ബംഗളൂരു-മൈസൂരു സൂപ്പര്‍ റോഡ്, ടോള്‍ നിരക്കുകള്‍ കുത്തനെ കൂട്ടി!

ബംഗളൂരു-മൈസൂർ എക്‌സ്പ്രസ് വേയുടെ ഒരു ഭാഗത്തേക്കുള്ള ടോൾ നിരക്കുകൾ 22 ശതമാനം വർധിപ്പിച്ച് നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ) . ക​ഴി​ഞ്ഞ മാ​ർ​ച്ച് 12നാ​ണ് 118 കി​ലോ​മീ​റ്റ​ർ ദൂ​ര​മു​ള്ള പാ​ത ഉ​ദ്ഘാ​ട​നം ചെ​യ്‍ത​ത്. 17 ദി​വ​സ​ങ്ങ​ൾ​ക്ക് ശേ​ഷം ഏ​പ്രി​ൽ ഒ​ന്നി​ന് ടോ​ൾ നി​ര​ക്ക് കൂ​ട്ടി. പക്ഷേ പിന്നീട് തീ​രു​മാ​നം മ​ര​വി​പ്പി​ച്ചു. എന്നാല്‍ ജൂ​ൺ ഒ​ന്നു​മു​ത​ൽ വ​ർ​ധ​ന​വ് വീ​ണ്ടും ന​ട​പ്പാ​ക്കാ​ൻ തീ​രു​മാ​നി​ക്കുകയായിരുന്നു എന്നാണ് റിപ്പോര്‍ട്ടുകള്‍. 

കാ​ർ, വാ​ൻ, ജീ​പ്പു​ക​ൾ എ​ന്നി​വ​ക്ക് നേരത്തെ ഒറ്റ യാത്രയ്ക്ക് 135 രൂപയും മടക്കയാത്രയ്ക്ക് 205 രൂപയും ഒരുമാ​സത്തെ​ പാ​സി​ന് 4,525 രൂ​പ​യു​മായിരുന്നു പഴയ നിരക്ക്. എന്നാല്‍ പുതുക്കിയ നിരക്ക് അനുസരിച്ച്, കാറുകൾ ഒരു യാത്രയ്ക്ക് 165 രൂപയും അതേ ദിവസം മടങ്ങുകയാണെങ്കിൽ 250 രൂപയും നൽകണം. രണ്ടാമത്തെ റീച്ചും തുറന്നാൽ കാർ, ജീപ്പ്, വാനുകൾ എന്നിവയുടെ ടോൾ ഫീസ് 300 രൂപയായി ഉയരുമെന്നും അധികൃതർ അറിയിച്ചു.

ബ​സു​ക​ൾ​ക്കും ട്ര​ക്കു​ക​ൾ​ക്കും ഒ​റ്റ​യാ​ത്ര​ക്ക് 460 രൂ​പ​യും മ​ട​ക്ക​യാ​ത്രയ്ക്ക് 690 രൂ​പ​യു​മാ​യി​രു​ന്നു പ​ഴ​യ നി​ര​ക്ക്. ക​നി​മ​നി​കെ, ശേ​ഷ​ഗി​രി​ഹ​ള്ളി ടോ​ൾ പ്ലാ​സ​ക​ളി​ൽ നി​ന്നാ​ണ് ടോ​ൾ പി​രി​ക്കു​ന്ന​ത്. നി​ല​വി​ൽ സൗ​ജ​ന്യ​മാ​യി വാ​ഹ​നം ഓ​ടി​ക്കാ​ൻ ക​ഴി​യു​ന്ന ഇ​തേ പാ​ത​യി​ലെ 61 കി​ലോ​മീ​റ്റ​ർ ഉ​ള്ള നി​ദ​ഘ​ട്ട-​മൈ​സൂ​രു സെ​ക്ഷ​നി​ൽ ടോ​ൾ പി​രി​വ് തു​ട​ങ്ങാ​നു​ള്ള ന​ട​പ​ടി​യും അ​തോ​റി​റ്റി തു​ട​ങ്ങി​യി​ട്ടു​ണ്ട്.  ഈ ​ഭാ​ഗ​ത്ത് ജൂ​ലൈ ഒ​ന്നു​മു​ത​ൽ ടോ​ൾ​പി​രി​വ് തു​ട​ങ്ങാ​നാ​ണ് സാ​ധ്യ​ത. അ​തേ​സ​മ​യം, ക​ഴി​ഞ്ഞ ഏ​പ്രി​ൽ ഒ​ന്നി​ന് തു​ട​ങ്ങാ​നി​രു​ന്ന വ​ർ​ധ​ന​വ് ത​ൽ​ക്കാ​ലം മ​ര​വി​പ്പി​ച്ച​താ​യി​രു​ന്നു​വെ​ന്നും പു​ന​രാ​രം​ഭി​ച്ച​തെ​ന്നും അ​തോ​റി​റ്റി അ​ധി​കൃ​ത​ർ പ​റ​യു​ന്നു.

