പുതിയ സെൽറ്റോസിന്റെ ബുക്കിംഗ് സ്വീകരിച്ച് ഡീലര്‍മാര്‍
ഔദ്യോഗിക ബുക്കിംഗ് വിശദാംശങ്ങൾ ഇനിയും പ്രഖ്യാപിച്ചിട്ടില്ലെങ്കിലും, തിരഞ്ഞെടുത്ത കിയ ഡീലർഷിപ്പുകൾ 25,000 രൂപ പ്രാരംഭ തുകയിൽ പ്രീ-ഓർഡറുകൾ സ്വീകരിക്കാൻ തുടങ്ങിയതായാണ് റിപ്പോര്‍ട്ടുകള്‍.
 )
Followപുതുക്കിയ കിയ സെൽറ്റോസ് 2023 ജൂലൈ 4-ന് ഇന്ത്യയിൽ അരങ്ങേറ്റം കുറിക്കും. ഔദ്യോഗിക ബുക്കിംഗ് വിശദാംശങ്ങൾ ഇനിയും പ്രഖ്യാപിച്ചിട്ടില്ലെങ്കിലും, തിരഞ്ഞെടുത്ത കിയ ഡീലർഷിപ്പുകൾ 25,000 രൂപ പ്രാരംഭ തുകയിൽ പ്രീ-ഓർഡറുകൾ സ്വീകരിക്കാൻ തുടങ്ങിയതായാണ് റിപ്പോര്‍ട്ടുകള്‍. ജൂലൈ അവസാനത്തോടെ വില പ്രഖ്യാപിക്കാനാണ് സാധ്യത.
പുതുക്കിയതും വലുതുമായ ഗ്രിൽ, ട്വീക്ക് ചെയ്ത ഫ്രണ്ട് ബമ്പർ, ഡിആർഎല്ലുകളോട് കൂടിയ പുതുതായി രൂപകല്പന ചെയ്ത ഹെഡ്‌ലാമ്പുകൾ എന്നിവ പുതുക്കിയ മോഡലിന്റെ സവിശേഷതയാണ്. 'ഐസ് ക്യൂബ്' എൽഇഡി ഫോഗ് ലാമ്പ് അസംബ്ലി കൂടുതൽ താഴേക്ക് സ്ഥാപിച്ചിരിക്കുന്നു. വശങ്ങളിലേക്ക് നീങ്ങുമ്പോൾ, എസ്‌യുവിക്ക് പുതുതായി രൂപകൽപ്പന ചെയ്ത അലോയി വീലുകൾ ലഭിക്കുന്നു. പുതുക്കിയ ബമ്പറും ടെയിൽലാമ്പുകളും ഉപയോഗിച്ച് പിൻഭാഗവും പരിഷ്‍കരിച്ചിട്ടുണ്ട്. ഡ്യുവൽ എക്‌സ്‌ഹോസ്റ്റ് ടിപ്പുകൾക്കൊപ്പം മുന്നിലും പിന്നിലും ബമ്പറുകളിൽ ജിടി ലൈൻ ട്രിമ്മിന് സ്‌പോർട്ടി റെഡ് ഇൻസെർട്ടുകൾ ലഭിക്കുന്നു.
അഡ്വാൻസ്‍ഡ് ഡ്രൈവർ അസിസ്റ്റൻസ് സിസ്റ്റം സാങ്കേതികവിദ്യയായിരിക്കും പുതിയ സെൽറ്റോസിന്റെ ഹൈലൈറ്റ്. അഡാപ്റ്റീവ് ക്രൂയിസ് കൺട്രോൾ, ഫോർവേഡ് കൂട്ടിയിടി ഒഴിവാക്കൽ അസിസ്റ്റ്, ഇന്റലിജന്‍റ് സ്പീഡ് ലിമിറ്റ് അസിസ്റ്റ്, ബ്ലൈൻഡ് സ്പോട്ട് കൂട്ടിയിടി മുന്നറിയിപ്പ് തുടങ്ങിയവ ഉൾപ്പെടെ ഏകദേശം 16 സുരക്ഷാ ഫീച്ചറുകൾ ഈ സ്യൂട്ട് വാഗ്ദാനം ചെയ്യാൻ സാധ്യതയുണ്ട്. എസ്‌യുവിയിൽ പനോരമിക് സൺറൂഫും ഉണ്ട്, അതിന്റെ സെഗ്‌മെന്റിൽ ഡ്യുവൽ സോൺ ക്ലൈമറ്റ് കൺട്രോൾ ഉള്ള ആദ്യത്തെ വാഹനമാണിത്. ഇൻസ്ട്രുമെന്റ് ക്ലസ്റ്ററും ഇൻഫോടെയ്ൻമെന്റ് സിസ്റ്റവും കിയ അപ്‌ഡേറ്റ് ചെയ്‌തേക്കാം.
1.5L പെട്രോൾ (115bhp/144Nm), 1.5L T-GDi പെട്രോൾ (160bhp/253Nm), 1.5L CRDi VGT ഡീസൽ (116bhp/250Nm) എന്നിങ്ങനെ മൂന്ന് എഞ്ചിൻ ഓപ്ഷനുകളാണ് പുതിയ സെൽറ്റോസിനൊപ്പം വാങ്ങുന്നവർക്ക് ലഭിക്കുക. എസ്‌യുവി മോഡൽ ലൈനപ്പ് നാല് ഗിയർബോക്സുകൾ വാഗ്ദാനം ചെയ്യും: 6-സ്പീഡ് മാനുവൽ, 6-സ്പീഡ് ഓട്ടോമാറ്റിക്, 6-സ്പീഡ് iMT, 7-സ്പീഡ് ഡ്യുവൽ-ക്ലച്ച് ഓട്ടോമാറ്റിക്.
10.89 ലക്ഷം മുതൽ 19.65 ലക്ഷം വരെ എക്‌സ്‌ഷോറൂം വില പരിധിക്കുള്ളിൽ ലഭ്യമാകുന്ന സെൽറ്റോസിന്റെ അപ്‌ഡേറ്റ് ചെയ്ത പതിപ്പിന് നിലവിലുള്ള മോഡലിന് സമാന വില ആയിരിക്കും പ്രതീക്ഷിക്കുന്നത്.
