ബിഗ് ബോസില്‍ ഒന്നാം സ്ഥാനത്ത് രമ്യാ പണിക്കര്‍, മറ്റുള്ള സ്ഥാനങ്ങളില്‍ എത്തിയവരുടെയും വിവരങ്ങള്‍
ബിഗ് ബോസില്‍ ഓരോ മത്സരാര്‍ഥിയും ഒന്നാം സ്ഥാനത്ത് എത്താനുള്ള പോരാട്ടത്തിലാണ്. സ്വന്തം കഴിവ് വ്യക്തമാക്കാനുള്ള നിരന്തര ശ്രമത്തിലാണ് എല്ലാവരും. മത്സം മുറുകുമ്പോള്‍ തര്‍ക്കങ്ങളും ഉണ്ടാകാറുണ്ട്. മത്സരാര്‍ഥികളുടെ അഭിപ്രായം അനുസരിച്ച് ആരായിരിക്കും ഒന്നാം സ്ഥാനത്ത് എത്തുകയെന്നതും പുറത്താകുന്നതായി കണക്കാക്കുന്ന പതിമൂന്നാം സ്ഥാനത്ത് ആരായിരിക്കും എന്നുമായിരുന്നു ഇന്നത്തെ ബിഗ് ബോസ് ടാസ്‍ക്. എല്ലാവരും വാശിയോടെയായിരുന്നു ഇതില്‍ മത്സരിച്ചതും. ഒടുവില്‍ രമ്യാ പണിക്കരായിരുന്നു ഒന്നാം സ്ഥാനത്ത് എത്തിയത്.
)
Followഒന്നാം സ്ഥാനത്തെ മത്സരത്തിന് ആദ്യമുണ്ടായത് രമ്യാ പണിക്കരും സായ് വിഷ്‍ണുവും സജ്‍ന- ഫിറോസുമായിരുന്നു. ഒന്നാം സ്ഥാനത്തിനു വേണ്ടി ഇവര്‍ വലിയ വാദങ്ങളുന്നയിച്ചു. തിരിച്ചുവരവ് ഗംഭീരമായിരുന്നു തന്റേത് എന്നായിരുന്നു രമ്യാ പണിക്കരുടെ വാദം. ഒന്നാം സ്ഥാനത്തിന് വേണ്ടി മാത്രമാണ് താൻ മത്സരിക്കുന്നത് എന്ന് സായ് വിഷ്‍ണു പറഞ്ഞു. ഒന്നാം സ്ഥാനം വേണമെന്ന് സജ്‍നയും പറഞ്ഞു. ഒടുവില്‍ എല്ലാവരുടെയും വാദം കഴിഞ്ഞപ്പോള്‍ ഏറ്റവും കൂടുതല്‍ വോട്ട് കിട്ടിയ രമ്യാ പണിക്കര്‍ ഒന്നാം സ്ഥാനത്ത് എത്തി.
)
രണ്ടാം സ്ഥാനത്തിന് വേണ്ടി വാദിച്ചത് റിതുവും അഡോണിയുമായിരുന്നു. എന്തുകൊണ്ടാണ് രണ്ടാം സ്ഥാനത്തിന് വേണ്ടി വാദിക്കുന്നത് എന്ന് ഇരുവരും വ്യക്തമാക്കി.
റിതുവിന് അഭിപ്രായ സ്ഥിരതയില്ലെന്ന് അഡോണി വ്യക്തമാക്കി. രണ്ടാം സ്ഥാനം കിട്ടിയില്ലെങ്കില്‍ ഏഴാം സ്ഥാനത്ത് മതിയെന്ന് പറഞ്ഞു. റിതുവിനെക്കാള്‍ ഏറ്റവും കുറച്ച് എലിമിനേഷൻ കിട്ടിയ ആളാണ് താൻ. അതുകൊണ്ട് എനിക്ക് ബിഗ് ബോസില്‍ സ്വീകര്യതയുണ്ട് എന്നും അഡോണി പറഞ്ഞു. ഒരുപാട് എലിമിനേഷൻ കിട്ടിയിരുന്നു, എന്നിട്ടും ജനങ്ങള്‍ നല്‍കിയ പിന്തുണ കൊണ്ടാണ് ഇതുവരെ നില്‍ക്കുന്നത് എന്ന് റിതു പറഞ്ഞു. അധ്യാപനായിട്ടുപോലും അഡോണി ഇരട്ടത്താപ്പുകളുടെ രാജകുമാരി എന്നു വിളിച്ചു, തെണ്ടി എന്നു വിളിച്ചുവെന്നും റിതു പറഞ്ഞു. വാദത്തിന് ഒടുവില്‍ അഡോണിക്കായിരുന്നു രണ്ടാം സ്ഥാനം ലഭിച്ചത്.
മൂന്നാം സ്ഥാനത്തിനായി ആദ്യം വാദിച്ചത് റംസാനും മണിക്കുട്ടനുമായിരുന്നു. എന്നാല്‍ നമ്പറിന് പിന്നില്‍ റംസാൻ നിന്നപ്പോള്‍ മണിക്കുട്ടൻ പത്താം സ്ഥാനത്തേയ്‍ക്ക് സ്വയം മാറി.
ഡിംപല്‍ നാലാം സ്ഥാനത്ത് എത്തി.
അനൂപ് കൃഷ്‍ണൻ അഞ്ചാം സ്ഥാനത്തും എത്തി.
സന്ധ്യാ മനോജ് ആറാം സ്ഥാനം ആയിരുന്നു സ്വയം തെരഞ്ഞെടുത്തത്.
ഏഴാം സ്ഥാനം തെരഞ്ഞെടുത്തത് കിടിലം ഫിറോസ് ആയിരുന്നു.
നോബി എട്ടും സൂര്യ ഒമ്പതും മണിക്കുട്ടൻ 10ഉം റിതു 11ഉം ഒന്നാം സ്ഥാനത്തിനുള്ള വോട്ടിംഗില്‍ മാറിയപ്പോള്‍ സായ് വിഷ്‍ണു 12ഉം സ്ഥാനം തെരഞ്ഞെടുത്തു.
എന്നാല്‍ വോട്ടെണ്ണല്‍ നടത്തിയപ്പോള്‍ പിന്തള്ളപ്പെട്ടുപോയെങ്കിലും ബാക്കിയുണ്ടായിരുന്ന 11ഉം 12ഉം സ്ഥാനം തെരഞ്ഞെടുക്കാതെ ഒന്നാം സ്ഥാനം തന്നെ വേണമെന്ന് പറയുകയായിരുന്നു ഫിറോസും സജ്‍നയും. ഒടുവില്‍ ബിഗ് ബോസ് നിര്‍ദ്ദേശിച്ചത് അനുസരിച്ച് ഫിറോസും സജ്‍നയുമാണ് പതിമൂന്നാം സ്ഥാനത്തുള്ളവര്‍ എന്ന് എല്ലാവരും വ്യക്തമാക്കി.
