വാല്യു ഫോര്‍ മണി പാക്കേജ് വർദ്ധിപ്പിക്കുന്നതിന്, ഒരു ഡാഷ്‌ക്യാം, വെന്റിലേറ്റഡ് ഫ്രണ്ട് സീറ്റുകൾ, ആംബിയന്റ് ലൈറ്റിംഗ് സിസ്റ്റം, സ്റ്റാൻഡേർഡ് 6 എയർബാഗുകൾ എന്നിവ സജ്ജീകരിക്കാൻ സാധ്യതയുണ്ട്.
ഹ്യുണ്ടായിയുടെ എൻട്രി ലെവൽ ഗ്രാൻഡ് i10, പ്രീമിയം i20 ഹാച്ച്ബാക്കുകൾ ഓരോ മാസവും വാഹന മികച്ച വിൽപ്പനയാണ് രേഖപ്പെടുത്തത്. i10ന് ഈ വർഷമാദ്യം ഒരു മിഡ്-ലൈഫ് അപ്‌ഡേറ്റ് ലഭിച്ചപ്പോൾ, i20 ഫെയ്‌സ്‌ലിഫ്റ്റ് നിലവിൽ അതിന്റെ പരീക്ഷണ ഘട്ടത്തിലാണ്. പുതിയ ഹ്യുണ്ടായ് i20 ഫെയ്‌സ്‌ലിഫ്റ്റ് ഈ വർഷം അവസാനത്തോടെ പുറത്തിറങ്ങുമെന്ന് പ്രതീക്ഷിക്കുന്നു. ലോഞ്ച് ടൈംലൈനിനെക്കുറിച്ച് ഇതുവരെ ഔദ്യോഗിക അറിയിപ്പുകളൊന്നുമില്ല. സമൂലമായ മാറ്റങ്ങൾ പ്രതീക്ഷിക്കുന്നില്ലെങ്കിലും കുറച്ച് സൗന്ദര്യവർദ്ധക, ഫീച്ചർ അപ്‌ഗ്രേഡുകളുമായിട്ടായിരിക്കും വാഹനം വിപണിയിൽ എത്തുന്നത്.
പുതിയ 2023 ഹ്യുണ്ടായ് i20 ഒരു പുതിയ തീമും അപ്ഹോൾസ്റ്ററിയും അവതരിപ്പിച്ചേക്കുമെന്നാണ് പ്രതീക്ഷ. വാല്യു ഫോര്‍ മണി പാക്കേജ് വർദ്ധിപ്പിക്കുന്നതിന്, ഒരു ഡാഷ്‌ക്യാം, വെന്റിലേറ്റഡ് ഫ്രണ്ട് സീറ്റുകൾ, ആംബിയന്റ് ലൈറ്റിംഗ് സിസ്റ്റം, സ്റ്റാൻഡേർഡ് 6 എയർബാഗുകൾ എന്നിവ സജ്ജീകരിക്കാൻ സാധ്യതയുണ്ട്. ഹ്യുണ്ടായിയുടെ വരാനിരിക്കുന്ന എക്‌സ്‌റ്റർ മൈക്രോ എസ്‌യുവിയാണ് ഡാഷ്‌ക്യാമുമായി വരുന്ന സെഗ്‌മെന്റിലെ ആദ്യത്തെ വാഹനം.
undefined
ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റി, വയർലെസ് ഫോൺ ചാർജിംഗ്, കണക്‌റ്റട് കാർ ടെക്, ക്രൂയിസ് കൺട്രോൾ, ഓട്ടോമാറ്റിക് ക്ലൈമറ്റ് കൺട്രോൾ എന്നിവയ്‌ക്കൊപ്പം 10.25 ഇഞ്ച് ടച്ച്‌ സ്‌ക്രീൻ ഇൻഫോടെയ്ൻമെന്റ് സിസ്റ്റം ഹാച്ച്ബാക്കിന്റെ പുതിയ പതിപ്പ് തുടർന്നും നൽകും. i20 ഫെയ്‌സ്‌ലിഫ്റ്റിന്റെ മുൻഭാഗം വലിയ മാറ്റങ്ങൾക്ക് സാക്ഷ്യം വഹിക്കും. ചെറുതായി ട്വീക്ക് ചെയ്ത ബമ്പർ, ആരോ ആകൃതിയിലുള്ള ഇൻലെറ്റുകളുള്ള ഗ്രിൽ, പുതുതായി രൂപകൽപ്പന ചെയ്ത ഹെഡ്‌ലാമ്പുകൾ എന്നിവ വാഹനത്തിലുണ്ടാവും. എൽ.ഇ.ഡി ഡി.ആർ.എല്ലുകളും ചെറിയ തോതിൽ പുനഃസ്ഥാപിക്കപ്പെടും.
ഇസഡ് ആകൃതിയിലുള്ള എൽഇഡി ഇൻസെർട്ടുകളോട് കൂടിയ പുതിയ ടെയിൽലാമ്പ് ക്ലസ്റ്ററുകൾ വാഹനത്തിനുണ്ടാവും. കൂടാതെ, നിലവിലുള്ള പോളാർ വൈറ്റ്, ഫിയറി റെഡ്, ടൈഫൂൺ സിൽവർ, ടൈറ്റൻ ഗ്രേ, സ്റ്റാറി നൈറ്റ്, ഫയറി റെഡ് വിത്ത് ബ്ലാക്ക് റൂഫ്, പോളാർ വൈറ്റ് വിത്ത് ബ്ലാക്ക് റൂഫ് എന്നിവയ്‌ക്കൊപ്പം പുതിയ കളര്‍ ഓപ്ഷനുകളും ഉണ്ടായിരിക്കാം.
നിലവിലുള്ള 1.2ലിറ്റര്‍ നാച്ചുറലി ആസ്പിറേറ്റഡ്, 1.0 ലിറ്റര്‍ ടർബോ പെട്രോൾ എഞ്ചിനുകൾ തുടർന്നും നൽകും. ആദ്യത്തേത് 114Nm-ൽ 83bhp പവര്‍ ഉത്പാദിപ്പിക്കുമ്പോൾ രണ്ടാമത്തേത് 120bhp-നും 172Nm-നും ആയിരിക്കും. 5-സ്പീഡ് മാനുവൽ, 7-സ്പീഡ് DCT ഓട്ടോമാറ്റിക്, CVT ഓട്ടോമാറ്റിക് ഗിയർബോക്‌സ് ഓപ്ഷനുകളിലാണ് പുതിയ ഹ്യുണ്ടായ് i20 ഫെയ്‌സ്‌ലിഫ്റ്റ് വരുന്നത്.
Read also: ഇന്ത്യയിലെ ഏറ്റവും മികച്ച മൂന്ന് ജനപ്രിയ എസ്‌യുവികൾ കൂടി ഇലക്ട്രിക്കാവുന്നു