6000 എംഎഎച്ച് ബാറ്ററിയും 20 വാട്‌സ് ഫാസ്റ്റ് ചാര്‍ജിംഗുമായി മോട്ടോറോളയുടെ മോട്ടോ ജി 9 പവര്‍ വരുന്നു
മൂന്ന് ക്യാമറകള്‍, ഒരു എല്‍ഇഡി ഫ്‌ലാഷ്, ഫിംഗര്‍പ്രിന്റ് സ്‌കാനര്‍ എന്നിവയുമായാണ് പുതിയ സ്മാര്ട്ട്ഫോണ് വരുന്നത്. മോട്ടോ ജി 9 പവര്‍ എന്ന പേരില്‍ ഇത് ലോഞ്ച് ചെയ്യുമെന്ന് റിപ്പോര്‍ട്ട്
 )
Follow6000 എംഎഎച്ച് ബാറ്ററിയും 20 വാട്‌സ് ഫാസ്റ്റ് ചാര്‍ജിംഗും ഉള്ള സ്മാര്ട്ട്ഫോണ് പുറത്തിറക്കാന്‍ മോട്ടോറോള ഒരുങ്ങുന്നു. മൂന്ന് ക്യാമറകള്‍, ഒരു എല്‍ഇഡി ഫ്‌ലാഷ്, ഫിംഗര്‍പ്രിന്റ് സ്‌കാനര്‍ എന്നിവയുമായാണ് പുതിയ സ്മാര്ട്ട്ഫോണ് വരുന്നത്. മോട്ടോ ജി 9 പവര്‍ എന്ന പേരില്‍ ഇത് ലോഞ്ച് ചെയ്യുമെന്ന് ചില റിപ്പോര്‍ട്ടുകള്‍ സൂചിപ്പിക്കുന്നു.
മോട്ടറോള അടുത്തിടെ മോട്ടോ ഇ 7 പ്ലസ്, മോട്ടോ ജി 9 എന്നിവ ഉള്‍പ്പെടെ രണ്ട് ബജറ്റ് ഫോണുകള്‍ ഇന്ത്യയില്‍ അവതരിപ്പിച്ചു. മോട്ടോ റേസര്‍ 5 ജി പുറത്തിറക്കിയെങ്കിലും ഇന്ത്യന്‍ വിപണിയില്‍ 5ജി ഫോണുകള്‍ക്ക് കാര്യമായ വിപണിവിഹിതം അവകാശപ്പെടാനില്ല. ഫ്‌ലിപ്പ്കാര്‍ട്ടില്‍ മോട്ടോ ഇ 7 പ്ലസ് 8999 രൂപയ്ക്കും ജി 9 9999 രൂപയ്ക്കും വില്‍ക്കുന്നു.
മോട്ടോ ഇ 7 പ്ലസില്‍ 6.5 ഇഞ്ച് മാക്‌സ് വിഷന്‍, എച്ച്ഡി + ഡിസ്‌പ്ലേ, 1600x720 പിക്സല്‍ റെസല്യൂഷന്‍, മുകളില്‍ ചെറിയ വാട്ടര്‍ ഡ്രോപ്പ് നോച്ച് എന്നിവ ഉള്‍ക്കൊള്ളുന്നു. 20: 9 എന്ന അനുപാതത്തില്‍ ഐപിഎസ് ടിഎഫ്ടി എല്‍സിഡി പാനല്‍ അവതരിപ്പിക്കുന്നു.
1.8 ജിഗാഹെര്‍ട്സ് ഒക്ടാ കോര്‍ ക്രിയോ 260 സിപിയു, 600 മെഗാഹെര്‍ട്സ് അഡ്രിനോ 610 ജിപിയു, ക്വാല്‍കോം സ്നാപ്ഡ്രാഗണ്‍ 460 പ്രോസസറാണ് ഇ 7 ന്റെ കരുത്ത്, 4 ജിബി വരെ റാമും 64 ജിബി സ്റ്റോറേജും, മൈക്രോ എസ്ഡി കാര്‍ഡ് ഉപയോഗിച്ച് 256 ജിബി വരെ വികസിപ്പിക്കാനാകും. നൈറ്റ് വിഷന്‍ സാങ്കേതികവിദ്യയുള്ള 48 മെഗാപിക്‌സല്‍ ക്യാമറയാണ് ഇതിലുള്ളത്.
