‍ യുവതി പെട്ടു. കണ്ടു നിന്ന ചിലര്‍ കാര്‍ പൊക്കി യുവതിയെ രക്ഷിക്കാന്‍ ശ്രമിക്കുന്നു. നടക്കുന്നില്ല. തൊട്ടു പുറകില്‍ ഒരു ബസ് വന്നു നില്‍ക്കുന്നു. ബസിലെ ഡ്രൈവറും ജീവനക്കാരും യാത്രക്കാരും കൂടി ചേരുമ്പോള്‍ കാര്‍ പൊങ്ങുന്നു. ചില സ്‌കൂട്ടര്‍ യാത്രക്കാരും ഒപ്പം ചേര്‍ന്നതോടെ കാര്‍ പൊക്കി യുവതിയെ രക്ഷപ്പെടുത്തുന്നു. സഹജീവികളുടെ സമയോചിതമായ പ്രവര്‍ത്തനം കാരണം അതിവേഗം ആശുപത്രിയില്‍ എത്തിച്ച യുവതി ആശുപത്രിയില്‍ സുഖം പ്രാപിച്ചു വരുന്നതായി പീപ്പിള്‍സ് ഡെയിലി റിപ്പോര്‍ട്ട് ചെയ്യുന്നു.
സംഭവത്തിന്റെ വീഡിയോ ദൃശ്യങ്ങള്‍ ഇവിടെ കാണാം:
