'ക്യൂട്ടായിട്ടുണ്ടേ...';പട്ടിക്കുട്ടിയുടെ രസകരമായ വീഡിയോ
വളര്‍ത്തുമൃഗങ്ങളുടെ പ്രത്യേകിച്ച് വളര്‍ത്തുനായ്ക്കളുടെ വീഡിയോകളാണെങ്കില്‍ അതിന് ആരാധകര്‍ കൂടുതലാണ്. മനുഷ്യരുമായി ഏറ്റവും അടുത്തിടപഴകുന്ന മൃഗമെന്ന നിലയില്‍ നായ്ക്കളുമായി നമുക്ക് വലിയ ആത്മബന്ധം തന്നെ ഉണ്ടാകാറുണ്ട്.
 )
Followഓരോ ദിവസവും സോഷ്യല്‍ മീഡിയയിലൂടെ എണ്ണമറ്റ വീഡിയോകളാണ് ( Viral Video ) നമ്മുടെ വിരല്‍ത്തുമ്പിലൂട കടന്നുപോകുന്നത്. ഇവയില്‍ മൃഗങ്ങളുമായി ബന്ധപ്പെട്ട മിക്ക വീഡിയോകളും ശ്രദ്ധിച്ചാല്‍ മനസിലാകും ഇവയ്ക്ക് കാഴ്ചക്കാരേറെയാണ്. പ്രധാനമായും നമ്മളില്‍കൗതുകം നിറയ്ക്കുന്നതാണെന്നതിനാലാണ് മൃഗങ്ങളുടെ വീഡിയോകള്‍ക്ക് ഇത്ര കാഴ്ചക്കാരേറുന്നത്.
ഇക്കൂട്ടത്തില്‍ തന്നെ വളര്‍ത്തുമൃഗങ്ങളുടെ പ്രത്യേകിച്ച് വളര്‍ത്തുനായ്ക്കളുടെ ( Pet Dog ) വീഡിയോകളാണെങ്കില്‍ അതിന് ആരാധകര്‍ കൂടുതലാണ്. മനുഷ്യരുമായി ഏറ്റവും അടുത്തിടപഴകുന്ന മൃഗമെന്ന നിലയില്‍ നായ്ക്കളുമായി നമുക്ക് വലിയ ആത്മബന്ധം തന്നെ ഉണ്ടാകാറുണ്ട്.
വളര്‍ത്തുനായ്ക്കളുടെ ( Pet Dog ) കുസൃതികളും കളികളും കഴിവുകളും കാണാനാകുന്ന വീഡിയോകളെല്ലാം തന്നെ ഇത്തരത്തില്‍ വലിയ രീതിയില്‍ സോഷ്യല്‍ മീഡിയയില്‍ സ്വീകരിക്കപ്പെടാറുണ്ട്. അങ്ങനെയൊരു വീഡിയോ ആണിനി പങ്കുവയ്ക്കുന്നത്. ട്വിറ്ററിലാണ് ഈ വീഡിയോ കാര്യമായി പ്രചരിക്കപ്പെട്ടത്.
കറുത്ത നിറത്തിലുള്ളൊരു പട്ടിക്കുട്ടി ഒരു ടബ്ബിനകത്തിരുന്ന് കുളിക്കുന്നതാണ് വീഡിയോ. വെള്ളം കാണുമ്പോള്‍ ചെറിയ കുഞ്ഞുങ്ങള്‍ തുള്ളിക്കളിക്കുന്നത് കണ്ടിട്ടില്ലേ? കുളിക്കാൻ ഒരുങ്ങുമ്പോഴേക്ക് വെള്ളം കണ്ട്, ചിരിയും ബഹളവുമാകുന്ന കുഞ്ഞുങ്ങള്‍. അതുപോലെ തന്നെയാണ് ഈ പട്ടിക്കുഞ്ഞനും.
ടബ്ബിനകത്തെ വെള്ളത്തിലിരുന്ന് മറ്റൊന്നും ശ്രദ്ധിക്കാതെ നാലുഭാഗത്തേക്കും വെള്ളം തെറിപ്പിച്ച് തിമിര്‍ത്തുള്ള കുളിയാണ്. ഇടയ്ക്ക് ക്ഷീണം തോന്നിയപ്പോഴാകാം ഒന്ന് നിര്‍ത്തുന്നുണ്ട്. പിന്നെ വീണ്ടും അതേ ആഘോഷം തന്നെ. മനസ് നിറയ്ക്കുന്നൊരു ദൃശ്യമാണിതെന്നാണ് കണ്ടവരെല്ലാം കമന്‍റ് ചെയ്യുന്നത്.
പത്തര ലക്ഷത്തോളം പേരാണ് ട്വിറ്ററില്‍ മാത്രം ഈ വീഡിയോ കണ്ടിരിക്കുന്നത് നിരവധി പേര്‍ ഇത് പങ്കുവയ്ക്കുകയും ചെയ്തിരിക്കുന്നു. വൈറലായ വീഡിയോ ( Viral Video ) ഒന്ന് കണ്ടുനോക്കൂ...
Also Read:- സാഹസികമായി കള്ളനെ പിടിച്ച് വീട്ടിലെ വളര്‍ത്തുനായ
