'ഇതിലും വിലയേറിയത് സ്വപ്നത്തില്‍ മാത്രം'; ജന്മദിനത്തില്‍ സഹോദരിക്ക് തക്കാളി സമ്മാനിച്ച് യുവാവ്
സോണാല്‍ കേക്ക് മുറിച്ചതും ഈ പ്രത്യേക സമ്മാനത്തിനു സമീപത്തു നിന്നായിരുന്നു. ഇതിന്‍റെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലാവുകയും ചെയ്തു.
 )
Followതക്കാളിക്ക് കുത്തനെ വില കൂടിയത് വലിയ രീതിയില്‍ ചര്‍ച്ചയായിക്കൊണ്ടിരിക്കുന്ന സമയമാണിത്. തക്കാളി വാങ്ങിയാല്‍ കൈ പൊള്ളും എന്ന നിലയിലാണ് കാര്യങ്ങളുടെ പോക്ക്. ഇതിനിടെ ജന്മദിനത്തില്‍ സഹോദരിക്ക് തക്കാളി സമ്മാനിച്ച് വൈറലായിരിക്കുകയാണ് ഒരു യുവാവ്. മഹാരാഷ്ട്ര കല്യാണ്‍ നിവാസിയായ സോണാല്‍ ബോര്‍സെ എന്ന യുവതിക്കാണ് തന്‍റെ പിറന്നാളിന് തക്കാളി സമ്മാനമായി ലഭിച്ചത്.
സോണാലിന്‍റെ സഹോദരനായ ഗൗതം വാഘും ബന്ധുക്കളുമാണ് പിറന്നാള്‍ സമ്മാനമായി നാല് കിലോ തക്കാളി നല്‍കിയത്. സോണാല്‍ കേക്ക് മുറിച്ചതും ഈ പ്രത്യേക സമ്മാനത്തിനു സമീപത്തു നിന്നായിരുന്നു. ഇതിന്‍റെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലാവുകയും ചെയ്തു. സഹോദരന്‍ രണ്ടുകിലോ തക്കാളി നല്‍കിയപ്പോള്‍ അമ്മാവനും അമ്മായിയും ചേര്‍ന്ന് നല്‍കിയതും രണ്ടു കിലോ തക്കാളിയായിരുന്നു. അങ്ങനെയാണ് നാലു കിലോ തക്കാളിയായത്. ഇവരുടെ സമ്മാനത്തില്‍ ഏറെ സന്തോഷത്തിലാണ് സോണാല്‍.
ഒരു മാസം മുമ്പ് തക്കാളിക്ക് കിലോയ്ക്ക് 20 രൂപയായിരുന്നെങ്കില്‍ ഇപ്പോഴിത് 150 രൂപയാണ്. കനത്ത മഴയും അതിന് മുമ്പ് വേനല്‍ നീണ്ടുപോയതുമെല്ലാമാണ് തക്കാളിക്ക് ഇത്രമാത്രം വില ഉയരാൻ കാരണമായിരിക്കുന്നത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
