ഇംഗ്ലീഷ്- കിവീസ് താരങ്ങളെ ഞെട്ടിച്ച ഒരു 'നഗ്നയോട്ടം'
First Published | Jul 4, 2019, 8:20 PM ISTലോകകപ്പിലെ ഇംഗ്ലണ്ട് - കിവീസ് പോരാട്ടം നടക്കുന്നു. ആദ്യം ബാറ്റ് ചെയ്ത ഇംഗ്ലണ്ട് എട്ട് വിക്കറ്റ് നഷ്ടത്തില്‍ 305 റണ്‍സ് നേടി. മറുപടിയായി ന്യൂസിലന്‍ഡിന്‍റെ ബാറ്റിംഗ് പുരോഗമിക്കുന്നു. കളിയുടെ 33-ാം ഓവറില്‍ കിവീസ് താരങ്ങളായ ടോം ലാഥവും മിച്ചല്‍ സാന്‍റനറുമാണ് ക്രീസില്‍. അതാ എവിടെ നിന്നോ ഒരാള്‍ ഓടി വരുന്നു. നഗ്നനായി ഒരു പച്ച തൊപ്പി മാത്രം വച്ചാണ് അയാള്‍ എത്തിയത്.
സുരക്ഷ ജീവനക്കാരെയും കബളിപ്പിച്ച് ഓടിയത്തിയ അയാള്‍ ഗ്രൗണ്ടില്‍ കരണം മറിഞ്ഞ് അഭ്യാസ പ്രകടനങ്ങള്‍ നടത്തി. പിച്ചില്‍ നിന്ന് കിവീസ് താരങ്ങളുടെ സമീപത്ത് വന്ന് എന്തൊക്കെയോ പറഞ്ഞു. പെട്ടെന്നുണ്ടായ സംഭവത്തില്‍ പ്രതികരിക്കാന്‍ സുരക്ഷാ ജീവനക്കാരും അല്‍പം വെെകി. നൃത്തം ചെയ്തും ഗ്രൗണ്ടിലൂടെ ഓടിയും കളി വെെകിപ്പിച്ച ശേഷമാണ് സുരക്ഷാ ജീവനക്കാര്‍ക്ക് അയാളെ പിടികൂടാനായത്.