പു​തി​യ നി​ര​ക്കുകള്‍ ഇ​പ്ര​കാ​രം:
ഒ​രു വ​ശ​ത്തേ​ക്കു​ള്ള യാ​ത്ര, 24 മ​ണി​ക്കൂ​റി​നു​ള്ളി​ലു​ള്ള മ​ട​ക്ക​യാ​ത്ര​യു​മ​ട​ക്കം, മാ​സ​പാ​സ് (50 ദി​വ​സ​ത്തേ​ക്ക് ഒ​രു വ​ശ​ത്തേ​ക്കു​ള്ള യാ​ത്ര) എ​ന്നീ ക്ര​മ​ത്തി​ൽ

കാ​ർ, വാ​ൻ, ജീ​പ്പ് -165രൂ​പ, 250, 5575
എ​ൽ.​സി.​വി, എ​ൽ.​ജി.​വി, മി​നി ബ​സ് -270, 405, 9000
ട്ര​ക്ക്, ബ​സ് (ടു ​ആ​ക്സി​ൽ) -565, 850, 18860
മൂ​ന്ന് ആ​ക്സി​ൽ വാ​ണി​ജ്യ വാ​ഹ​ന​ങ്ങ​ൾ -615, 925, 20575
നി​ർ​മാ​ണ​പ്ര​വൃ​ത്തി​ക​ൾ​ക്കു​പ​യോ​ഗി​ക്കു​ന്ന ജെ.​സി.​ബി പോ​ലു​ള്ള വാ​ഹ​ന​ങ്ങ​ൾ: 885, 1330, 29580.
ഏ​ഴോ അ​തി​ല​ധി​ക​മോ ആ​ക്സി​ലു​ക​ളു​ള്ള വ​ലി​യ വാ​ഹ​ന​ങ്ങ​ൾ: 1080, 1620, 36010

അതേസമയം ടോൾ ചാർജിനെതിരെ എക്‌സ്പ്രസ് വേ നേരത്തെ ഒന്നിലധികം പ്രതിഷേധങ്ങൾക്ക് സാക്ഷ്യം വഹിച്ചിരുന്നു.  നിരക്ക് വളരെ ഉയർന്നതാണെന്നാണ് പലരും ആരോപിക്കുന്നത്. പുതുക്കിയ നിരക്കുകൾ നടപ്പിലാക്കിയതോടെ നിരവധി പൗരന്മാർ തങ്ങളുടെ എതിർപ്പ് പ്രകടിപ്പിച്ച് സോഷ്യൽ മീഡിയയിലും എത്തി. 9000 കോടി രൂപ ചെലവിൽ നിർമ്മിച്ച 118 കിലോമീറ്റർ ഈ പ്രവേശന നിയന്ത്രിത ഹൈവേ കർണാടകയിലെ രണ്ട് പ്രധാന നഗരങ്ങൾക്കിടയിലുള്ള യാത്രാ സമയം 75 മിനിറ്റായി ചുരുക്കുന്നു. 2023 മാർച്ച് 12ന് പ്രധാനമന്ത്രി നരേന്ദ്ര മോദിയാണ് ഈ അതിവേഗപ്പാത ഉദ്ഘാടനം ചെയ്‍തത്.

ബംഗളൂരു-മൈസൂരു സൂപ്പര്‍ റോഡ്; അഞ്ചുമാസത്തിനിടെ 570 അപകടങ്ങള്‍, പൊലിഞ്ഞത് ഇത്രയും ജീവനുകള്‍!

• Bengaluru Mysuru expressway