എല്ലാ തിങ്കളാഴ്ചയും ഓണ്ലൈനായാണ് അഭിമുഖം നടക്കുക.
തിരുവനന്തപുരം സൗദി അറേബ്യയിലെ പ്രമുഖ സ്വകാര്യആശ്രുപത്രി ഗ്രൂപ്പിലേയ്ക്ക് വനിതാനഴ്സുമാര്ക്ക് അവസരമൊരുക്കുന്ന നോര്ക്ക റൂട്ട്സ് റിക്രൂട്ട്മെന്റിലേയ്ക്ക് ഇപ്പോള് അപേക്ഷിക്കാം. എല്ലാ തിങ്കളാഴ്ചയും ഓണ്ലൈനായാണ് അഭിമുഖം നടക്കുക. നഴ്സിംഗിൽ ബിരുദവും കുറഞ്ഞത് ഒരു വർഷത്തെ പ്രവൃത്തിപരിചയവുമാണ് യോഗ്യത. ഇതോടൊപ്പം ഇംഗ്ലീഷ്ഭാഷാപരിജ്ഞാനവും അനിവാര്യമാണ്. പ്രായപരിധി 30 വയസ്സ്. ശമ്പളത്തിനൊപ്പം (SAR 4050- 90,000 രൂപ) താമസസൗകര്യവും ലഭിക്കും.
എല്ലാ ഉദ്യോഗാർത്ഥികളും ഇന്റർവ്യൂ സമയത്ത് സാധുവായ പാസ്പോർട്ട് ഹാജരാക്കണം. വിശദമായ CVയും വിദ്യാഭ്യാസം, പ്രവര്ത്തിപരിചയം, പാസ്സ്പോര്ട്ടിന്റെ പകര്പ്പ് എന്നിവ സഹിതം rmt3.norka@kerala.gov.in എന്ന ഇ-മെയില് ഐ.ഡിയിലേയ്ക്ക് അപേക്ഷ നല്കാവുന്നതാണെന്ന് നോർക്ക റൂട്സ് ചീഫ് എക്സിക്യൂട്ടീവ് ഓഫീസർ ചീഫ് എക്സിക്യൂട്ടീവ് ഓഫീസർ കെ.ഹരികൃഷ്ണന് നമ്പൂതിരി അറിയിച്ചു.
കൂടുതല് വിവരങ്ങള്ക്ക് നോര്ക്ക റൂട്ട്സ് ഗ്ലോബല് കോണ്ടാക്ട് സെന്ററിന്റെ ടോള്ഫ്രീ നമ്പറുകളില് 1800-425-3939 (ഇന്ത്യയില് നിന്നും) +91 8802012345 (വിദേശത്ത് നിന്നും-മിസ്ഡ് കോള് സൗകര്യം) ബന്ധപ്പെടാവുന്നതാണ്. സംസ്ഥാന സര്ക്കാര് സ്ഥാപനമായ നോര്ക്ക റൂട്ട്സിന് മറ്റു സബ് ഏജന്റുമാര് ഇല്ല. അത്തരത്തില് ആരെങ്കിലും ഉദ്യോഗാര്ത്ഥികളെ സമീപിക്കുകയാണെങ്കില് അത് നോര്ക്ക-റൂട്ട്സിന്റെ ശ്രദ്ധയില് പെടുത്താവുന്നതാണ്.
Read Also - എൻറെ കുടുംബം! മകന് യൂസഫലിയുടെ പേരിട്ട് സൗദി സ്വദേശി, കാരണം പറഞ്ഞ് ലുലുവിന്റെ ചടങ്ങിൽ പിറന്നാൾ കേക്ക് മുറി
അന്താരാഷ്ട്ര സര്വീസുകള്ക്ക് 30 ശതമാനം ഇളവ്; പ്രവാസികള്ക്കടക്കം പ്രയോജനകരം, പ്രഖ്യാപിച്ച് എയര്ലൈന്
റിയാദ്: എല്ലാ അന്താരാഷ്ട്ര സര്വീസുകള്ക്കും 30 ശതമാനം ഇളവ് പ്രഖ്യാപിച്ച് സൗദി എയര്ലൈന്സ്. ഗ്രാന് ഫ്ലൈ ഡേ എന്ന് പേരിട്ട ഓഫറാണ് സൗദി എയര്ലൈന്സ് പ്രഖ്യാപിച്ചത്.
ഈ ആനുകൂല്യം പ്രയോജനപ്പെടുത്തി ഡിസംബര് ഒന്ന് മുതല് അടുത്ത വര്ഷം മാര്ച്ച് 10 വരെ യാത്ര ചെയ്യാനാകും. ഈ ഓഫര് ഉപയോഗിച്ച് നവംബര് 29, ബുധനാഴ്ച വരെയാണ് ടിക്കറ്റ് ബുക്ക് ചെയ്യാനാകുക. ഇക്കണോമി, ബിസിനസ് ക്ലാസ് ടിക്കറ്റുകള്ക്ക് ഓഫര് ബാധകമാണ്. റൗണ്ട് ട്രിപ്പുകള്ക്കും വണ്വേ ഫ്ലൈറ്റുകള്ക്കും നിരക്കിളവ് ബാധകമാണ്. സൗദി എയര്ലൈന്സിന്റെ വെബ്സൈറ്റ്, സ്മാര്ട്ട്ഫോണ് ആപ്ലിക്കേഷനുകള്, സെയില്സ് ഓഫീസുകള് എന്നിവ വഴി യാത്രക്കാര്ക്ക് ടിക്കറ്റുകള് ബുക്ക് ചെയ്യാം. കേരളത്തിലേക്കടക്കം ഇന്ത്യയിലെ വിവിധ സ്ഥലങ്ങളിലേക്ക് സൗദി എയര്ലൈന്സ് സര്വീസുകള് നടത്തുന്നുണ്ട്. പ്രവാസികള്ക്ക് ഉള്പ്പെടെ ഈ ഓഫര് പ്രയോജനപ്പെടുമെന്നാണ് പ്രതീക്ഷ.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം