പാവങ്ങളുടെ കണ്ണീരൊപ്പണമെന്ന് മാരുതി, വാക്കുപാലിച്ച് സുസുക്കി! ഇതാ 40 കിമി മൈലേജുള്ള ആ സ്വിഫ്റ്റ്!
35 മുതല്‍ 40 കിമി വരെ മൈലേജാണ് ഹൈബ്രിഡ് എഞ്ചിന് കമ്പനി അവകാശപ്പെടുന്നത്. അടുത്ത വർഷത്തോടെ ഇന്ത്യൻ വിപണിയിലും പുത്തൻ സ്വിഫ്റ്റിനെ അവതരിപ്പിക്കാൻ കഴിയുമെന്നാണ് റിപ്പോര്‍ട്ടുകള്‍.
 )
Followജനപ്രിയ സ്വിഫ്റ്റ് ഹാച്ച് ബാക്കിന്‍റെ ന്യൂജെൻ പതിപ്പിനെ വെളിപ്പെടുത്തി സുസുക്കി. മാരുതിയുടെ ജാപ്പനീസ് പങ്കാളിയായ സുസുക്കി കഴിഞ്ഞ ദിവസം ജാപ്പാനീസ് ഓട്ടോ ഷോയിലാണ് പുതിയ രൂപവും സവിശേഷതകളും സാങ്കേതികവിദ്യയും ഉള്ള ഇന്ത്യയിലെ ജനപ്രിയ ഹാച്ച്ബാക്കിന്റെ അപ്‌ഡേറ്റ് ചെയ്‍ത പതിപ്പിനെ പ്രദർശിപ്പിച്ചത്.
ഇന്ത്യയിൽ മാരുതി സുസുക്കിയിൽ നിന്ന് ഏറ്റവുമധികം വിറ്റഴിക്കപ്പെടുന്ന കാറുകളിലൊന്നായ സ്വിഫ്റ്റ് ഹാച്ച്ബാക്കിന്റെ നാലാംതലമുറയെ രൂപകല്പനയിലും സാങ്കേതികവിദ്യയിലും നിരവധി മാറ്റങ്ങളോടെയാണ് സുസുക്കി ജപ്പാൻ ഓട്ടോ ഷോയിൽ പ്രദർശിപ്പിച്ചത്. പുതിയ മാരുതി സുസുക്കി സ്വിഫ്റ്റ് ഹെഡ്‌ലൈറ്റുകൾ, ബമ്പറുകൾ തുടങ്ങിയ നിരവധി ഘടകങ്ങൾ അതിനെ മുമ്പത്തേക്കാൾ സ്‌പോർട്ടിയാക്കി മാറ്റുന്നു. പ്രദർശിപ്പിച്ച മോഡൽ നീല നിറത്തിൽ പൊതിഞ്ഞതും കറുത്തിരുണ്ട മേൽക്കൂരയുള്ളതുമാണ്. ശ്രദ്ധേയമായ മറ്റൊരു മാറ്റം,പിൻവശത്തെ ഡോർ ഹാൻഡിലുകളുടെ സ്ഥാനമാണ്. ബമ്പർ കൺസെപ്റ്റ് പതിപ്പിലേതുപോലെ പുനർരൂപകൽപ്പന ചെയ്യാൻ സാധ്യതയുണ്ടെങ്കിലും പിൻഭാഗത്ത്, പുതിയ സ്വിഫ്റ്റിന് അതേ സെറ്റ് ടെയിൽലൈറ്റുകൾ ലഭിക്കുമെന്ന് പ്രതീക്ഷിക്കുന്നു.
