സ്റ്റെപ്പ് ലാഡറില്‍ നിന്ന് വീണാണ് യുവതി മരിച്ചത്.
റിയാദ്: വിമാനത്തിൽ നിന്ന് ഇറങ്ങുന്നതിനിടെ വഴുതിവീണ് യാത്രക്കാരി മരിച്ചു. മദീനയിലെ അമീർ മുഹമ്മദ് ബിൻ അബ്ദുൽ അസീസ് അന്താരാഷ്ട്ര വിമാനത്താവളത്തിലാണ് സംഭവം. ലയൺ എയർ വിമാനത്തിലെ യാത്രക്കാരിയാണ് മരിച്ചത്.
വിമാനത്തിൽ നിന്ന് ഇറങ്ങുന്നതിനിടെ സ്റ്റെപ്പ് ലാഡറില്‍ നിന്ന് വീഴുകയായിരുന്നു. ഗുരുതരമായി പരിക്കേറ്റ അവരെ ഉടൻ ആശുപത്രിയിലെത്തിച്ചെങ്കിലും മരിച്ചു. ലയൺ എയറിെൻറ എ-330 വിമാനത്തിൽ നടന്ന അപകടത്തെക്കുറിച്ച് വിവരം ലഭിച്ചതായി നാഷനൽ സേഫ്റ്റി സെൻറർ ചൊവ്വാഴ്ച പ്രസ്താവനയിൽ പറഞ്ഞു.
undefined
മദീന വിമാനത്താവളത്തിൽ ഇറങ്ങുകയായിരുന്ന എൽ.എൻ 074 നമ്പർ വിമാനത്തിലാണ് സംഭവം. വിമാനത്തിൽ നിന്ന് ഇറങ്ങുന്നതിനിടെ വീഴുകയായിരുന്നു. ഉടൻ തന്നെ നാഷനൽ ട്രാൻസ്‌പോർട്ടേഷൻ സേഫ്റ്റി സെൻററിൽനിന്നുള്ള പ്രത്യേക സംഘങ്ങൾ അപകടസ്ഥലത്തെത്തി. സാഹചര്യങ്ങൾ അറിയുന്നതിനും കാരണങ്ങൾ നിർണയിക്കുന്നതിനും ആവശ്യമായ അന്വേഷണ നടപടിക്രമങ്ങൾ ആരംഭിച്ചിട്ടുണ്ട്. ബന്ധപ്പെട്ട അധികാരികളുമായി ഏകോപിപ്പിച്ച് ആവശ്യമായ ശിപാർശകൾ കേന്ദ്രം നൽകുമെന്നും പ്രസ്താവനയിൽ പറഞ്ഞു.
Read Also - ഓടുന്നതിനിടെ കാറിന്‍റെ ബോണറ്റ് തുറന്നു; പിന്നാലെ അപകടം, 44കാരൻ സൗദിയിൽ മരിച്ചു
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം