സേമിയ ഇരിപ്പുണ്ടോ ? എങ്കിൽ ഇതാ എളുപ്പത്തിൽ ഒരു നാലുമണി പലഹാരം
വീട്ടിൽ സേമിയ ഉണ്ടെങ്കിൽ ഈ പലഹാരം എളുപ്പം തയ്യാറാക്കാം. കുട്ടികൾക്കും മുതിർന്നവർക്കും ഒരു പോലെ ഇഷ്ടമാകുന്ന ഒരു പലഹാരം കൂടിയാണിത്.
 )
Followസേമിയ കൊണ്ട് ഉപ്പുമാവും പായസവുമൊക്കെ നമ്മൾ തയ്യാറാക്കാറുണ്ട്. ഇതൊന്നും അല്ലാതെ മറ്റൊരു വിഭവം തയ്യാറാക്കിയാലോ?. ഇതൊരു സ്പെഷ്യൽ നാലുമണി പലഹാരമാണ്. സേമിയ, ഉരുളക്കിഴങ്ങ്, സവാള എന്നിവയെല്ലാം ചേർത്തൊരു പലഹാരമാണിത്.
വേണ്ട ചേരുവകൾ...
1. സേമിയ ഒന്നര കപ്പ്
2. ഉരുളക്കിഴങ്ങ് 1 എണ്ണം
3. സവാള 1 ( ചെറുത് )
4.പച്ചമുളക് 2 എണ്ണം
5. മല്ലിയില അരിഞ്ഞത് കാൽ കപ്പ്
6. കായപ്പൊടി കാൽ ടീ സ്പൂൺ
7. കടലമാവ് കാൽ കപ്പ്
8. ഉപ്പ് ആവശ്യത്തിന്
പാകം ചെയ്യുന്ന വിധം
* സേമിയ വേവിച്ച് വെള്ളം ഊറ്റിയെടുക്കുക. ഉരുളക്കിഴങ്ങ് വേവിച്ച് ഉടച്ചെടുക്കുക. സവാളയും, പച്ചമുളകും ചെറുതായി അരിഞ്ഞെടുക്കുക. അതിനു ശേഷം ചേരുവകളെല്ലാം കൂടി ഒന്നിച്ചാക്കി കുഴച്ചെടുക്കുക.
* മാവ് ചെറിയ ഉരുളകളാക്കി എണ്ണയിൽ വറുത്തെടുക്കുക.
തയ്യാറാക്കിയത്:
സരിത സുരേഷ്,
ഹരിപ്പാട്
തനി നാടൻ കൊഴുക്കട്ട ഇങ്ങനെ തയ്യാറാക്കാം