40 കിമി മൈലേജ് മാത്രമോ? ഇതാ പുത്തൻ സ്വിഫ്റ്റിനെക്കുറിച്ച് അറിയേണ്ടതെല്ലാം
എക്സ്റ്റീരിയറിനേക്കാൾ വലിയ മാറ്റങ്ങളാണ് പുതിയ സ്വിഫ്റ്റിന്റെ ഇന്റീരിയറിന് ലഭിക്കുന്നത്. വരാനിരിക്കുന്ന ഹാച്ച്ബാക്ക് ഡ്യുവൽ-ടോൺ ഡാഷ്‌ബോർഡുള്ള പുതിയ ക്യാബിൻ, ഫ്രീ-സ്റ്റാൻഡിംഗ് 9-ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, പുതിയ ഡിജിറ്റൽ ഡ്രൈവർ ഡിസ്‌പ്ലേ തുടങ്ങിയവയോടെയാണ് എത്തുന്നത് എന്നാണ് റിപ്പോര്‍ട്ടുകള്‍. മറ്റ് മാറ്റങ്ങളിൽ, പുതിയ സ്വിഫ്റ്റ് ഇലക്ട്രിക് സൺറൂഫ്, വെന്റിലേറ്റഡ് ഫ്രണ്ട് സീറ്റുകൾ, 360-ഡിഗ്രി ക്യാമറ, വയർലെസ് ചാർജിംഗ്, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ ഫീച്ചറുകൾ എന്നിവയുമായി വരുമെന്നും പ്രതീക്ഷിക്കുന്നു.
ജപ്പാൻ ഓട്ടോ ഷോയിൽ പ്രദർശിപ്പിച്ച സ്വിഫ്റ്റിന് ലെവൽ-2 അഡ്വാൻസ് ഡ്രൈവര്‍ അസിസ്റ്റ് സാങ്കേതികവിദ്യയും ലഭിക്കുന്നു. ഡ്രൈവർ അസിസ്റ്റൻസ് ടെക്നോളജി ഉപയോഗിച്ച് പുതിയ സ്വിഫ്റ്റ് ഇന്ത്യയിലും പുറത്തിറക്കാൻ മാരുതി തീരുമാനിച്ചാൽ, ഈ നൂതന ഫീച്ചർ വാഗ്ദാനം ചെയ്യുന്ന ഇന്ത്യയിലെ കാർ നിർമ്മാതാക്കളുടെ ആദ്യ മോഡലായിരിക്കും ഇത്.
അഞ്ച് സ്പീഡ് മാനുവൽ അല്ലെങ്കിൽ നാല് സ്പീഡ് ഓട്ടോമാറ്റിക് ഗിയർബോക്‌സുമായി ഘടിപ്പിച്ച 1.2 ലിറ്റർ പെട്രോൾ എഞ്ചിൻ മാരുതി സുസുക്കി വാഗ്ദാനം ചെയ്യുന്നത് തുടരുമെന്ന് പ്രതീക്ഷിക്കുന്നു. എഞ്ചിന് 88.76 bhp കരുത്തും 113 Nm ടോര്‍ക്കും സൃഷ്ടിക്കാനാവും. ഇന്ധനക്ഷമത വർധിപ്പിക്കാൻ ഹൈബ്രിഡ് സാങ്കേതികവിദ്യയും പുതിയ സ്വിഫ്റ്റിന് ലഭിച്ചേക്കും. 35 മുതല്‍ 40 കിമി വരെ മൈലേജാണ് ഹൈബ്രിഡ് എഞ്ചിന് കമ്പനി അവകാശപ്പെടുന്നത് എന്നാണ് റിപ്പോര്‍ട്ടുകള്‍. അടുത്ത വർഷത്തോടെ ഇന്ത്യൻ വിപണിയിലും അവതരിപ്പിക്കാൻ കഴിയുമെന്നാണ് റിപ്പോര്‍ട്ടുകള്‍. ഇന്ത്യയിൽ, നിലവിലുള്ള 1.2-ലിറ്റർ കെ-സീരീസ്, നാച്ചുറലി ആസ്പിറേറ്റഡ് പെട്രോൾ എഞ്ചിൻ ഉപയോഗിച്ചായിരിക്കും ഇത് അവതരിപ്പിക്കുക. സുരക്ഷയ്ക്കായി, ഡ്യുവൽ സെൻസർ ബ്രേക്ക് സപ്പോർട്ട്, അഡാപ്റ്റീവ് ഹൈ ബീം സിസ്റ്റം, ഡ്രൈവർ മോണിറ്ററിംഗ് സിസ്റ്റം തുടങ്ങിയ ഫീച്ചറുകളും വാഹനത്തില്‍ ചേർത്തിട്ടുണ്ട്.
