ജനം ചോദിച്ചു വാങ്ങുന്നത് ഈ ഫീച്ചറുള്ള വാഹനങ്ങൾ; ഒരേ ഒരു കാരണം മാത്രം, സുരക്ഷ! എന്താണ് എഡിഎഎസ്, പൂർണ വിവരങ്ങൾ
മഹീന്ദ്ര XUV700 നിലവിൽ ലെവൽ 2 ഡ്രൈവിംഗ് ഓട്ടോമേഷൻ വാഗ്ദാനം ചെയ്യുന്നു, അതിൽ അഡാപ്റ്റീവ് ക്രൂയിസ് കൺട്രോൾ, ഓട്ടോമാറ്റിക് എമർജൻസി ബ്രേക്കിംഗ്, ഹൈ ബീം അസിസ്റ്റ്, ലെയ്ൻ കീപ്പ് അസിസ്റ്റ്, ഫ്രണ്ട് കൊളിഷൻ വാണിംഗ്, സ്മാർട്ട് പൈലറ്റ് അസിസ്റ്റ്, ഹൈ ബീം അസിസ്റ്റ്, ട്രാഫിക് സൈൻ റെക്കഗ്നിഷൻ തുടങ്ങിയ ഫീച്ചറുകൾ ഉൾപ്പെടുന്നു.
 )
Followഅഡ്വാൻസ്‍ഡ് ഡ്രൈവർ അസിസ്റ്റൻസ് സിസ്റ്റം (ADAS) ഒരു പ്രായോഗിക സുരക്ഷാ ഫീച്ചറായി ഇന്ത്യൻ കാർ വാങ്ങുന്നവർക്കിടയിൽ പ്രചാരം നേടിക്കഴിഞ്ഞു. മാരുതി സുസുക്കി, ഹ്യുണ്ടായ്, ടൊയോട്ട, മഹീന്ദ്ര, ടാറ്റ തുടങ്ങിയ പ്രമുഖ കാർ നിർമ്മാതാക്കൾ ഇപ്പോൾ തങ്ങളുടെ ഏറ്റവും കൂടുതൽ വിറ്റഴിക്കപ്പെടുന്ന മോഡലുകൾക്കൊപ്പം ADAS വാഗ്ദാനം ചെയ്യുന്നു. മഹീന്ദ്ര ആൻഡ് മഹീന്ദ്ര അടുത്തിടെ തങ്ങളുടെ XUV700-ന്റെ ഒരുലക്ഷത്തിലധികം ഉപഭോക്താക്കൾ എസ്‌യുവിയുടെ അഡ്വാൻസ്‍ഡ് ഡ്രൈവർ അസിസ്റ്റൻസ് സിസ്റ്റം സജ്ജമായ വേരിയന്റ് (AX7) തിരഞ്ഞെടുത്തതായി വെളിപ്പെടുത്തി. സൗകര്യവും സുരക്ഷയും വർധിപ്പിക്കുന്ന സാങ്കേതികവിദ്യ, ഈ ഫീച്ചര്‍ വാങ്ങുവാൻ മഹീന്ദ്ര ഉപഭോക്താക്കളെ പ്രോത്സാഹിപ്പിച്ചു.
മഹീന്ദ്ര XUV700 നിലവിൽ ലെവൽ 2 ഡ്രൈവിംഗ് ഓട്ടോമേഷൻ വാഗ്ദാനം ചെയ്യുന്നു, അതിൽ അഡാപ്റ്റീവ് ക്രൂയിസ് കൺട്രോൾ, ഓട്ടോമാറ്റിക് എമർജൻസി ബ്രേക്കിംഗ്, ഹൈ ബീം അസിസ്റ്റ്, ലെയ്ൻ കീപ്പ് അസിസ്റ്റ്, ഫ്രണ്ട് കൊളിഷൻ വാണിംഗ്, സ്മാർട്ട് പൈലറ്റ് അസിസ്റ്റ്, ഹൈ ബീം അസിസ്റ്റ്, ട്രാഫിക് സൈൻ റെക്കഗ്നിഷൻ തുടങ്ങിയ ഫീച്ചറുകൾ ഉൾപ്പെടുന്നു. ലെവൽ 1 എ‌ഡി‌എ‌എസുമായി താരതമ്യപ്പെടുത്തുമ്പോൾ, ലെവൽ 2 എഡിഎഎസ് ഉയർന്ന തലത്തിലുള്ള ഓട്ടോമേഷൻ നൽകുന്നു. ഇത് സ്റ്റിയറിംഗിന്റെയും ആക്സിലറേഷൻ/ഡീസെലറേഷന്റെയും ഒരേസമയം നിയന്ത്രണം അനുവദിക്കുന്നു. എന്നിരുന്നാലും ഡ്രൈവർ ഇപ്പോഴും ഇടപഴകലും ശ്രദ്ധയും പുലർത്തേണ്ടതുണ്ട്.
