ഗെയിമിങ് ഫോണായ 'ബ്ലേഡ് റണ്ണര്‍' റിയല്‍മീ പുറത്തിറക്കുന്നു; സവിശേഷതകള്‍ ഇവയൊക്കെ
മെയ് 25 ന് നടക്കുന്ന പരിപാടിയില്‍ മറ്റ് ഏഴ് ഉല്‍പ്പന്നങ്ങളും പുറത്തിറക്കാന്‍ റിയല്‍മീ പദ്ധതിയിട്ടിട്ടുണ്ട്. അവയില്‍ പുതിയ യഥാര്‍ത്ഥ വയര്‍ലെസ് ഇയര്‍ബഡുകള്‍, ഒരു പുതിയ പവര്‍ ബാങ്ക്, കുറഞ്ഞത് മൂന്ന് പുതിയ സ്മാര്‍ട്ട്‌ഫോണുകള്‍ (എക്സ് 3, എക്സ് 3 സൂപ്പര്‍ സൂം, എക്സ് 50 പ്രോ) എന്നിവ ഉള്‍പ്പെടുന്നു.
 )
Followബിയജിംഗ്: റിയല്‍മീ ബ്രാന്‍ഡ് ലോക്ക്ഡൗണ്‍കാലത്തും കുതിക്കുന്നുവെന്നു റിപ്പോര്‍ട്ട്. കമ്പനിക്ക് ഇപ്പോള്‍ ആഗോളതലത്തില്‍ 35 ദശലക്ഷം ഉപയോക്താക്കളാണുള്ളത്. അതില്‍ 21 ദശലക്ഷം പേര് ഇന്ത്യയില്‍ നിന്നുള്ളവരാണ്. ഒരു ഓപ്പോ സ്പിന്‍ഓഫ് ആയി 2018 ല്‍ ആരംഭിച്ച കമ്പനിയുടെ ഉപയോക്തൃ അടിത്തറ ഒരു ചെറിയ കാലയളവിനുള്ളിലാണ് വളര്‍ന്നത്. ലോകത്തെ അതിവേഗം വളരുന്ന സ്മാര്ട്ട്ഫോണ് ബ്രാന്‍ഡുകളിലൊന്നായി റിയല്‍മീ മാറി കഴിഞ്ഞു. ബ്രാന്‍ഡിന്റെ ആദ്യ ഗെയിമിംഗ് ഫോണ്‍, 'ബ്ലേഡ് റണ്ണര്‍' കമ്പനി പുറത്തിറക്കുന്നു. ഇതൊരു വാര്‍ഷിക ഗിഫ്റ്റ് ആണത്രേ. ഈ ഗെയിമിങ് സ്മാര്ട്ട്ഫോണ് പുറത്തിറക്കി കൊണ്ട് റിയല്‍മീ ഈ നാഴികക്കല്ല് ആഘോഷിക്കുകയാണ്. അതും കോവിഡിന്‍റെ അരങ്ങായ ചൈനയില്‍ തന്നെ.
'ബ്ലേഡ് റണ്ണര്‍' എന്ന രഹസ്യനാമമുള്ള ഫോണിന്‍റെ പേര് റിയല്‍മീ എക്സ് 50 പ്രോ ആയിരിക്കും എന്നാണ് പുതിയ ലീക്കുകള്‍ വ്യക്തമാക്കുന്നത്. ഇതിനൊപ്പം മറ്റ് ഏഴ് ഉല്‍പ്പന്നങ്ങളും മെയ് 25 ന് പുറത്തിറക്കും. ഇതിനായി ഈ മാസം അവസാനം ചൈനയില്‍ നടക്കുന്ന ഒരു വലിയ പരിപാടി റിയല്‍മീ പ്രഖ്യാപിച്ചു. 'ബ്ലേഡ് റണ്ണര്‍' സ്മാര്‍ട്ട്‌ഫോണിന്റെ ലൈവ് ഇമേജും അതിന്റെ ഡിസൈനും വെളിപ്പെടുത്തിയിട്ടുണ്ട്, ഇത് ബ്രാന്‍ഡിന്റെ സമീപകാലത്ത് ആരംഭിച്ച മറ്റ് സ്മാര്‍ട്ട്‌ഫോണുകളുമായി സാമ്യമുള്ളതാണ്. പിന്നില്‍ ഒരു ക്വാഡ് ക്യാമറ സജ്ജീകരണവുമായി ഇത് വരുമെന്നു സ്ഥിരീകരിച്ചു. 'ബ്ലേഡ് റണ്ണര്‍' സ്മാര്‍ട്ട്‌ഫോണിന്റെ ബാക്കി സവിശേഷതകള്‍ പുറത്തു വരാനിരിക്കുന്നതേയുള്ളു, വിലയും.
