ദുല്‍ഖര്‍ സല്‍മാനെ അടുത്ത് നിര്‍ത്തി മമ്മൂട്ടിയെ വീഡിയോ കോള്‍ വിളിച്ച് തെലുങ്ക് സൂപ്പര്‍താരം ബാലകൃഷ്ണ.
ഹൈദരാബാദ്: ദുല്‍ഖര്‍ സല്‍മാനെ അടുത്ത് നിര്‍ത്തി മമ്മൂട്ടിയെ വീഡിയോ കോള്‍ വിളിച്ച് തെലുങ്ക് സൂപ്പര്‍താരം ബാലകൃഷ്ണ. 'അണ്‍ സ്റ്റോപ്പബിള്‍' എന്ന നന്ദമൂരി ബാലകൃഷ്ണ എന്ന ബാലയ്യ അവതാരകനായി എത്തുന്ന ടോക് ഷോയിലാണ് സംഭവം. ഈ ഷോയില്‍ ലക്കി ഭാസ്കര് എന്ന ചിത്രത്തിന്റെ പ്രമോഷന് എത്തിയതായിരുന്നു ദുല്‍ഖര്‍ സല്‍മാന്‍.
അതിനിടയിലാണ് മമ്മൂട്ടിയെ വീഡിയോ കോള്‍ വിളിച്ച് ബാലയ്യ 'മമ്മൂക്ക സുഖമാണോ?' എന്ന് ചോദിക്കുന്നത്. സുഖമാണ് സുഖമാണ് എന്ന മറുപടിയും മമ്മൂട്ടി പറയുന്നത് കാണാം. ഒക്ടോബര്‍ 31ന് ആഹാ ആപ്പില്‍ ഈ എപ്പിസോഡ് സ്ട്രീം ചെയ്യും. ഇതിന്‍റെ പ്രമോ വീഡിയോയാണ് ഇപ്പോള്‍ പുറത്ത് എത്തിയിരിക്കുന്നത്.
undefined
അതേ സമയം ദുല്‍ഖര്‍ നായകനായി വരാനിരിക്കുന്ന ചിത്രമാണ് ലക്കി ഭാസ്കര്. 31ന് ആണ് ചിത്രത്തിന്റെ റിലീസ്. 30ന് ദുല്‍ഖര്‍ ചിത്രത്തിന്റെ പ്രീമിയര്‍ ഷോകള്‍ സംഘടിപ്പിക്കുന്നുണ്ട്. അതിനിടെ ദുല്‍ഖര്‍ ചിത്രത്തെ പ്രശംസിച്ച് രംഗത്ത് എത്തിയിരിക്കുകയാണ് സ്വപ്‍നാദത്ത്.
വെങ്കി അറ്റ്ലൂരി തിരക്കഥ എഴുതി സംവിധാനം നിര്‍വഹിക്കുന്നത് ആണ് ലക്കി ഭാസ്കര്. മീനാക്ഷി ചൗധരിയാണ് നായികയായി എത്തുന്നത്. ചിത്രത്തിന്റെ നിര്‍മാണം സിതാര എന്റർടെയിൻമെന്റസിന്റെ ബാനറില്‍ ആണ്. ജിവി പ്രകാശ് കുമാറാണ് ചിത്രത്തിന്റെ സംഗീതം. കിംഗ് ഓഫ് കൊത്തയ്ക്ക് ശേഷം ദുല്‍ഖര്‍ നായകനായി എത്തുന്ന ചിത്രമാണ് ലക്കി ഭാസ്കര്.
ലക്കി ഭാസ്‍കറിന്റെ ട്രെയിലര്‍ നേരത്തെ സംവിധായകൻ ഹനു രാഘവപുഡി പ്രശംസിച്ചത് ശ്രദ്ധയാകര്‍ഷിച്ചിരുന്നു. ദുല്‍ഖര്‍ മികച്ചതാക്കുന്നുവെന്നും ചിത്രം വിശ്വസനീയമാക്കിയെന്നും പറയുന്നു ഹനു രാഘവപുഡി. കയ്യൊപ്പ് ചാര്‍ത്തിയ ഒരു മികച്ച കഥയാണ് വെങ്കി അറ്റ്ലൂരി അവതരിപ്പിക്കുന്നതെന്നും സൂചിപ്പിക്കുന്നു സംവിധായകൻ ഹനു രാഘവപുഡി. നടി മീനാക്ഷിയെയും സംവിധായകൻ അഭിനന്ദിച്ചിരുന്നു.
അതേ സമയം തന്റെ മലയാള സിനിമകൾ ഉടൻ ഉണ്ടാകുമെന്ന് നടൻ ദുൽഖർ സൽമാൻ ലക്കി ഭാസ്കർ എന്ന പുതിയ സിനിമയുടെ പ്രമോഷൻ പരിപാടിക്കിടെ വെളിപ്പെടുത്തിയിരുന്നു. നഹാസ് ഹിദായത്ത്, സൗബിൻ ഷാഹിർ എന്നിവർ സംവിധാനം ചെയ്യുന്ന സിനിമയിലാകും താൻ അടുത്ത് അഭിനയിക്കുകയെന്നും മറ്റൊരു നവാഗത സംവിധായക സിനിമയും വരുമെന്നും ദുൽഖർ അറിയിച്ചു.
'എന്തൊരു പെര്‍ഫോമന്‍സ്'! 'ലക്കി ഭാസ്‍കറി'ലെ ദുല്‍ഖറിന്‍റെ അഭിനയത്തെക്കുറിച്ച് എഡിറ്റര്‍
'ആവേശം' വേണ്ടെന്ന് പറഞ്ഞ ബാലയ്യ, അച്ഛന്‍റെ വഴിയിലൂടെയോ?; പുതിയ റോളിന്‍റെ വിശേഷം ഇങ്ങനെ !