'കിസീ കാ ഭായ് കിസീ കി ജാന്‍' ആദ്യ ദിനത്തില്‍ നേടിയത്; കണക്കുകള്‍ പുറത്ത്
ലോകമെമ്പാടുമായി 5700 ല്‍ അധികം സ്ക്രീനുകളിലാണ് ചിത്രം ഇന്ന് പ്രദര്‍ശനം ആരംഭിച്ചിരിക്കുന്നത്. ഇപ്പോഴിതാ ചിത്രത്തിന്‍റെ ആദ്യ ദിന പ്രതികരണങ്ങളാണ് ട്വിറ്ററില്‍ നിറയെ.
 )
Followമുംബൈ: ബോളിവുഡിന് എന്നും വലിയ ചിത്രങ്ങള്‍ സമ്മാനിച്ച സീസണാണ് ഈദ്. വലിയ ഹൈപ്പുമായി എത്തി വിജയം കൊയ്യുന്ന ചിത്രങ്ങള്‍ ബോളിവുഡ് പ്രേക്ഷകര്‍ക്കായി ഈദിന് എത്തിക്കാറുള്ളത് സല്‍മാന്‍ ഖാനാണ്. ഒരിടവേളയ്ക്കു ശേഷമാണ് മറ്റൊരു സല്‍മാന്‍ ഖാന്‍ ചിത്രം ഈദ് റിലീസ് ആയി തിയറ്ററുകളില്‍ എത്തിയിരിക്കുന്നത്. ഫര്‍ഹാദ് സാംജി സംവിധാനം ചെയ്തിരിക്കുന്ന കിസീ കാ ഭായ് കിസീ കി ജാന്‍ ആണ് ആ ചിത്രം.
ലോകമെമ്പാടുമായി 5700 ല്‍ അധികം സ്ക്രീനുകളിലാണ് ചിത്രം ഇന്ന് പ്രദര്‍ശനം ആരംഭിച്ചിരിക്കുന്നത്. ഇപ്പോഴിതാ ചിത്രത്തിന്‍റെ ആദ്യ ദിന പ്രതികരണങ്ങളാണ് ട്വിറ്ററില്‍ നിറയെ. ഒന്നുകില്‍ വമ്പന്‍ ഹിറ്റ്, പരാജയപ്പെടുന്നപക്ഷം വന്‍ പരാജയം ഇങ്ങനെ രണ്ട് തരത്തിലാണ് ഇന്ന് സിനിമയുടെ ബോക്സ് ഓഫീസ് വിജയ പരാജയങ്ങള്‍. എന്തായാലും പരാജയ വഴിയേ നീങ്ങില്ല കിസീ കാ ഭായ് കിസീ കി ജാന്‍ എന്നാണ് ആദ്യദിന പ്രതികരണങ്ങള്‍ സൂചിപ്പിക്കുന്നത്. ഇപ്പോള്‍ ചിത്രത്തിന്‍റെ ആദ്യ ദിന കളക്ഷന്‍ റിപ്പോര്‍ട്ടും പുറത്തുവന്നിട്ടുണ്ട്.
‘കിസി കാ ഭായ് കിസി കി ജാൻ’ചില മേഖലകളില്‍ മികച്ച പ്രകടനം കാഴ്ചവെച്ചെങ്കിലും മെട്രോ നഗരങ്ങളിൽ പ്രതീക്ഷിച്ച നിലവാരത്തിലേക്ക് എത്തിയില്ലെന്നാണ് ടൈംസ് ഓഫ് ഇന്ത്യ നല്‍കുന്ന വിവരം. 14 കോടി രൂപയാണ് ചിത്രത്തിന്‍റെ ആദ്യദിനത്തിലെ അഖിലേന്ത്യ കളക്ഷൻ സംബന്ധിച്ച റിപ്പോര്‍ട്ട് വരുന്നത്. മഹാരാഷ്ട്ര-ഗുജറാത്ത് വിപണിയില്‍ ചിത്രം മികച്ച പ്രകടനം കാഴ്ചവെച്ചാൽ ആദ്യദിന കളക്ഷന്‍ 15 കോടി രൂപ വരെ ഉയരുമെന്നാണ് ട്രേഡ് അനലിസ്റ്റുകള്‍ കണക്കാക്കുന്നത്. അതേ സമയം മണി കണ്‍ട്രോളിന്‍റെ റിപ്പോര്‍ട്ട് പ്രകാരം കിസീ കാ ഭായ് കിസീ കി ജാന്‍ ആദ്യദിനത്തില്‍ 15.81 കോടി നേടിയെന്നാണ് വിവരം.
നിലവിൽ, യുപി, ബിഹാർ, രാജസ്ഥാൻ, നിസാം/ആന്ധ്ര തുടങ്ങിയ പ്രദേശങ്ങളില്‍ സല്‍മാന്‍ ചിത്രം മികച്ച പ്രകടനം നടത്തുന്നുണ്ട്. എന്നാൽ അടുത്ത ദിവസങ്ങളിൽ മഹാരാഷ്ട്ര-ഗുജറാത്ത് വിപണിയിലെ പ്രകടനം സല്‍മാന്‍ ചിത്രത്തെ സംബന്ധിച്ച് നിര്‍ണ്ണായകമായിരിക്കും.
അതേ സമയം കഴിഞ്ഞ ദിവസമാണ് ഈദ് നേരത്തെ പ്രതീക്ഷിച്ചതുപോലെ വെള്ളിയാഴ്ചയല്ല, ശനിയാഴ്ചയായിരിക്കുമെന്ന് വ്യക്തമായത്. ഇത് ആദ്യ ദിവസത്തെ കളക്ഷന്‍ പ്രതീക്ഷയായ 20 കോടിയെ ബാധിച്ചുവെന്നാണ് ട്രേഡ് അനലിസ്റ്റുകള്‍ കരുതുന്നത്. ഈദ് ശനിയാഴ്ചയായതിനാല്‍ രണ്ടാം ദിനത്തില്‍ കിസീ കാ ഭായ് കിസീ കി ജാന്‍ മികച്ച കളക്ഷന്‍ നേടിയേക്കുമെന്നാണ് റിപ്പോര്‍ട്ടുകള്‍.
ഒടുവില്‍ ഷാരൂഖിനോട് 'യെസ്' പറഞ്ഞ് അല്ലു അര്‍ജുന്‍; ഒടുവില്‍ അത് സംഭവിച്ചു.!
മാരി സെല്‍വരാജിന്റെ സംവിധാനത്തില്‍ സ്‍പോര്‍ട്‍സ് ബയോപിക്, നായകൻ ധ്രുവ് വിക്രം
