ഇവരാണ് ബിഗ് ബോസിലെ കരുത്തരായ എതിരാളികള്‍, ദുര്‍ബലൻമാരെയും വെളിപ്പെടുത്തി മോഹൻലാലും മത്സരാര്‍ഥികളും
First Published Mar 21, 2021, 11:24 PM ISTബിഗ് ബോസ് മുപ്പത്തിയഞ്ച് ദിവസം കഴിയുകയാണ് എന്നാണ് മത്സരാര്‍ഥികള്‍ പറഞ്ഞത്. ഓരോ ദിവസവും കഴിയുന്തോറും മത്സരാര്‍ഥികള്‍ മികവ് കാട്ടുകയും മുൻനിരയിലേക്ക് എത്തുകയും ചെയ്യുകയാണ്. ചിലര്‍ ചില ആഴ്‍ചകളില്‍ പിന്തള്ളപ്പെടുകയും ചെയ്യുന്നു. ഇതുവരെയുള്ള ദിവസങ്ങളിലെ പ്രകടനം വെച്ച് തനിക്ക് കരുത്തനായ ഒരു എതിരാളി ആരാണെന്നും ദുര്‍ബലൻ ആരാണെന്നും വ്യക്തമാക്കാനായിരുന്നു ഇന്ന് മോഹൻലാല്‍ ടാസ്‍ക് നല്‍കിയത്. അതിന് വേണ്ട നിര്‍ദേശങ്ങളും മോഹൻലാല്‍ അറിയിച്ചു. കരുത്തനായ എതിരാളിയെന്ന് തോന്നുന്നയാള്‍ക്ക് കമ്പി നല്‍കാനും ദുര്‍ബലനെന്ന് തോന്നുന്നയാള്‍ക്ക് പഞ്ഞി നല്‍കാനുമായിരുന്നു മോഹൻലാല്‍ നിര്‍ദേശിച്ചത്.