ഇന്ത്യൻ സാഹചര്യങ്ങൾക്ക് അഡ്വാൻസ്‍ഡ് ഡ്രൈവർ അസിസ്റ്റൻസ് സിസ്റ്റം സാങ്കേതികവിദ്യയുടെ പ്രസക്തിയെക്കുറിച്ച് മഹീന്ദ്ര ആൻഡ് മഹീന്ദ്ര ലിമിറ്റഡിന്റെ എക്‌സിക്യൂട്ടീവ് ഡയറക്ടറും സിഇഒയുമായ രാജേഷ് ജെജുരിക്കർ വ്യക്തമാക്കി. നിർദ്ദിഷ്‍ട മോഡലുകളുടെ പേരുകൾ വെളിപ്പെടുത്തിയിട്ടില്ലെങ്കിലും കൂടുതൽ മോഡലുകളിൽ ഇത് അവതരിപ്പിക്കാനുള്ള കമ്പനിയുടെ പദ്ധതികളെക്കുറിച്ചും അദ്ദേഹം പരാമർശിച്ചു. ഈ മോഡലുകളിൽ XUV300 സബ്‌കോംപാക്‌റ്റ് SUV, XUV400 ഇവി, സ്കോർപിയോ എൻ എന്നിവ ഉൾപ്പെടാൻ സാധ്യതയുണ്ട്. ഓഗസ്റ്റ് 15-ന് അരങ്ങേറ്റം കുറിക്കുന്ന മഹീന്ദ്ര സ്‌കോർപ്പിയോ N പിക്കപ്പ് ട്രക്കിലും അഡ്വാൻസ്‍ഡ് ഡ്രൈവർ അസിസ്റ്റൻസ് സിസ്റ്റം സാങ്കേതികവിദ്യയിൽ ഉപയോഗിച്ചേക്കാം.
കൂടാതെ, കമ്പനിക്ക് നിലവിൽ 2.81 ലക്ഷത്തിലധികം എസ്യുവികൾ ബാക്ക്‌ലോഗ് ഉണ്ടെന്നും നിലവിലെ പാദത്തിൽ ഒരു ലക്ഷത്തിലധികം എസ്യുവികൾ വിതരണം ചെയ്‍തിട്ടുണ്ടെന്നും മഹീന്ദ്ര ആൻഡ് മഹീന്ദ്ര പറയുന്നു. ശക്തമായ ഡിമാൻഡ് ഉള്ളതിനാല്‍ ജൂലൈയിൽ പ്രതിമാസം 37,000 യൂണിറ്റ് എന്നതിൽ നിന്ന് 2024 സാമ്പത്തിക വർഷത്തിന്റെ അവസാന പാദത്തോടെ പ്രതിമാസം 49,000 യൂണിറ്റിലേക്ക് നിര്‍മ്മാണം ഉയർത്താനാണ് വാഹന നിർമ്മാതാക്കൾ ലക്ഷ്യമിടുന്നത്.
ജനപ്രിയ എസ്‌യുവികളായ സ്കോർപിയോ, ഥാർ എന്നിവയ്‌ക്കായി നിലവിൽ കാർ നിർമ്മാതാവിന് ഗണ്യമായ എണ്ണം ഓപ്പൺ ബുക്കിംഗ് ഉണ്ട്. സ്കോർപിയോ എൻ, സ്കോർപിയോ ക്ലാസിക് വേരിയന്റുകളുൾപ്പെടുന്ന സ്‌കോർപിയോയ്‌ക്കായി 1.17 ലക്ഷത്തിലധികം ഓപ്പൺ ബുക്കിംഗുകൾ ഉണ്ട്. ഥാർ എസ്‌യുവിയെ സംബന്ധിച്ചിടത്തോളം ഏകദേശം 68,000 ഓപ്പൺ ബുക്കിംഗുകളുണ്ട്. ഈ ഉയർന്ന ഡിമാൻഡ് നിറവേറ്റുന്നതിനായി മഹീന്ദ്ര പ്രതിമാസം ഏകദേശം 14,000 യൂണിറ്റ് സ്കോർപിയോയും പ്രതിമാസം 10,000 യൂണിറ്റ് ഥാറും ഉത്പാദിപ്പിക്കുന്നു. വിപണിയിലെ ഉപഭോക്താക്കൾക്കിടയിൽ ഈ എസ്‌യുവി മോഡലുകളുടെ ശക്തമായ താൽപ്പര്യത്തിന്റെയും ജനപ്രീതിയുടെയും തെളിവാണ് ഈ ഉൽപ്പാദന നിരക്ക്.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
