മെയ് മാസത്തിൽ ടാറ്റ വിറ്റത് ഇത്രയും എസ്‍യുവികള്‍
ടാറ്റയുടെ മൊത്തം വിൽപ്പന കണക്ക് കഴിഞ്ഞ വർഷം ഇതേ മാസത്തെ 76,210 യൂണിറ്റുകളിൽ നിന്ന് 74,973 യൂണിറ്റായിരുന്നു. ഇത് വില്‍പ്പനയില്‍ പ്രതിവർഷം രണ്ട് ശതമാനം ഇടിവ് രേഖപ്പെടുത്തി.
 )
Followആഭ്യന്തര വിപണിയിൽ ആറ് ശതമാനവും കയറ്റുമതിയിൽ 108 ശതമാനവും വളർച്ച കൈവരിച്ച് മെയ് മാസത്തില്‍ മികച്ച മുന്നേറ്റവുമായി ടാറ്റാ മോട്ടോഴ്സ്. 2023 മെയ് മാസത്തിൽ 45,878 പാസഞ്ചർ വാഹനങ്ങൾ കമ്പനി ചില്ലറ വിൽപ്പന നടത്തി. മുൻ വർഷം ഇതേ കാലയളവിൽ 43,341 യൂണിറ്റുകൾ വിറ്റഴിച്ചു. കയറ്റുമതി 2022 മെയ് മാസത്തിൽ 51 യൂണിറ്റുകളിൽ നിന്ന് 106 യൂണിറ്റുകളുമായി ശക്തമായ വളർച്ചയ്ക്ക് സാക്ഷ്യം വഹിച്ചു. ടാറ്റയുടെ മൊത്തം വിൽപ്പന കണക്ക് കഴിഞ്ഞ വർഷം ഇതേ മാസത്തെ 76,210 യൂണിറ്റുകളിൽ നിന്ന് 74,973 യൂണിറ്റായിരുന്നു. ഇത് വില്‍പ്പനയില്‍ പ്രതിവർഷം രണ്ട് ശതമാനം ഇടിവ് രേഖപ്പെടുത്തി.
എസ്‌യുവി വിഭാഗത്തില്‍ ടാറ്റ മോട്ടോഴ്സ് നാല് മോഡലുകൾ വിൽക്കുന്നു - പഞ്ച്, നെക്‌സോൺ, ഹാരിയർ, സഫാരി. കഴിഞ്ഞ മാസം, നെക്‌സോണിന്റെ 14,423 യൂണിറ്റുകളും പഞ്ച് മിനി എസ്‌യുവിയുടെ 11,124 യൂണിറ്റുകളും ഹാരിയറിന്റെ 2,303 യൂണിറ്റുകളും സഫാരിയുടെ 1,776 യൂണിറ്റുകളും ഉൾപ്പെടെ 29,626 എസ്‌യുവികൾ റീട്ടെയിൽ ചെയ്യാൻ കമ്പനിക്ക് കഴിഞ്ഞു. നെക്‌സോൺ, ഹാരിയർ, സഫാരി എന്നിവ ചെറിയ പ്രതിമാസ വിൽപ്പന ഇടിവ് രേഖപ്പെടുത്തിയപ്പോൾ, പഞ്ച് ഒമ്പത് ശതമാനം പ്രതിമാസ വർധന രേഖപ്പെടുത്തി.
ഈ വർഷം നെക്‌സോൺ, ഹാരിയർ, സഫാരി എസ്‌യുവികളുടെ പുതുക്കിയ പതിപ്പുകൾ കൊണ്ടുവരാൻ കാർ നിർമ്മാതാവ് തയ്യാറാണ്. ലോഞ്ച് പ്ലാനിൽ പഞ്ച് മൈക്രോ എസ്‌യുവിയുടെ ഇലക്ട്രിക് പതിപ്പും ഉൾപ്പെടുന്നു. 2023 ടാറ്റ നെക്‌സോൺ ഫെയ്‌സ്‌ലിഫ്റ്റ് ശ്രദ്ധേയമായ സൗന്ദര്യവർദ്ധക മാറ്റങ്ങളും ഫീച്ചർ അപ്‌ഗ്രേഡുകളുമായി ഓഗസ്റ്റിൽ എത്തുമെന്ന് അഭ്യൂഹമുണ്ട്. പാഡിൽ ഷിഫ്റ്ററുകൾ ലഭിക്കുന്ന ഇന്ത്യയിലെ ആദ്യത്തെ ടാറ്റയായിരിക്കും ഇത്. ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയ്‌ക്കൊപ്പം പുതിയ 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, അപ്‌ഡേറ്റ് ചെയ്‌ത ഇൻസ്ട്രുമെന്റ് ക്ലസ്റ്റർ, പുതിയ ടു-സ്‌പോക്ക്, മധ്യഭാഗത്ത് പ്രകാശമുള്ള ലോഗോയുള്ള Curvv-ഇൻസ്‌പേർഡ് ഫ്ലാറ്റ്-ബോട്ടം സ്റ്റിയറിംഗ് വീൽ തുടങ്ങിയവയും ഉണ്ടാകും.
2023 ടാറ്റ ഹാരിയർ, സഫാരി എസ്‌യുവികൾ ദീപാവലി സീസണോട് അടുത്ത് നിരത്തിലെത്തും. വയർലെസ് സ്മാർട്ട്‌ഫോൺ കണക്റ്റിവിറ്റിയും പുതിയ ഇൻസ്ട്രുമെന്റ് ക്ലസ്റ്ററും ഉള്ള പുതിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റത്തിനൊപ്പം രണ്ട് എസ്‌യുവികൾക്കും എഡിഎഎസ് സാങ്കേതികവിദ്യ ലഭിക്കും. 170bhp, 2.0L ടർബോ ഡീസൽ എഞ്ചിൻ തന്നെയായിരിക്കും ഹൃദയം. എന്നിരുന്നാലും, പുതുക്കിയ ഹാരിയറിനും സഫാരിക്കും പുതിയ 170 ബിഎച്ച്പി, 1.5 എൽ ടർബോ പെട്രോൾ എഞ്ചിൻ ലഭിക്കും.
