XC40 റീചാർജിനോടുള്ള ഈ നല്ല പ്രതികരണം കാരണം വോൾവോ C40 റീചാർജിലും വലിയ പ്രതീക്ഷ അര്‍പ്പിക്കുന്നു. ഇതാ ഈ കാറിനെക്കുറിച്ച് അറിയേണ്ടതെല്ലാം
സ്വീഡിഷ് ആഡംബര വാഹന ബ്രാൻഡായ വോൾവോ ഇന്ത്യ തങ്ങളുടെ രണ്ടാമത്തെ ഇലക്ട്രിക് കാറായ C40 റീചാർജ് ജൂൺ 14 ന് ഇന്ത്യയിൽ അവതരിപ്പിക്കാൻ ഒരുങ്ങുകയാണ് . C40 റീചാർജ്ജ് ആദ്യമായി ആഗോള വിപണിയിൽ 2021 മാർച്ചിലാണ് അവതരിപ്പിച്ചത്. കമ്പനിയുടെ ഇന്ത്യയിലെ ഉൽപ്പന്ന പോർട്ട്‌ഫോളിയോയിലെ രണ്ടാമത്തെ ഇലക്ട്രിക്ക് കാര്‍ ആയിരിക്കും ഇത്. കമ്പനി തങ്ങളുടെ ആദ്യത്തെ ഇവി, XC40 റീചാർജ് കഴിഞ്ഞ വർഷം ഇന്ത്യയിൽ അവതരിപ്പിച്ചിരുന്നു. XC40 റീചാർജിനുള്ള ശക്തമായ ഡിമാൻഡുണ്ട് ഇന്ത്യയില്‍. ലോഞ്ച് ചെയ്ത് രണ്ട് മണിക്കൂറിനുള്ളിൽ, പ്രാദേശികമായി അസംബിൾ ചെയ്ത XC40 റീചാർജിന്റെ 150 യൂണിറ്റുകൾ ഇന്ത്യയിൽ വിറ്റഴിച്ചതായി വാഹന നിർമ്മാതാവ് അവകാശപ്പെട്ടു. XC40 റീചാർജിനോടുള്ള ഈ നല്ല പ്രതികരണം കാരണം വോൾവോ C40 റീചാർജിലും വലിയ പ്രതീക്ഷ അര്‍പ്പിക്കുന്നു. ഇതാ ഈ കാറിനെക്കുറിച്ച് അറിയേണ്ടതെല്ലാം
ഡിസൈൻ
വോൾവോ C40 റീചാർജിന്റെ രൂപകൽപ്പന XC40 റീചാർജിന് സമാനമാണ്. ഇതിന് കൂപ്പെ ശൈലിയിലുള്ള ചരിഞ്ഞ റൂഫ്‌ലൈൻ ലഭിക്കുന്നു, ഇത് ഇവിയെ അതിന്റെ സഹോദരങ്ങളിൽ നിന്ന് വ്യത്യസ്‍തമാക്കുന്നു. വോൾവോയുടെ 'തോർസ് ഹാമർ' എൽഇഡി ഡേടൈം റണ്ണിംഗ് ലൈറ്റുകൾ, പരമ്പരാഗത റേഡിയേറ്റർ ഗ്രില്ലിന് പകരം അടച്ചിട്ട പാനൽ, ലംബമായി ഓറിയന്റഡ് എൽഇഡി ടെയിൽലൈറ്റുകൾ എന്നിവയോടെയാണ് C40 റീചാർജ് വരുന്നത്.
undefined
അളവുകള്‍
വോൾവോ C40 റീചാർജിന് 4,440 എംഎം നീളവും 1,910 എംഎം വീതിയും 1,591 എംഎം ഉയരവും ലഭിക്കുന്നു. 2,702 എംഎം വീൽബേസിലാണ് ഈ ഇവി വരുന്നത്. കൂപ്പെ എസ്‌യുവി 19 ഇഞ്ച് എയ്‌റോ വീലുകളിലാണ് സഞ്ചരിക്കുന്നത്.