മെയ് 25 ന് നടക്കുന്ന പരിപാടിയില്‍ മറ്റ് ഏഴ് ഉല്‍പ്പന്നങ്ങളും പുറത്തിറക്കാന്‍ റിയല്‍മീ പദ്ധതിയിട്ടിട്ടുണ്ട്. അവയില്‍ പുതിയ യഥാര്‍ത്ഥ വയര്‍ലെസ് ഇയര്‍ബഡുകള്‍, ഒരു പുതിയ പവര്‍ ബാങ്ക്, കുറഞ്ഞത് മൂന്ന് പുതിയ സ്മാര്‍ട്ട്‌ഫോണുകള്‍ (എക്സ് 3, എക്സ് 3 സൂപ്പര്‍ സൂം, എക്സ് 50 പ്രോ) എന്നിവ ഉള്‍പ്പെടുന്നു.
ആഗോള വളര്‍ച്ചയെക്കുറിച്ച് പറഞ്ഞാല്‍, റിയല്‍മീയുടെ ആഗോള കയറ്റുമതി 'വര്‍ഷം തോറും 157 ശതമാനം വര്‍ദ്ധിച്ചു, ലോകത്തിലെ ആദ്യത്തെ റാങ്കിംഗ് നേടാനായി.' ചൈന, യൂറോപ്പ്, ഇന്ത്യ, തെക്കുകിഴക്കന്‍ ഏഷ്യ, ദക്ഷിണേഷ്യ, റഷ്യ, ആഫ്രിക്ക എന്നിവയുള്‍പ്പെടെ 27 രാജ്യങ്ങളില്‍ റിയല്‍മീ നിലവില്‍ പ്രവര്‍ത്തിക്കുന്നു. ഒന്നിലധികം വിപണികളിലെ മികച്ച അഞ്ച് സ്മാര്ട്ട്ഫോണ് ബ്രാന്‍ഡുകളില്‍ ഒന്നാണിതെന്ന് റിയല്‍മീ അവകാശപ്പെട്ടു. കൗണ്ടര്‍പോയിന്റ് റിസര്‍ച്ച് റിപ്പോര്‍ട്ട് ചെയ്തതനുസരിച്ച്, സ്മാര്ട്ട്ഫോണ് വിപണിയില്‍ തുടര്‍ച്ചയായി ക്വാര്‍ട്ടേഴ്‌സുകളില്‍ വിവോ, ഓപ്പോ, ഷവോമി, സാംസങ് എന്നിവയോടൊപ്പം റിയല്‍മീ ഈ സ്ഥാനം നേടി.
ഈ വര്‍ഷം ഇന്ത്യയില്‍, 2020 ല്‍ ഓഫ്‌ലൈനിന്‍റെ മൊത്തം വില്‍പ്പനയുടെ 40% ത്തിലധികം സംഭാവന ചെയ്യാന്‍ കഴിയുമെന്ന് റിയല്‍മീ പ്രതീക്ഷിക്കുന്നു. അത് നേടുന്നതിന്, 400+ വിതരണക്കാരെ എത്തിക്കുകയെന്ന ലക്ഷ്യത്തോടെ റിയല്‍മീ വിതരണ ചാനലുകള്‍ ടയര്‍ 4, ടയര്‍ 5 പട്ടണങ്ങളിലേക്ക് വ്യാപിപ്പിക്കുകയാണ്, റിയല്‍മീ പ്രസ്താവനയില്‍ പറയുന്നു.
