'കാര്‍ത്തികേയ 2'വെന്ന പാൻ ഇന്ത്യൻ ചിത്രം വൻ ഹിറ്റായിരുന്നു.
'കാര്‍ത്തികേയ' എന്ന ഹിറ്റ് ചിത്രത്തിന്റെ സംവിധായകനാണ് ചന്ദൂ മൊണ്ടേറ്റി. 'കാര്‍ത്തികേയ'യുടെ രണ്ടാം ഭാഗവും ഹിറ്റായിരുന്നു. ഇപ്പോഴിതാ ചന്ദൂ മൊണ്ടേറ്റിയുടെ പുതിയ ചിത്രത്തിന്റെ റിപ്പോര്‍ട്ടാണ് ആരാധകരെ ആവേശത്തിലാക്കുന്നത്. നായകനായി സൂര്യയാണ് ചിത്രത്തില്‍ എത്തുക.
നാല് വേദങ്ങളെയും ആസ്‍പദമാക്ക ഒരു ചിത്രം ഒരുക്കാനാണ് പദ്ധതിയെന്ന് ചന്ദൂ മൊണ്ടേറ്റി വ്യക്തമാക്കുന്നു ഒരു സോഷ്യോ ഫാന്റസി ഴോണര്‍ ചിത്രമായിരിക്കും ഇത്. സൂര്യ രണ്ട് വര്‍ഷത്തേയ്‍ക്ക് തിരക്കിലാണ്. അദ്ദേഹം എന്നെ വിളിക്കുകയും ചിത്രത്തിന്റെ തിരക്കഥയുടെ പുരോഗതി ചര്‍ച്ച ചെയ്യാറുമുണ്ട്. വളരെ സൗഹാര്‍ദപരമായിട്ടാണ് അദ്ദേഹം പെരുമാറാറുള്ളത്. 'കാര്‍ത്തികേയ രണ്ടിലെ' ഷോട്ടുകള്‍ കണ്ട് തന്നെ സൂര്യ അഭിനന്ദിച്ചിരുന്നു. സ്വപ്ന ലോകത്തിലായിപ്പോയി താൻ അപ്പോഴെന്നും സംവിധായകൻ ചന്ദൂ മൊണ്ടേറ്റി വ്യക്തമാക്കുന്നു.
undefined
തമിഴകം സൂര്യയുടേതായി കാത്തിരിക്കുന്ന പുതിയ ചിത്രം 'കങ്കുവ'യാണ്. സിരുത്തൈ ശിവയുടെ സംവിധാനത്തിലുള്ള പുതിയ ചിത്രം 'കങ്കുവ'യില്‍ സൂര്യ നായകനാകുന്നു എന്നതാണ് പ്രധാന ആകര്‍ഷണം. സിരുത്തൈ ശിവ തന്നെയാണ് തിരക്കഥയും. 'കങ്കുവ' പ്രതീക്ഷിച്ചതിനപ്പുറം വന്നിട്ടുള്ള ഒരു ചിത്രമായിരിക്കും എന്ന് നടൻ സൂര്യ അടുത്തിടെ ആരാധകരുമായി നടത്തിയ കൂടിക്കാഴ്‍ചയില്‍ വെളിപ്പെടുത്തിയിരുന്നു.
പ്രൊഡക്ഷൻ കോര്‍ഡിനേറ്റര്‍ ഇ വി ദിനേശ് കുമാറുമാണ്. 'കങ്കുവാ' എന്ന സിനിമയുടെ സെറ്റിലെ വീഡിയോകളും ചിത്രങ്ങളും ഷെയര്‍ ചെയ്യരുത് എന്ന് ആവശ്യപ്പെട്ട് കുറിപ്പുമായി ചിത്രത്തിന്റെ നിര്‍മാതാക്കള്‍ രംഗത്ത് എത്തിയിരുന്നു. ചെറിയ കാര്യമാണെങ്കില്‍ പോലും മൊത്തം ടീമിന്റെ കഠിനാദ്ധ്വാനം അതിലുണ്ട്. മികച്ച ഒരു തിയറ്റര്‍ എക്സ്‍പീരിയൻസ് ആയി ചിത്രം സമ്മാനിക്കണം എന്നാണ് ഞങ്ങള്‍ ആഗ്രഹിക്കുന്നത്. പോസ്റ്റ് ചെയ്‍ത വീഡിയോകളും ചിത്രങ്ങളും ഡിലീറ്റ് ചെയ്‍താല്‍ അത് നല്ല കാര്യമാകും. ഭാവിയില്‍ ഷെയര്‍ ചെയ്യാതിരിക്കാനും അഭ്യര്‍ഥിക്കുന്നു. ഇത് തുടര്‍ന്നാല്‍ കടുത്ത നിയമനടപടികള്‍ നേരിടേണ്ടി വരുമെന്ന് അറിയിക്കാനും ആഗ്രഹിക്കുന്നു എന്നുമാണ് നിര്‍മാതാക്കളുടെ ഔദ്യോഗിക ട്വിറ്റര്‍ വഴി പുറത്തുവിട്ട കുറിപ്പില്‍ പറഞ്ഞിരുന്നത്.
Read More: ദേവ് മോഹന്റെ 'പരാക്രമം' തുടങ്ങി
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക