കേരളത്തിൽ ആരോഗ്യ അടിയന്തരാവസ്ഥ പ്രഖ്യാപിക്കുമോ? ഗുരുതര സാഹചര്യത്തിൽ പരിഹാരമെന്ത്
First Published | Oct 11, 2020, 9:17 PM ISTകൊവിഡ് വ്യാപനം രൂക്ഷമായതോടെ കേരളം അതീവ ഗുരുതര സാഹചര്യത്തിലൂടെയാണ് കടന്നുപോകുന്നത്. പ്രതിദിന കൊവിഡ് കണക്കിൽ രാജ്യത്തെ മറ്റ് സംസ്ഥാനങ്ങളെല്ലാം ഇന്നലെ കേരളത്തിന് പിന്നിലായിരുന്നു. പതിനൊന്നായിരത്തിലേറെ പുതിയ കേസുകളാണ് ശനിയാഴ്ച സംസ്ഥാനത്ത് റിപ്പോർട്ട് ചെയ്തത്. ഞായറാഴ്ച രോഗികളുടെ എണ്ണം നേരിയ തോതിൽ കുറഞ്ഞെങ്കിലും 9000 ന് മുകളിലാണ് പുതിയ രോഗികളുടെ എണ്ണം. അതിനിടയിലാണ് കൊവിഡ് വ്യാപനത്തിൽ കേരളത്തില്‍ അതീവ ഗുരുതര സാഹചര്യമെന്നും സംസ്ഥാനത്ത് ആരോഗ്യ അടിയന്തരാവസ്ഥ പ്രഖ്യാപിക്കണമെന്നുമുള്ള ഐഎംഎയുടെ മുന്നറിയിപ്പ് പുറത്തുവരുന്നത്. രോഗവ്യാപനം കുറയാനായി സര്‍ക്കാര്‍ എന്തുചെയ്യുമെന്നതാണ് ഏവരും ഇപ്പോൾ ഉറ്റുനോക്കുന്നത്