7:12 AM IST
ഐഎസ്എല്ലിൽ കേരള ബ്ലാസ്റ്റേഴ്സിന് സീസണിലെ രണ്ടാം തോൽവി
ഐഎസ്എല്ലിൽ കേരള ബ്ലാസ്റ്റേഴ്സിന് സീസണിലെ രണ്ടാം തോൽവി. കരുത്തരായ ബെംഗളൂരു എഫ്സി കൊച്ചിയിൽ ബ്ലാസ്റ്റേഴ്സിനെ ഒന്നിനെതിരെ മൂന്ന് ഗോളിന് തോൽപ്പിച്ചു. സ്വന്തം തട്ടകത്തിൽ ചിരവൈരികളോട് കണക്കു തീർക്കാനിറങ്ങിയ മഞ്ഞപ്പടയ്ക്ക് കണ്ണീരോടെ മടക്കം. മികച്ച കളി പുറത്തെടുത്തിട്ടും ഒന്നിനെതിരെ മൂന്ന് ഗോളിന്റെ പരാജയം. സീസണിൽ തോൽവി അറിയാതെ അയൽക്കാരുടെ ജൈത്ര യാത്ര. പരിക്കേറ്റ സൂപ്പർ താരം നോഹ സദൂയി ഇല്ലാതെ മൂന്ന് മാറ്റങ്ങളുമായാണ് ബ്ലാസ്റ്റേഴ്സ് കളത്തിലിറങ്ങിയത്. എന്നാൽ പദ്ധതികളൊക്കെ പാളി.
