ഗോപി സുന്ദറിന് ഒപ്പമുള്ള ഫോട്ടോയാണ് അമൃത പങ്കുവച്ചിരിക്കുന്നത്.
ഗായികയായും അവതാരകയായും മലയാളികൾക്ക് സുപരിചിതയായ ആളാണ് അമൃത സുരേഷ്. ഏഷ്യാനെറ്റിലെ ഐഡിയ സ്റ്റാർ സിങ്ങറിലൂടെ കരിയർ ആരംഭിച്ച അമൃത ഇപ്പോൾ ആൽബങ്ങളും സ്റ്റേജ് ഷോകളുമായി മുന്നോട്ട് പോകുകയാണ്. അടുത്തിടെ ആയിരുന്നു സംഗീത സംവിധായകൻ ഗോപി സുന്ദറുമായുളള അമൃതയുടെ വിവാഹം. പിന്നാലെ ഇരുവരും ഒന്നിച്ചുള്ള വീഡിയോകളും ഫോട്ടോകളും അമൃത സമൂഹമധ്യമങ്ങളിൽ പങ്കുവയ്ക്കുകയും അവ ശ്രദ്ധനേടുകയും ചെയ്തിരുന്നു. ഇപ്പോഴിതാ അമൃത പങ്കുവച്ച പുതിയ ഫോട്ടോയാണ് ശ്രദ്ധനേടുന്നത്.
ഗോപി സുന്ദറിന് ഒപ്പമുള്ള ഫോട്ടോയാണ് അമൃത പങ്കുവച്ചിരിക്കുന്നത്. 'ലോകത്തിലെ ഏറ്റവും നല്ല ഭർത്താവ്, ഐ ലൗ യു'എന്നാണ് അമൃത ഫോട്ടോയ്ക്ക് ഒപ്പം കുറിച്ചത്. പിന്നാലെ നിരവധി പേർ കമന്റുകളുമായി എത്തിയിരുന്നു. ഇക്കൂട്ടത്തിൽ പരിഹാസ കമന്റുകളും വന്നു. പിന്നാലെ കമന്റ് ബോക്സ് ഓഫാക്കുക ആയിരുന്നു.
undefined
ദുബായിൽ ഷോ ചെയ്യാൻ പോയ അമൃതയെ കാണാനാണ് ഗോപി സുന്ദർ ദുബായിലെത്തിയത്. ശേഷം ഇരുവരും ചേർന്ന് ദുബായ് എക്സ്പ്ലോർ ചെയ്യുകയും ചെയ്തു. ഇതിന്റെ വീഡിയോകളും ചിത്രങ്ങളും സമൂഹമാധ്യമങ്ങളിൽ വൈറലാണ്.
2022 മെയ്യിൽ ആണ് ഗോപി സുന്ദറിനൊപ്പമുള്ള അമൃതയുടെ ഫോട്ടോ പുറത്തുവന്നത്. പിന്നിട്ട കാതങ്ങള്‍ മനസ്സില്‍ കുറിച്ച് അനുഭവങ്ങളുടെ കനല്‍വരമ്പു കടന്ന് കാലവും കാറ്റും പുതിയ വഴികളിലേക്ക് എന്നായിരുന്നു ആ ഫോട്ടോയ്ക്ക് ക്യാപ്ഷൻ എഴുതിയത്. പിന്നാലെ ഇരുവരും ഒന്നിക്കുന്നുവെന്ന തരത്തിൽ വാർത്തളും പുറത്തുവന്നു. ഒപ്പം വിമർശനങ്ങളും. ഒടുവിൽ അമൃതയും ഗോപി സുന്ദറും വിവാഹിതർ ആകുകയും ചെയ്തു.
'സ്ത്രീകളുടെ ഏറ്റവും വലിയ ശത്രു മറ്റൊരു സ്ത്രീ, ഇന്നവർ ഫെമിനിസ്റ്റുകൾ'; തുറന്നടിച്ച് രവീണ ടണ്ടൻ
അടുത്തിടെ മോശം കമന്‍റുകള്‍ക്കെതിരെ അമൃത രംഗത്തെത്തിയിരുന്നു. കമന്‍റുകളൊക്കെയും ശേഖരിച്ചിട്ടുണ്ടെന്നും അതിന്‍റെ ഉടമകളുടെ പ്രൊഫൈലുകള്‍ പൊലീസിന്‍റെ ശ്രദ്ധയില്‍ പെടുത്തുമെന്നും അന്വേഷണവും നടപടിയും ആവശ്യപ്പെടുമെന്നും അമൃത അറിയിച്ചിരുന്നു.