ജയ് ഗണേഷിന്റെ പുതിയ പോസ്റ്ററിലെ ഫോട്ടോയിലും ഉണ്ണി മുകുന്ദന്റെ പിന്നിലായി സൂപ്പര്ഹീറോയുടെ ചിത്രീകരണങ്ങള് ഉള്പ്പെടുത്തിയിട്ടുണ്ട്.
കൊച്ചി: ഉണ്ണി മുകുന്ദൻ നായകനാകുന്ന പുതിയ ചിത്രമാണ് ജയ് ഗണേഷ്. സംവിധാനം രഞ്ജിത് ശങ്കറാണ്. ജയ് ഗണേഷ് എന്ന പുതിയ ചിത്രത്തിന്റെ റിലീസ് ഡേറ്റ് പ്രഖ്യാപിച്ച് പുതിയ പോസ്റ്റര് പുറത്തുവിട്ടിരിക്കുകയാണ് ഇപ്പോള് അണിയറക്കാര്. ഉണ്ണി മുകുന്ദന് തന്നെയാണ് പുതിയ പോസ്റ്റര് പുറത്തുവിട്ടിരിക്കുന്നത്. പോസ്റ്റര് പ്രകാരം വരുന്ന ഏപ്രില് 11നാണ് ചിത്രം റിലീസ് ചെയ്യുന്നത്.
ജയ് ഗണേഷിന്റെ പുതിയ പോസ്റ്ററിലെ ഫോട്ടോയിലും ഉണ്ണി മുകുന്ദന്റെ പിന്നിലായി സൂപ്പര്ഹീറോയുടെ ചിത്രീകരണങ്ങള് ഉള്പ്പെടുത്തിയിട്ടുണ്ട്. ഊഹിച്ചതുപോലെ ഒരു സൂപ്പര്ഹീറോ സബ്ജെക്റ്റാണെന്ന് സിനിമയുടെ പോസ്റ്റര് കണ്ട ഒരു ആരാധകര് പറയുന്നത്. വിഷു ചിത്രമായി തീയറ്റര് നിറയ്ക്കാന് ഉറച്ചാണ് ജയ് ഗണേഷ് എത്തുന്നത്. മാളികപ്പുറത്തിന് ശേഷം തീയറ്ററില് എത്തുന്ന ഉണ്ണി മുകുന്ദന് പടം ആയിരിക്കും ജയ് ഗണേഷ്.
ഹരീഷ് പേരടി, അശോകൻ, രവീന്ദ്ര വിജയ്, നന്ദു തുടങ്ങിയവരാണ് മറ്റു പ്രമുഖ താരങ്ങൾ. ഡ്രീംസ് ആന്ഡ് ബിയോണ്ട്, ഉണ്ണിമുകുന്ദൻ ഫിലിംസ് എന്നീ ബാനറുകളില് രഞ്ജിത്ത് ശങ്കർ, ഉണ്ണിമുകുന്ദൻ എന്നിവർ ചേർന്ന് നിർമ്മിക്കുന്ന ഈ ചിത്രത്തിന്റെ ഛായാഗ്രഹണം ചന്ദ്രു ശെൽവരാജ് നിർവ്വഹിക്കുന്നു. എഡിറ്റിംഗ് ഹരീഷ് പ്രതാപ്.
സംഗീതം ശങ്കർ ശർമ്മ, സൗണ്ട് ഡിസൈൻ തപസ് നായ്ക്, പ്രൊഡക്ഷൻ കൺട്രോളർ സജീവ് ചന്തിരൂർ, പ്രൊഡക്ഷൻ ഡിസൈനർ സൂരജ് കുറവിലങ്ങാട്, മേക്കപ്പ് റോണക്സ് സേവ്യർ, കോസ്റ്റ്യൂംസ് വിപിൻ ദാസ്, സ്റ്റിൽസ് നവീൻ മുരളി, ഡിസൈൻസ് ആന്റണി സ്റ്റീഫൻ, അസോസിയേറ്റ് ഡയറക്ടർ അനൂപ് മോഹൻ എസ്, ഡിഐ ലിജു പ്രഭാകർ, വിഎഫ്എക്സ് ഡിടിഎം, പ്രൊമോഷൻ കൺസൽട്ടന്റ് വിപിൻ കുമാർ, ടെൻ ജി മീഡിയ, പി ആർ ഒ- എ എസ് ദിനേശ്.
ഇളയ കുഞ്ഞിന്റെ ചിത്രവുമായി ശ്രീനിഷ്; ഗംഭീര കമന്റുമായി ആദ്യ കുഞ്ഞിനെ പ്രതീക്ഷിച്ചിരിക്കുന്ന അമല പോൾ
വിവാഹം ആഘോഷമാക്കാൻ ജിപിയും ഗോപികയും, ഒരുക്കങ്ങൾ ഇങ്ങനെ; വീഡിയോ വൈറൽ