ഉപയോഗ ശൂന്യമായ വാക്സിൻ കുപ്പികൾ കൊണ്ടൊരു ഷാൻലിയർ, മനോഹരമായ ഈ സൃഷ്ടിയ്ക്ക് പിന്നിൽ ആരാണെന്നോ...?
ഉപയോഗിച്ച ശേഷം ഉപേക്ഷിക്കുന്ന വാക്സിൻ കുപ്പികൾ പുനരുപയോഗിച്ച് ഈ മനോഹരമായ സൃ‍ഷ്ടി നിർമ്മിച്ചത് കൊളറാഡോയിൽ നിന്നുള്ള ലോറാ വെയ്സ് എന്ന നഴ്സാണ്.
 )
Followകൊവിഡ് വാക്സിൻ കുപ്പികൾ കൊണ്ട് തയ്യാറാക്കിയ അലങ്കാരവിളക്കാണ് ഇപ്പോൾ സോഷ്യൽ മീഡിയയിൽ വെെറലായിരിക്കുന്നത്. ആദ്യം കാണുമ്പോൾ ആഡംബരപൂർണമായ ഷാൻലിയർ ആണെന്നേ തോന്നൂ.
ഉപയോഗിച്ച ശേഷം ഉപേക്ഷിക്കുന്ന വാക്സിൻ കുപ്പികൾ പുനരുപയോഗിച്ച് ഈ മനോഹരമായ സൃ‍ഷ്ടി നിർമ്മിച്ചത് ലോറാ വെയ്സ് എന്ന നഴ്സാണ്. കൊളറാഡോയിലെ ബൗൾ‍ഡർ കൗണ്ടി പബ്ലിക്ക് ഹെൽത്തിൽ നഴ്സായി ജോലി ചെയ്ത് വരികയാണ് ലോറാ.
ബൗൾ‍ഡർ കൗണ്ടി പബ്ലിക് ഹെൽത്ത് എന്ന ഫേസ്ബുക്ക് പേജിലാണ് ലോറയെ അഭിനന്ദിച്ച് ചിത്രങ്ങളും കുറിപ്പും പങ്കുവച്ചിരിക്കുന്നത്. ഈ കൊവിഡ് കാലത്ത് പരസ്പരം താങ്ങായവരെയും വാക്സിനെടുക്കാൻ സഹായിച്ചവരേയുമൊക്കെ അഭിനന്ദിക്കുകയായിരുന്നു ഇതിന് പിന്നിലെ ലക്ഷ്യമെന്നും അവർ പറയുന്നു.
നൂറുകണക്കിന് മോഡേണ വാക്സിൻ കുപ്പികൾ പുനർനിർമ്മിക്കാനും ഈ 'അഭിനന്ദന വെളിച്ചം' സൃഷ്ടിക്കാനും കഴിഞ്ഞതിൽ സന്തോഷമുണ്ടെന്നും ലോറാ പറയുന്നു.
