മുഖംമിനുക്കി ഷവോമി, ജനുവരിയില്‍ വരുന്നത് എംഐ 11 സീരീസ്
സ്‌നാപ്ഡ്രാഗണ്‍ 875 ടീഇ-യുമായി വരുന്ന ലോകത്തെ ആദ്യത്തെ ഫോണുകളിലൊന്നാണ് എംഐ 11, എംഐ 11 പ്രോ. ഈ രണ്ടു ഫോണുകളില്‍ എംഐ 11 പ്രോ ആയിരിക്കും സൂപ്പര്‍.
 )
Follow108 മെഗാപിക്‌സല്‍ മുതല്‍ 192 മെഗാപിക്‌സല്‍ വരെയുള്ള ക്യാമറയും ഏറ്റവും ശക്തിയേറിയ സ്‌നാപ്പ്ഡ്രാഗണ്‍ 875 ചിപ്‌സെറ്റുമായി ഷവോമി എത്തുന്നു. ഷവോമി എംഐ 11 മുന്‍നിര ഫോണുകള്‍ അടുത്ത വര്‍ഷം ജനുവരിയില്‍ ലോഞ്ച് ചെയ്യാനൊരുങ്ങുന്നു. ഏറ്റവും പുതിയ റിപ്പോര്‍ട്ടുകള്‍ പ്രകാരം എംഐ 11, എംഐ 11 പ്രോ എന്നീ സ്മാര്‍ട്ട്‌ഫോണുകള്‍ പ്രഖ്യാപിക്കാനാണ് ഷവോമി ഒരുങ്ങുന്നത്.
സ്‌നാപ്ഡ്രാഗണ്‍ 875 ടീഇ-യുമായി വരുന്ന ലോകത്തെ ആദ്യത്തെ ഫോണുകളിലൊന്നാണ് എംഐ 11, എംഐ 11 പ്രോ. ഈ രണ്ടു ഫോണുകളില്‍ എംഐ 11 പ്രോ ആയിരിക്കും സൂപ്പര്‍. കാരണം, ഇതില്‍ 1080പി റെസല്യൂഷനില്‍ 90ഹെര്‍ട്‌സ് റിഫ്രഷ് ചെയ്യാന്‍ കഴിയുന്ന വലിയ ഡിസ്‌പ്ലേ ഇതിലുണ്ടാകുമെന്ന് റിപ്പോര്‍ട്ടുകള്‍. ഈ ഡിസ്‌പ്ലേ ഇപ്പോള്‍ നാല് വശങ്ങളുള്ള കര്‍വുകളും 120ഹെര്‍ട്‌സ് റിഫ്രഷ് ചെയ്യാന്‍ ശേഷിയുള്ള ഡബ്ലുക്യുഎച്ച്ഡി + പാനലായിരിക്കുമെന്ന് പ്രതീക്ഷിക്കുന്നു. സ്‌ക്രീനിന്റെ മുകളില്‍ ഇടത് കോണിലുള്ള ഒരു പഞ്ച്‌ഹോളിനുള്ളില്‍ സ്ഥാപിച്ചിരിക്കുന്ന ഒരൊറ്റ സെല്‍ഫി ക്യാമറ സെന്‍സറുമായാണ് ഫോണ്‍ വരുന്നത്.
ഇതിനുപുറമെ, സ്‌നാപ്ഡ്രാഗണ്‍ 875 ടീഇ യുമായി വരുന്ന ഫോണില്‍ കോര്‍ടെക്‌സ്എക്‌സ് 1 കോര്‍, മൂന്ന് കോര്‍ടെക്‌സ്എ 78 കോര്‍, നാല് കോര്‍ടെക്‌സ്എ 55 കോര്‍ എന്നിവ അടങ്ങിയിരിക്കാം, ഇത് 20 ശതമാനം കൂടുതല്‍ ഊര്‍ജ്ജക്ഷമതയും 10 ശതമാനം കൂടുതല്‍ പ്രകടനം നല്‍കുമെന്നും പ്രതീക്ഷിക്കുന്നു. വാസ്തവത്തില്‍, പുതിയ സ്‌നാപ്ഡ്രാഗണ്‍ ക്വാല്‍കോം ചിപ്‌സെറ്റ് ആപ്പിളിന്റെ എ 14 ബയോണിക് ചിപ്‌സെറ്റിനേക്കാള്‍ വേഗതയുള്ളതാണെന്ന് ചില റിപ്പോര്‍ട്ടുകള്‍ അവകാശപ്പെടുന്നു.
ക്യാമറകളെ സംബന്ധിച്ചിടത്തോളം, പ്രധാന ക്യാമറ സെന്‍സര്‍ 108 മെഗാപിക്‌സല്‍ മുതല്‍ 192 മെഗാപിക്‌സല്‍ വരെയാകുമെന്ന് പ്രതീക്ഷിക്കുന്നു. മറ്റ് ലെന്‍സുകളില്‍ 48 മെഗാപിക്‌സല്‍ അള്‍ട്രാവൈഡ് ആംഗിള്‍ ലെന്‍സും അപ്‌ഗ്രേഡുചെയ്ത ഇമേജ് സ്‌റ്റെബിലൈസേഷന്‍ സവിശേഷതകളും 0.8 മീറ്റര്‍ പിക്‌സല്‍ വലുപ്പവും ഉള്‍പ്പെടുന്നു. സാംസങ്ങിന്റെ ഗ്യാലക്‌സി എസ് 30 സീരീസിനോട് മത്സരിക്കാനാണ് ഷവോമി എംഐ 11 സീരിസ് ഇറക്കുന്നതെന്നാണ് വിപണി സൂചന. രണ്ടും ജനുവരി ലോഞ്ചിങ്ങാണ് പ്രതീക്ഷിക്കുന്നത്.
