ഇന്ത്യയിലെ കൗമാരക്കാരിൽ ഈ ജീവിതശെെലി രോഗം വർദ്ധിച്ച് വരുന്നതായി പഠനം
12-നും 18-നും ഇടയിൽ പ്രായമുള്ള കൗമാരക്കാരിൽ ടൈപ്പ് 2 പ്രമേഹം കൂടുതലായി കണ്ടുവരുന്നതായി ഗവേഷകർ പറയുന്നു. ടൈപ്പ് 2 പ്രമേഹം 0.5% മുതൽ 1.5% വരെ കുട്ടികളെയും കൗമാരക്കാരെയും ബാധിക്കുന്നതായി ഇന്ത്യൻ ജേണൽ ഓഫ് എൻഡോക്രൈനോളജി ആൻഡ് മെറ്റബോളിസം പുറത്ത് വിട്ട റിപ്പോർട്ടിൽ പറയുന്നു.
 )
Followഇന്ത്യയിലെ കുട്ടികളിൽ ടെെപ്പ് 2 പ്രമേഹം വർദ്ധിക്കുന്നതായി പുതിയ പഠനം. 18 വയസ്സിന് മുകളിലുള്ള 77 ദശലക്ഷം ഇന്ത്യക്കാർക്ക് ടൈപ്പ് 2 പ്രമേഹമുള്ളതായി ലോകാരോഗ്യ സംഘടന പറയുന്നു. 25 ദശലക്ഷം പേർക്ക് പ്രീ ഡയബറ്റിക്സ് ഉള്ളതായി വിദഗ്ധർ പറയുന്നു.
12-നും 18-നും ഇടയിൽ പ്രായമുള്ള കൗമാരക്കാരിൽ ടൈപ്പ് 2 പ്രമേഹം കൂടുതലായി കണ്ടുവരുന്നതായി ഗവേഷകർ പറയുന്നു. ടൈപ്പ് 2 പ്രമേഹം 0.5% മുതൽ 1.5% വരെ കുട്ടികളെയും കൗമാരക്കാരെയും ബാധിക്കുന്നതായി ഇന്ത്യൻ ജേണൽ ഓഫ് എൻഡോക്രൈനോളജി ആൻഡ് മെറ്റബോളിസം പുറത്ത് വിട്ട റിപ്പോർട്ടിൽ പറയുന്നു.
' നഗരവൽക്കരണവും ജീവിതശൈലിയിലെ മാറ്റങ്ങളും ശാരീരിക വ്യായാമം കുറയാനും സംസ്കരിച്ചതും ഉയർന്ന കലോറിയുള്ള ഭക്ഷണങ്ങളുടെ ഉപഭോഗം വർധിപ്പിക്കാനും ഇടയാക്കി. യുവാക്കളിൽ ടൈപ്പ് 2 പ്രമേഹം കൂടുതലായി കണ്ടുവരുന്നു. ഉദാസീനമായ ജീവിതശൈലി, സമ്മർദ്ദം, വർദ്ധിച്ചുവരുന്ന പൊണ്ണത്തടി നിരക്ക് എന്നിവ ഈ പ്രവണത വർദ്ധിപ്പിക്കുന്നു. ഇന്ത്യയിലെ 4 കൗമാരക്കാരിൽ 3 പേരും വ്യായാമം ചെയ്യാത്തവരാണെന്ന് വിദഗ്ധർ പറയുന്നു. ഇന്ത്യൻ കൗമാരക്കാർ ഉദാസീനമായ ജീവിതശെെലി നയിക്കുന്നു. ഇന്ത്യയിലെ സ്കൂൾ പ്രായത്തിലുള്ള കുട്ടികൾക്കിടയിൽ അമിതഭാരവും പൊണ്ണത്തടിയും പ്രമേഹ സാധ്യത വർദ്ധിപ്പിക്കുന്നു...' - ആരോഗ്യ വേൾഡിൻ്റെ ഉത്തരേന്ത്യ റീജിയണൽ ഡയറക്ടർ ഡോ സ്മൃതി പഹ്‌വ പറയുന്നു.
ഇന്ത്യൻ കൗമാരക്കാരിൽ മൂന്നിലൊന്ന് പേർക്ക് ഉയർന്ന രക്തസമ്മർദ്ദമുണ്ടെന്ന് കണക്കാക്കപ്പെടുന്നു. കുട്ടികളുടെ ജീവിതശൈലി‌യിൽ വ്യായാമവും ആരോഗ്യകരമായ ഭക്ഷണവും ശീലമാക്കുക. 80% ഹൃദ്രോഗം, 80% ടൈപ്പ് 2 പ്രമേഹം, 40% ക്യാൻസറുകൾ തുടങ്ങിയവ ആരോഗ്യകരമായ ജീവിതശെെലിയിലൂടെ തടയാനാകും. വൃക്കതകരാർ, ഹൃദയാഘാതം, പക്ഷാഘാതം എന്നിവയുൾപ്പെടെ നിരവധി ആരോഗ്യപ്രശ്നങ്ങളുടെ പ്രധാന കാരണം പ്രമേഹമാണെന്നും ഡോ സ്മൃതി പഹ്‌വ പറയുന്നു.
ഒരു മാസത്തിൽ രണ്ട് തവണ പിരീഡ്സ് ആകാറുണ്ടോ? കാരണങ്ങൾ ഇതാകാം
