രക്തസമ്മര്ദ്ദത്തെ നിയന്ത്രിക്കാന് ഭക്ഷണരീതിയില് മാറ്റങ്ങള് വരുത്തേണ്ടത് അത്യാവശ്യമാണ്. അത്തരത്തില് ഉയര്ന്ന രക്തസമ്മര്ദ്ദത്തെ കുറയ്ക്കാന് കഴിക്കേണ്ട ഭക്ഷണങ്ങള് ഏതൊക്കെയാണെന്ന് നോക്കാം...
ഉയര്ന്ന രക്തസമ്മര്ദ്ദം മൂലം ഹൃദയാരോഗ്യം പോലും മോശമാകാം. രക്തസമ്മര്ദ്ദത്തെ നിയന്ത്രിക്കാന് ഭക്ഷണരീതിയില് മാറ്റങ്ങള് വരുത്തേണ്ടത് അത്യാവശ്യമാണ്. അത്തരത്തില് ഉയര്ന്ന രക്തസമ്മര്ദ്ദത്തെ കുറയ്ക്കാന് കഴിക്കേണ്ട ഭക്ഷണങ്ങള് ഏതൊക്കെയാണെന്ന് നോക്കാം...
ഒന്ന്...
ഇലക്കറികളാണ് ആദ്യമായി ഈ പട്ടികയില് ഉള്പ്പെടുന്നത്. ഇതിൽ അടങ്ങിയിരിക്കുന്ന പൊട്ടാസ്യം, നൈട്രേറ്റുകൾ, ആന്റി ഓക്സിഡന്റുകൾ എന്നിവ ഉയർന്ന രക്തസമ്മർദ്ദത്തെ കുറയ്ക്കാന് സഹായിക്കും. അതിനാല് ചീര പോലെയുള്ള ഇലക്കറികള് ഡയറ്റില് ഉള്പ്പെടുത്താം.
രണ്ട്...
ബെറി പഴങ്ങളാണ് രണ്ടാമതായി ഈ പട്ടികയില് ഉള്പ്പെടുന്നത്. ബ്ലൂബെറി, സ്ട്രോബെറി, റാസ്ബെറി തുടങ്ങിയ ബെറി പഴങ്ങളില് ആന്റി ഓക്സിഡന്റുകള് അടങ്ങിയിട്ടുണ്ട്. ഇവ ഉയര്ന്ന രക്തസമ്മര്ദ്ദത്തെ കുറയ്ക്കാന് സഹായിക്കും.
മൂന്ന്...
ബീറ്റ്റൂട്ട് ആണ് അടുത്തതായി ഈ പട്ടികയില് ഉള്പ്പെടുന്നത്. ബീറ്റ്റൂട്ടിൽ നൈട്രേറ്റുകൾ ധാരാളമായി
അടങ്ങിയിട്ടുണ്ട്. ഇത് രക്തക്കുഴലുകളെ വിശ്രമിക്കാനും രക്തയോട്ടം മെച്ചപ്പെടുത്താനും സഹായിക്കുന്നു. അതിനാല് പതിവായി ബീറ്റ്റൂട്ട് കഴിക്കുന്നത് ഉയര്ന്ന രക്തസമ്മര്ദ്ദത്തെ തടയാന് സഹായിക്കും.
നാല്...
ഓട്മീല് ആണ് നാലാമതായി ഈ പട്ടികയില് ഉള്പ്പെടുന്നത്. ഫൈബറിനാല് സമ്പന്നമായ ഓട്സ് ഉയര്ന്ന രക്തസമ്മര്ദ്ദത്തെ കുറയ്ക്കാനും കൊളസ്ട്രോള് കുറയ്ക്കാനും സഹായിക്കും.
അഞ്ച്...
നേന്ത്രപ്പഴമാണ് അവസാനമായി ഈ പട്ടികയില് ഉള്പ്പെടുന്നത്. പൊട്ടാസ്യം ധാരാളം അടങ്ങിയ നേന്ത്രപ്പഴം കഴിക്കുന്നത് ഉയര്ന്ന രക്തസമ്മര്ദ്ദം കുറയ്ക്കാന് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാര ക്രമത്തില് മാറ്റം വരുത്തുക.
Also read: മഞ്ഞുകാലത്ത് തേന് ഡയറ്റില് ഉള്പ്പെടുത്തൂ; അറിയാം ഗുണങ്ങള്...