ബിഗ് ബോസ് മലയാളം സീസണ്‍ 4 ടൈറ്റില്‍ വിജയിയാണ് ദില്‍ഷ
ഡി ഫോര്‍ ഡാന്‍സ് വേദി മുതല്‍ തുടങ്ങിയ സൗഹൃദമാണ് ദില്‍ഷയുടെയും റംസാന്റെയും. ഇപ്പോഴും അത് തുടരുന്നു. രണ്ട് പേരും ഒരുമിച്ച് ചെയ്ത സ്‌റ്റേജ് ഷോകളും റീല്‍സ് വീഡിയോസും എല്ലാം ഇതിന് മുന്‍പും വൈറലായിട്ടുണ്ട്. വീഡിയോ കണ്ട് ഇരുവരും പ്രണയത്തിലാണ് എന്ന് വരെയുള്ള ഗോസിപ്പുകള്‍ വന്നിരുന്നു. എന്നാല്‍ അത്തരം ഗോസിപ്പുകള്‍ക്കൊന്നും ചെവി കൊടുക്കാതെ റംസാനും ദില്‍ഷയും തങ്ങളുടെ സൗഹൃദം കൊണ്ടു പോവുകയാണ്.
വാലന്‍റൈന്‍ ദിനത്തിലും റംസാനുമൊത്തുള്ള ഒരു നൃത്ത വീഡിയോ റംസാന് പങ്കുവച്ചിരുന്നു. ഇൻസ്റ്റഗ്രാമിലൂടെയാണ് റംസാന് വീഡിയോ പ്രേക്ഷകരിലേക്ക് എത്തിച്ചത്. കണ്ണെടുത്താല്‍ ഏതെങ്കിലും ഒരു മൂവ്‌മെന്റ് മിസ്സ് ആയി പോവുമോ എന്ന് കരുതി, കണ്ണെടുക്കാതെ കണ്ടു നില്‍ക്കാന്‍ പറ്റുന്ന നൃത്തമെന്നാണ് ഒരു കമന്‍റ്. വീഡിയോയില്‍ മൈന്റ് ബ്ലോയിങ് സ്‌റ്റെപ്പുകളുണ്ട്, റൊമാന്‍സ് ഉണ്ട് എന്റര്‍ടൈന്‍മെന്റ് ഉണ്ട്. ഒന്നും പറയാനില്ല, സൂപ്പര്‍ എന്നാണ് ഭൂരിഭാഗം കമന്റുകളും. പ്രണയ ദിനത്തിൽ എല്ലാ താരങ്ങളും തന്നെ പോസ്റ്റ് പങ്കുവെച്ചപ്പോൾ ലേറ്റ് ആയി വന്ന് ലേറ്റസ്റ്റ് ആയി മാറിയിരിക്കുകയാണ് ദിൽഷയും റംസാനും.
undefined
ബിഗ്ഗ് ബോസ് സീസണ്‍ 3 യിലെ മത്സരാര്‍ത്ഥിയായും റംസാന് വന്നിട്ടുണ്ട്. ഭീഷ്മ പര്‍വ്വം അടക്കമുള്ള സിനിമകളിലും അഭിനയിച്ചിട്ടുള്ള റംസാന് ഡാന്‍സിനൊപ്പം അഭിനയവും കൊണ്ടു പോകാനാണ് ആഗ്രഹം. കിടു, ഡാന്‍സ് ഡാന്‍സ്, ഭീഷ്മ പർവം തുടങ്ങി എട്ടോളം ചിത്രങ്ങളില്‍ റംസാൻ പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്. ബിഗ്ഗ് ബോസ് മലയാളം സീസണ്‍ 4 ടൈറ്റില്‍ വിന്നറായ ദില്‍ഷ, ഷോയില്‍ എത്തുന്നതിന് മുന്‍പ് നൃത്തത്തില്‍ നിന്ന് വിട്ട് മറ്റ് ജോലിയിലേക്ക് തിരിഞ്ഞിരുന്നു. എന്നാല്‍ ബിഗ്ഗ് ബോസിന് ശേഷം ഡാന്‍സില്‍ കൂടുതല്‍ ശ്രദ്ധ കേന്ദ്രീകരിച്ചിരിയ്ക്കുകയാണ് താരം.