വൺപ്ലസിന്റെ ഉയർന്ന നിലവാരം നിലനിർത്തുന്ന തരത്തിൽ മികച്ച ചാർജിങ് ഉറപ്പുവരുത്തുന്ന വിവിധ പരിശോധനകളിലൂടെ കടന്നു പോയി ടിയുവി റെയ്ൻലൻഡ് അംഗീകാരം നേടിയ ഫാസ്റ്റ് ചാർജിങ് സംവിധാനമാണ് പുത്തൻ എഡിഷനിൽ ഉപയോഗിച്ചിരിക്കുന്നത്.
സ്മാര്‍ട്ട് ഫോണ്‍ രംഗത്തെ വമ്പന്മാരായ വൺപ്ലസിന്റെ ഏറ്റവും പുതിയ സ്മാർട്ഫോൺ മോഡൽ വൺപ്ലസ് 10ആര്‍ 5G (OnePlus 10R 5G) എൻഡുറൻസ് എഡിഷൻ കമ്പനി ഇന്ത്യയിൽ അവതരിപ്പിച്ചു. 150W സൂപ്പർവൂക് (SUPERVOOC) ചാർജിങ് സപ്പോർട്ട് ലഭിക്കുന്ന വൺപ്ലസ് 10R 5G വേരിയന്റ് സ്മാർട്ഫോൺ വിപണിയിലെ തന്നെ അതിവേഗ വയർഡ് ചാർജിങ് സംവിധാനമുള്ള സ്മാർട്ഫോണുകളിൽ ഒന്നാണ്. ഈ കാറ്റഗറിയിൽ കമ്പനി പുറത്തിറക്കുന്ന ആദ്യ ഫോണാണ് ഇത്.
വൺപ്ലസിന്റെ ഉയർന്ന നിലവാരം നിലനിർത്തുന്ന തരത്തിൽ മികച്ച ചാർജിങ് ഉറപ്പുവരുത്തുന്ന വിവിധ പരിശോധനകളിലൂടെ കടന്നു പോയി ടിയുവി റെയ്ൻലൻഡ് (TUV Rheinland) അംഗീകാരം നേടിയ ഫാസ്റ്റ് ചാർജിങ് സംവിധാനമാണ് പുത്തൻ എഡിഷനിൽ ഉപയോഗിച്ചിരിക്കുന്നത്. കൂടാതെ മീഡിയടെക് ഡൈമൻസിറ്റി 8100 മാക്സ് ഒക്ടാ-കോർ ചിപ്സെറ്റ് ഉപയോഗിച്ച് നിർമിച്ച വൺപ്ലസ് 10R 2.85GHz വരെ സിപിയു വേഗതയും മുൻ തലമുറകളുമായി താരതമ്യം ചെയ്യുമ്പോൾ 11 ശതമാനം മെച്ചപ്പെട്ട മൾട്ടി കോർ പെർഫോമൻസും കാഴ്ചവെയ്ക്കുന്നു.
undefined
50 എംപി സോണി ഐഎംഎക്സ്766 ട്രിപ്പിൾ ക്യാമറ സിസ്റ്റവുമാണ് ഈ പതിപ്പിന്റെ മറ്റൊരു പ്രത്യേകത. 119 ഡിഗ്രി ഫീൽഡ് വ്യൂവോടുകൂടിയ 8 എംപിയുടെ അൾട്രാവൈഡ് ക്യാമറയും 2എംപി മാക്രോ ക്യാമറയും ഉൾപ്പെടുന്ന റിയർ ക്യാമറയും ഇലക്ട്രോണിക് ഇമേജ് സ്റ്റെബിലൈസേഷനോടുകൂടിയ 16 എംപി സെൽഫി ക്യാമറയും വൺപ്ലസ് 10 നെ കൂടുതൽ ആകർഷകമാക്കുന്നു. മാത്രമല്ല അതിമനോഹരമായ ഡിസൈനിലും അനായാസം കൈകാര്യം ചെയ്യാൻ കഴിയുന്ന രീതിയിലാണ് ഫോൺ രൂപകൽപന ചെയ്തിരിക്കുന്നത്.
150W സൂപ്പർവൂക് എൻഡുറൻസ് പതിപ്പുള്ള വണ്‍പ്ലസ് 10R 5ജി, വണ്‍പ്ലസ് 10R 80W സൂപ്പർവൂക് പതിപ്പ് എന്നിവ യഥാക്രമം 43,999 രൂപയിലും 38,999 രൂപയുമാണ് വില. ഈ മോഡലുകള്‍ എല്ലാം വണ്‍പ്ലസ് ഓണ്‍ലൈന്‍ സ്റ്റോര്‍, ആമസോണ്‍, വണ്‍പ്ലസ് എക്സ്ക്ലൂസീവ് സ്റ്റോറുകളിലും പാർട്ണർ ഔട്ട്‌ലെറ്റുകളിലും ലഭ്യമാകും. ഐസിഐസിഐ ബാങ്ക് കാര്‍ഡ് ഉപയോഗിച്ച് വാങ്ങുമ്പോള്‍ വണ്‍പ്ലസ് 10ആറിന് 2000 രൂപ തൽക്ഷണ കിഴിവ് ലഭിക്കും.
വണ്‍പ്ലസ് നോര്‍ഡ് 3 ഇന്ത്യയില്‍ എത്തും; വിലയും പ്രത്യേകതകളും ഇങ്ങനെ
ഇതിലും വിലകുറഞ്ഞ വണ്‍പ്ലസ് ഫോണ്‍ സ്വപ്നത്തില്‍ മാത്രം; വിവരങ്ങള്‍ ഇങ്ങനെ