Onam 2023 : ഓണത്തിന് ഒരു അടിപൊളി മാങ്ങ അച്ചാർ തയ്യാറാക്കിയാലോ ?
ഓണസദ്യയിൽ ഒഴിച്ചുകൂടാനാവാത്ത വിഭവമാണ് മാങ്ങ അച്ചാർ. ഇത്തവണ ഓണത്തിന് സ്പെഷ്യൽ മാങ്ങ അച്ചാർ തയ്യാറാക്കിയാലോ?...
 )
Followഓണം ആഘോഷിക്കാനുള്ള തിരക്കിലാണ് മലയാളികൾ. ഓണം എന്ന് കേൾക്കുമ്പോൾ പലരുടെയും മനസിൽ ആദ്യം ഓടി എത്തുന്നത് സദ്യ തന്നെയാകും. ഓണസദ്യയിൽ ഒഴിച്ചുകൂടാനാവാത്ത വിഭവമാണ് മാങ്ങ അച്ചാർ. ഇത്തവണ ഓണത്തിന് സ്പെഷ്യൽ മാങ്ങ അച്ചാർ തയ്യാറാക്കിയാലോ?...
വേണ്ട ചേരുവകൾ...
നല്ലെണ്ണ 1/4 കപ്പ്‌
കടുക് 1 ടീസ്പൂൺ
ചുവന്ന മുളക് 2 എണ്ണം
ഉലുവപൊടി 1/2 ടീസ്പൂൺ
കായ പൊടി 1/2 ടീസ്പൂൺ
മുളക് പൊടി 3 ടീസ്പൂൺ
മാങ്ങ 1 കപ്പ്‌ (2 എണ്ണം )
ഉപ്പ് ആവശ്യത്തിന്
കറിവേപ്പില ആവശ്യത്തിന്
ഉണ്ടാക്കുന്ന വിധം...
ചീനചട്ടിയിൽ നല്ലെണ്ണ ഒഴിച്ചു ചൂടാകുമ്പോൾ കടുകും ചുവന്ന മുളകും കറിവേപ്പിലയും ചേർത്ത് കൊടുക്കുക. അതിലേക്ക് കായപൊടിയും ഉലുവപ്പൊടിയും ചേർത്ത് ചൂടാക്കുക. ചൂടായി വരുമ്പോൾ മുറിച്ച് വച്ച മാങ്ങകഷണങ്ങൾ കൂടി ചേർത്ത് 5 മിനിറ്റ് ചെറുതീയിൽ വഴറ്റുക. സോഫ്റ്റ്‌ ആയി വരുമ്പോൾ ആവശ്യത്തിന് ഉപ്പും മുളക് പൊടിയും ചേർത്ത് ഇളക്കുക. തണുത്ത് കഴിഞ്ഞു എയർ ടൈറ്റ് കണ്ടെയ്നറിൽ ആക്കി സൂക്ഷിക്കാം. ഇതിൽ വിനാഗിരി ഒന്നും ചേർക്കേണ്ടതില്ല.
തയ്യാറാക്കിയത്:
പ്രഭ
ചൗവരിയും ക്യാരറ്റും കൊണ്ടൊരു രുചികരമായൊരു പായസം ; എളുപ്പം തയ്യാറാക്കാം
