വേറിട്ട ആ കോമ്പോയിലെ ചിത്രം ഒടിടിയിലേക്ക്, തിയ്യതി പ്രഖ്യാപിച്ചു, ചിരിക്കാൻ തയ്യാറായിക്കോളൂ
വേറിട്ട ചിരി ചിത്രം ഒടിടിയിലേക്ക്.
 )
Followവിനായകനും സുരാജ് വെഞ്ഞാറമൂടും കഥാപാത്രങ്ങളായി എത്തിയതാണ് തെക്ക് വടക്ക്. തെക്ക് വടക്ക് സിനിമ എപ്പോഴായിരിക്കും ഒടിടിയില്‍ എത്തുക എന്നതിന്റെ അപ്‍ഡേറ്റാണ് ചര്‍ച്ചയാകുന്ന. ഒടിടിയില്‍ നവംബര്‍ 19നാണ് എത്തുക. മനോരമ മാക്സിലൂടെയാകും തെക്ക് വടക്ക് ഒടിടിയില്‍ എത്തുക.
പ്രേംശങ്കര്‍ ആണ് സംവിധാനം നിര്‍വഹിച്ചിരിക്കുന്നത്. ജെല്ലിക്കെട്ടിന്റെയും നൻപകല്‍ നേരത്ത് മയക്കത്തിന്റെയും തിരക്കഥാകൃത്തും നോവലിസ്റ്റുമായ എസ് ഹരീഷിന്റെ രചനയിലുള്ള സിനിമയാണ് തെക്ക് വടക്കും. സംവിധായകൻ അൻവർ റഷീദിന്റെ ബ്രിഡ്‍ജ് സിനിമയുടെ ഛായാഗ്രാഹകനായി ആരംഭിച്ച് കിസ്‍മത്ത്, വലിയപെരുന്നാൾ എന്നിവയിലൂടെ ശ്രദ്ധേയനായ സുരേഷ് രാജനാണ് ഡിഒപി. രസകരമായ പ്രമേയമായിരുന്നു ചിത്രത്തിന് ഉണ്ടായിരുന്നത്.
അൻജ ഫിലിപ്പും ഒടിയൻ സിനിമയുടെ സംവിധായകനും പരസ്യ ബ്രാൻഡിങ് സ്ട്രാറ്റജിസ്റ്റുമായ വി എ ശ്രീകുമാറും സംയുക്തമായി രൂപീകരിച്ച സിനിമാ നിർമ്മാണ സംരംഭത്തിലെ ആദ്യ സിനിമയാണ് തെക്ക് വടക്ക്. വിനായകന്റേയും സുരാജിന്റെയും മുഖരൂപം, ശരീരഭാഷ തുടങ്ങിയവ ശ്രദ്ധയാകര്‍ഷിച്ചിരുന്നു. മികച്ച അഭിപ്രായവും ചിത്രം നേടിയിരുന്നു. വിനായകനും സുരാജുമാണ് ചിത്രത്തിന്റെ ആകര്‍ഷണവും.
വൻ ഹിറ്റായി മാറിയ ജയിലറിനു ശേഷം വിനായകൻ ശ്രദ്ധേയമായ വേഷത്തിൽ സുരാജ് വെഞ്ഞാറമ്മൂടിനൊപ്പം എത്തിയ സിനിമയുടെ ആമുഖ വീഡിയോകൾ തമിഴ് പ്രേക്ഷകരും ഏറ്റെടുത്ത് വിജയിപ്പിച്ചിരുന്നു. കെഎസ്ഇബി എഞ്ചിനീയറായി റിട്ടയേർഡായ മാധവനായി വിനായകനും അരിമിൽ ഉടമ ശങ്കുണ്ണിയായി സുരാജ് വെഞ്ഞാറമ്മൂടും വേഷമിടുന്നു. ഇവർക്കിടയിൽ സംഭവിക്കുന്ന തര്‍ക്കങ്ങളും തമാശകളാണ് ചിത്രത്തെ രസകരമാക്കിയത് കോട്ടയം രമേഷ്, മെറിൻ ജോസ്, മെൽവിൻ ജി ബാബു, ഷമീർ ഖാൻ, വിനീത് വിശ്വം, സ്നേഹ, ശീതൾ, മഞ്‍ജുശ്രീ, ബാലൻ പാലക്കൽ, ജെയിംസ് പാറക്കൽ തുടങ്ങി മലയാള സിനിമയിലെ പുതിയ ചിരിത്താരങ്ങളാണ് വിനായകനും സുരാജിനുമൊപ്പം ഉണ്ടായിരുന്നത്. ആർഡിഎക്സിലെ ഹിറ്റ് ഗാനങ്ങളൊരുക്കിയ സാം സി എസ് ഗാനങ്ങൾ ചിട്ടപ്പെടുത്തി പശ്ചാത്തല സംഗീതം ഒരുക്കിയപ്പോള്‍ പ്രൊഡക്ഷൻ ഡിസൈൻ രാഖിൽ വരികൾ ലക്ഷ്‍മി ശ്രീകുമാറുമാണ്.
Read More: ശിവകാര്‍ത്തികേയൻ അന്നേ പറഞ്ഞു, ആ വീഡിയോ വീണ്ടും ചര്‍ച്ചയാകുന്നു, ധനുഷ് ഏകാധിപതിയോ?
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക
