ഈ അടിപൊളി കാറിന്‍റെ ഇന്ത്യയിലെ വില്‍പ്പന അവസാനിപ്പിക്കുന്നോ? അമ്പരപ്പില്‍ വാഹനപ്രേമികള്‍
വെബ്‌സൈറ്റിൽ നിന്ന് നീക്കം ചെയ്‍തെങ്കിലും എസ്‌യുവി പരിമിതമായ യൂണിറ്റുകളിൽ ലഭ്യമാകുമെന്ന് ചില ഡീലർ ഉറവിടങ്ങൾ സ്ഥിരീകരിച്ചതായി കാര്‍ ട്രേഡ് റിപ്പോര്‍ട്ട് ചെയ്യുന്നു.
 )
Followസ്കോഡ ഇന്ത്യ അതിന്റെ കുഷാഖ് എസ്‌യുവിയുടെ ലാവ ബ്ലൂ എഡിഷൻ ഔദ്യോഗിക വെബ്‌സൈറ്റിൽ നിന്ന് നീക്കം ചെയ്‍തതായി റിപ്പോര്‍ട്ട്. എന്നാൽ ഇത് സംബന്ധിച്ച് കമ്പനി ഇതുവരെ ഔദ്യോഗിക പ്രസ്താവനകളൊന്നും നൽകിയിട്ടില്ല. സ്കോഡ കുഷാഖ് ലാവ ബ്ലൂ എഡിഷൻ 2023 ഏപ്രിൽ 13-ന് 17.99 ലക്ഷം രൂപയിൽ (എക്സ്-ഷോറൂം) ആരംഭിക്കുന്ന വിലയിൽ ഇന്ത്യയിൽ അവതരിപ്പിച്ചു. 19.19 ലക്ഷം രൂപ മുതലാണ് എഎംടി വേരിയന്റിന്റെ എക്സ് ഷോറൂം വില. വെബ്‌സൈറ്റിൽ നിന്ന് നീക്കം ചെയ്‍തെങ്കിലും എസ്‌യുവി പരിമിതമായ യൂണിറ്റുകളിൽ ലഭ്യമാകുമെന്ന് ചില ഡീലർ ഉറവിടങ്ങൾ സ്ഥിരീകരിച്ചതായി കാര്‍ ട്രേഡ് റിപ്പോര്‍ട്ട് ചെയ്യുന്നു.
കുഷാഖ് ലാവ ബ്ലൂ എഡിഷൻ ലാവ ബ്ലൂ എക്സ്റ്റീരിയർ കളർ ഓപ്ഷനിൽ ലഭ്യമാണ്. സ്‌കോഡയുടെ ലോഗോയുള്ള പുഡിൽ ലാമ്പുകൾ, മുൻ ഗ്രില്ലിൽ ക്രോം ഫിനിഷ്, ഡോർ ഹാൻഡിലുകളും ട്രങ്കും, ബി-പില്ലറുകളിൽ 'എഡിഷൻ' ബാഡ്ജിംഗും ഉൾപ്പെടുന്നു. ഈ കാർ ലിറ്ററിന് 19.2 കിലോമീറ്റർ മൈലേജ് നൽകുന്നു. ഏകദേശം 385 ലിറ്ററിന്റെ ബൂട്ട് സ്പേസ് ഈ കാറിനുണ്ട്.
കുഷാക്കിന്റെ ലാവ ബ്ലൂ എഡിഷനിൽ 1.5 ലിറ്റർ ഫോർ സിലിണ്ടർ ടർബോ പെട്രോൾ എഞ്ചിൻ ആറ് സ്പീഡ് മാനുവലും ഏഴ് സ്പീഡ് ഡിഎസ്ജി ഓട്ടോമാറ്റിക് ഗിയർബോക്സും ചേർന്നതാണ്. 148 bhp കരുത്തും 250 Nm ടോര്‍ക്കും ഉത്പാദിപ്പിക്കുന്ന തരത്തിലാണ് ഈ മോട്ടോർ ട്യൂൺ ചെയ്തിരിക്കുന്നത്. കൂടാതെ, ഈ എഞ്ചിൻ BS6 ഘട്ടം 2, പുതിയ RDE മാനദണ്ഡങ്ങൾ എന്നിവയുമായി പൊരുത്തപ്പെടുന്നു.
ഇതിന് 3 ട്രിം ആക്റ്റീവ്, ആംബിഷൻ, സ്റ്റൈൽ എന്നിവ ലഭിക്കുന്നു. 999 സിസി മുതൽ 1498 സിസി വരെയുള്ള എഞ്ചിനാണ് വാഹനത്തിന്. ഇതിന് 113.98 മുതൽ 147.51 ബിഎച്ച്പി വരെ കരുത്ത് ലഭിക്കും. ഹണി ഓറഞ്ച്, ടൊർണാഡോ റെഡ്, കാൻഡി വൈറ്റ്, കാർബൺ സ്റ്റീൽ, ബ്രില്യന്റ് സിൽവർ എന്നീ അഞ്ച് കളർ ഓപ്ഷനുകളിലാണ് ഈ 5 സീറ്റർ കാർ വരുന്നത്.
