IPL 2022: മായങ്കും ബെയര്‍സ്റ്റോയും മടങ്ങി, ഗുജറാത്തിനെതിരെ തുടക്കം പാളി പഞ്ചാബ്
പവര്‍ പ്ലേയില്‍ മുഹമ്മദ് ഷമി എറിഞ്ഞ ആദ്യ ഓവറില്‍ അഞ്ച് റണ്‍സ് മാത്രമെടുത്ത പഞ്ചാബിന് രണ്ടാം ഓവറിലെ ക്യാപ്റ്റനെ നഷ്ടമായി. ഒമ്പത് പന്തില്‍ അഞ്ച് റണ്‍സെടുത്ത മായങ്ക് അഗര്‍വാളിനെ ഹാര്‍ദിക് പാണ്ഡ്യയുടെ പന്തില്‍ റാഷിദ്ക ഖാന്‍ കൈയിലൊതുക്കി.
 )
Followമുംബൈ: ഐപിഎല്ലില്‍(IPL 2022) ഗുജറാത്ത് ടൈറ്റന്‍സിനെതിരെ (Gujarat Titans) ടോസ് നഷ്ടമായി ആദ്യം ബാറ്റ് ചെയ്യുന്ന പഞ്ചാബ് കിംഗ്‌സിന് (Punjab Kings) പവര്‍ പ്ലേയില്‍ രണ്ട് വിക്കറ്റ് നഷ്ടം. ഒടുവില്‍ വിവരം ലഭിക്കുമ്പള്‍ പഞ്ചാബ് ആറോവറില്‍ രണ്ട് വിക്കറ്റ് നഷ്ടത്തില്‍ 43 റണ്‍സെന്ന നിലയിലാണ്. 16 പന്തില്‍ 23 റണ്‍സോടെ ശിഖര്‍ ധവാനും രണ്ട് പന്തില്‍ അഞ്ച് റണ്‍സുമായി ലിയാം ലിവിംഗ്‌സ്റ്റണും ക്രീസില്‍. അഞ്ച് റണ്‍സെടുത്ത ക്യാപ്റ്റന്‍ മായങ്ക് അഗര്‍വാളിന്‍റെയും ജോണി ബെയര്‍സ്റ്റോയുയെടും വിക്കറ്റുകളാണ് പഞ്ചാബിന് നഷ്ടമായത്. ഹാര്‍ദിക് പാണ്ഡ്യക്കും ലോക്കി ഫെര്‍ഗൂസനുമാണ് വിക്കറ്റ്.
തുടക്കം പിഴച്ചു
പവര്‍ പ്ലേയില്‍ മുഹമ്മദ് ഷമി എറിഞ്ഞ ആദ്യ ഓവറില്‍ അഞ്ച് റണ്‍സ് മാത്രമെടുത്ത പഞ്ചാബിന് രണ്ടാം ഓവറിലെ ക്യാപ്റ്റനെ നഷ്ടമായി. ഒമ്പത് പന്തില്‍ അഞ്ച് റണ്‍സെടുത്ത മായങ്ക് അഗര്‍വാളിനെ ഹാര്‍ദിക് പാണ്ഡ്യയുടെ പന്തില്‍ റാഷിദ്ക ഖാന്‍ കൈയിലൊതുക്കി. സീസണിലെ ആദ്യ മത്സരത്തിനിറങ്ങിയ ജോണി ബെയര്‍സ്റ്റോയും ധവാനും ഷമിയെ മൂന്നാം ഓവറില്‍ ഓരോ തവണ ബൗണ്ടറി കടത്തിയതോടെ പഞ്ചാബ് സ്കോര്‍ ബോര്‍ഡിന് അനക്കം വെച്ചു.
എന്നാല്‍ നാലാം ഓവര്‍ എറിഞ്ഞ ഹാര്‍ദ്ദിക് പാണ്ഡ്യ റണ്‍സ് വഴങ്ങാതെ പിശുക്ക് കാട്ടി. ആദ്യ അഞ്ച് പന്തില്‍ ഒരു റണ്‍ മാത്രം വഴങ്ങിയ ഹാര്‍ദ്ദിക്കിനെ അഴസാന പന്തില്‍ ബൗണ്ടറിയടിച്ച് ബെയര്‍സ്റ്റോ കരുത്തുകാട്ടി. അഞ്ചാം ഓവര്‍ എറിയാനെത്തിയ ലോക്കി ഫെര്‍ഗൂസനെ ശിഖര്‍ ധവാന്‍ രണ്ട് ബൗണ്ടറിയടിച്ച് തുടങ്ങിയെങ്കിലും അഞ്ചാം പന്തില്‍ ജോണി ബെയര്‍സ്റ്റോയെ(8 പന്തില്‍ 8) ഷോര്‍ട്ട് തേര്‍ഡ് മാനില്‍ രാഹുല്‍ തെവാട്ടിയയുടെ കൈകകളിലെത്തിച്ച് ഫെര്‍ഗൂസന്‍ പഞ്ചാബിന് രണ്ടാം പ്രഹരമേല്‍പ്പിച്ചു. എന്നാല്‍ അവസാന പന്തില്‍ ബൗണ്ടറിയടിച്ച് ലിയാം ലിവിംഗ്‌സ്റ്റണ്‍ പഞ്ചാബിന് നേരിയ ആശ്വാസം നല്‍കി.
കഴിഞ്ഞ മത്സരം കളിച്ച ടീമില്‍ മാറ്റങ്ങളോടെയാണ് ഇരു ടീമുകളും ഇന്നിറങ്ങിയത്. ഗുജറാത്ത് ടീമില്‍ വിജയ് ശങ്കറിനും വരുണ്‍ ആരോണിനും പകരം ദര്‍ശന്‍ നാല്‍കണ്ഡേയും സായ് സുദര്‍ശനും അന്തിമ ഇലവനിലെത്തി. പഞ്ചാബ് കിംഗ്സ് ടീമിലും ഒരു മാറ്റമുണ്ട്. ഭാനുക രാജപക്സെക്ക് പകരം ഇംഗ്ലണ്ടിന്‍റെ വിക്കറ്റ് കീപ്പര്‍ ബാറ്റര്‍ ജോണി ബെയര്‍സറ്റോ പഞ്ചാബ് ടീമിലെത്തി.
Punjab Kings (Playing XI): Mayank Agarwal(c), Shikhar Dhawan, Liam Livingstone, Jonny Bairstow(w), Jitesh Sharma, Shahrukh Khan, Odean Smith, Kagiso Rabada, Rahul Chahar, Vaibhav Arora, Arshdeep Singh.
Gujarat Titans (Playing XI): Matthew Wade(w), Shubman Gill, Sai Sudharsan, Hardik Pandya(c), David Miller, Rahul Tewatia, Abhinav Manohar, Rashid Khan, Lockie Ferguson, Mohammed Shami, Darshan Nalkande.
