നിരാശയുടെ നിമിഷങ്ങൾ, വിക്രം ലാൻഡറിൽ നിന്നുള്ള ആശയവിനിമയം നഷ്ടമായി - Live

ഐഎസ്ആർഒയ്ക്ക് വിക്രം ലാൻഡറുമായുള്ള ആശയവിനിമയം നഷ്ടമായതായി ഐഎസ്ആർഒ ചെയർമാൻ കെ ശിവൻ. 2.1 കിലോമീറ്റർ വരെ കൃത്യമായ സിഗ്നലുകൾ കിട്ടിയിരുന്നു. എല്ലാം കൃത്യമായി പോയിരുന്നു. എന്നാൽ പിന്നീടങ്ങോട്ട് സിഗ്നലുകൾ നഷ്ടമായെന്നും കെ ശിവൻ. 

Karnataka: Chief K Sivan has briefed Prime Minister Narendra Modi about the status of landing of on the south pole of the moon. pic.twitter.com/MyjCji8Ukj

— ANI (@ANI)

എന്താണ് സംഭവിക്കുന്നതെന്ന് വ്യക്തതയില്ല. എല്ലാവരുടെയും മുഖത്ത് ടെൻഷൻ വ്യക്തം.

 ബ്രേക്കിടൽ പ്രക്രിയ അൽപം 'സ്മൂത്താ'കുന്നു. ഫൈൻ ബ്രേക്കിംഗ് പ്രക്രിയ തുടങ്ങുന്നു.

ഇറങ്ങാനുള്ള ആദ്യ 'ബ്രേക്കിടൽ', ത്രസ്റ്ററുകൾ ഉപയോഗിച്ച് ആദ്യം അൽപം 'റഫ് ബ്രേക്കിംഗ്' ആണ് നടക്കുക.

സോഫ്റ്റ് ലാൻഡിംഗിനായി പതുക്കെ താഴ്‍ന്നു തുടങ്ങി.

Bengaluru: Scientists gear up for the soft landing of Vikram lander on the South Pole region of the moon. 60 students from across the country, who were selected through the ISRO's 'Space Quiz' competition to watch the landing along with PM Modi, also present at the ISRO centre. pic.twitter.com/0UXdQwdAqm

— ANI (@ANI)

കൃത്യം ഓരോ നിമിഷവും സംഭവിക്കാൻ പോകുന്നതിതാണ്:

1.38 - ഇറങ്ങാനുള്ള ആദ്യ 'ബ്രേക്കിടൽ', ത്രസ്റ്ററുകൾ ഉപയോഗിച്ച് ആദ്യം അൽപം 'റഫ് ബ്രേക്കിംഗ്' ആണ് നടക്കുക.

1.48 - പത്ത് മിനിറ്റിൽ ബ്രേക്കിടൽ പ്രക്രിയ അൽപം 'സ്മൂത്താ'കും. ഫൈൻ ബ്രേക്കിംഗ് പ്രക്രിയ തുടങ്ങും.

1.50 - ആദ്യനിരീക്ഷണം. ഇറങ്ങുന്നതിനിടയിൽ ചുറ്റുമുള്ള സ്ഥിതിഗതികളൊക്കെ ഒന്ന് നിരീക്ഷിച്ച ശേഷമേ ഇനി താഴോട്ട് യാത്രയുള്ളൂ. 

1.52 - ചന്ദ്രോപരിതലത്തിന്‍റെ ആദ്യചിത്രം ആ നിരീക്ഷണത്തിനിടയിൽ പകർത്തും. അത് ഭൂമിയിലേക്ക് അയക്കും.

1.53 - വിക്രം എന്ന ലാൻഡർ ചന്ദ്രോപരിതലം തൊടും. നിർണായകമായ, സുപ്രധാനമായ നിമിഷം. കൃത്യസമയം പറഞ്ഞാൽ 1.52.54. 

ഇനി രണ്ട് മണിക്കൂർ കഴിഞ്ഞ്..

3.53 - പ്രഗ്യാൻ എന്ന റോവറാണ് ചന്ദ്രോപരിതലം ചുറ്റി വിവരങ്ങളെടുക്കുക. അതിനുള്ള റാംപ് ഒരുക്കും. 

4.23 - പ്രഗ്യാൻ പ്രവർത്തനക്ഷമമാകും. 

05.03 - പ്രഗ്യാന്‍റെ സോളാർ പാനൽ വിന്യസിക്കപ്പെടും. 

05.19 - പ്രഗ്യാൻ റോവർ പതുക്കെ റാംപിലൂടെ ഉരുണ്ട് താഴോട്ട്.

05.29 - പത്ത് മിനിറ്റ് കൊണ്ട് പതുക്കെ പ്രഗ്യാൻ റോവർ നിലം തൊടും. അതായത് ചന്ദ്രോപരിതലം തൊടും. 

05.45 - വിക്രം പ്രഗ്യാന്‍റെ ചിത്രങ്ങളെടുത്ത് തുടങ്ങും. 

ഇത്രയുമായാൽ ദൗത്യം വിജയകരം. ഇത്രയും വിവരങ്ങൾ ലഭിച്ചാൽ പ്രധാനമന്ത്രി നരേന്ദ്രമോദി പുലർച്ചെ 6 മണിക്ക് രാജ്യത്തെ അഭിസംബോധന ചെയ്യും. 

പുലർച്ചെ വരെ നീളുന്ന ഏഷ്യാനെറ്റ് ന്യൂസിന്‍റെ പ്രത്യേക ബുള്ളറ്റിനിലൂടെ അറിയാം, ചന്ദ്രയാൻ - 2 ന്‍റെ എല്ലാ തത്സമയ വിവരങ്ങളും. യൂട്യൂബിലും വെബ്സൈറ്റിലും തത്സമയസംപ്രേഷണമുണ്ട്. 

എന്ത് സംഭവിക്കും? ഇന്ന് രാത്രി: വിശദമായി വായിക്കാൻ ഇവിടെ ക്ലിക്ക് ചെയ്യൂ.

ചന്ദ്രയാൻ 2 ദൗത്യം തൽസമയം വീക്ഷിക്കാൻ  ബെംഗളൂരുവിലെ ഐഎസ്ആര്‍ഒ കേന്ദ്രത്തിലെ ഇസ്ട്രാക്കിൽ പ്രധാനമന്ത്രി നരേന്ദ്ര മോദിയെത്തി.

I am extremely excited to be at the ISRO Centre in Bengaluru to witness the extraordinary moment in the history of India’s space programme. Youngsters from different states will also be present to watch those special moments! There would also be youngsters from Bhutan.

— Narendra Modi (@narendramodi)

ചന്ദ്രയാൻ രണ്ട് വിക്രം ലാൻഡ‌ർ ചന്ദ്രോപരിതലത്തിൽ  സോഫ്റ്റ് ലാന്‍ഡിംഗ് നടത്തിയാല്‍ ഐഎസ്ആര്‍ഒക്കൊപ്പം ഇന്ത്യയെത്തുന്നത് ചരിത്ര നേട്ടത്തിലേക്കാണ്. ഇന്ന് പുല‌ർച്ചെ 1.30-നും 2.30-നും ഇടയിൽ വിക്രം ചന്ദ്രനെ തൊടുമെന്നാണ് കണക്കുകൂട്ടല്‍