ഇന്‍റീരിയർ
വോൾവോ C40 റീചാർജ് ഇവിക്ക് യഥാർത്ഥ ലെതർ-ഫ്രീ വെഗൻ അപ്ഹോൾസ്റ്ററിയും റീസൈക്കിൾ ചെയ്ത ഫ്ലോര്‍മാറ്റുകളും ലഭിക്കുന്നു. കൂടാതെ, ക്യാബിനിലെ പ്രധാന ആകർഷണമായ വോൾവോയുടെ സിഗ്നേച്ചർ ടാബ്‌ലെറ്റ്-സ്റ്റൈൽ, വെർട്ടിക്കൽ, ഗൂഗിൾ പ്രവർത്തിക്കുന്ന ഒമ്പത് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം എന്നിവ ഇതിൽ ഉൾപ്പെടുന്നു. കൂടാതെ, 12 ഇഞ്ച് ഫുൾ ഡിജിറ്റൽ ഡ്രൈവർ ഡിസ്‌പ്ലേ, ഡ്യുവൽ സോൺ ക്ലൈമറ്റ് കൺട്രോൾ, 13-സ്പീക്കർ, 600-വാട്ട് ഹർമൻ കാർഡൺ സൗണ്ട് സിസ്റ്റം, എയർ പ്യൂരിഫയർ എന്നിവയുണ്ട്. ഹാൻഡ്‌സ് ഫ്രീ പവർഡ് ടെയിൽഗേറ്റ്, വയർലെസ് ചാർജിംഗ് പാഡ്, ടിപിഎംഎസ് എന്നിവയും ഇതിലുണ്ട്.
സ്പെസിഫിക്കേഷനുകൾ
വോൾവോ C40 റീചാർജ് ഇവി ആര്‍ഡബ്ല്യുഡി, എഡബ്ല്യുഡി എന്നിങ്ങനെ രണ്ട് വ്യത്യസ്ത പവർട്രെയിൻ ഓപ്ഷനുകളിൽ ലഭ്യമാണ്. ആഗോളതലത്തിൽ രണ്ട് വ്യത്യസ്ത ബാറ്ററി പാക്ക് ഓപ്ഷനുകളിൽ കാർ ലഭ്യമാണ്. ഓട്ടോ കമ്പനി ഇന്ത്യയിലേക്ക് എന്ത് കൊണ്ടുവരുമെന്ന് കണ്ടറിയണം. XC40 റീചാർജിലും C40 റീചാർജിലും 25 വർഷത്തിന് ശേഷം വാഹന നിർമ്മാതാവ് RWD തിരികെ കൊണ്ടുവന്നു . എൻട്രി ലെവൽ C40 റീചാർജ് RWD മോഡലിന് 69 kWh ബാറ്ററി പാക്കും 238 PS പീക്ക് പവർ നൽകുന്ന ഒരു ഇലക്ട്രിക് മോട്ടോറും ലഭിക്കുന്നു, ഒറ്റ ചാർജിൽ 476 കിലോമീറ്റർ റേഞ്ച് വാഗ്ദാനം ചെയ്യുന്നു. 34 മിനിറ്റിനുള്ളിൽ 10-80 ശതമാനം വരെ ചാർജ് ചെയ്യാൻ കഴിയുമെന്നാണ് വോൾവോ അവകാശപ്പെടുന്നത്.
എഡബ്ല്യുഡി വേരിയൻറ് കൂടുതൽ ശക്തവും ആര്‍ഡബ്ല്യുഡി വേരിയന്റിനേക്കാൾ കൂടുതൽ ശ്രേണി വാഗ്ദാനം ചെയ്യുന്നതുമാണ്. 252 PS പവർ പുറപ്പെടുവിക്കുന്ന ഒരു വലിയ 82 kWh ബാറ്ററി പായ്ക്ക് ഇതിന് ലഭിക്കുന്നു, ഒറ്റ ചാർജിൽ 533 കിലോമീറ്റർ റേഞ്ച് വാഗ്ദാനം ചെയ്യുന്നു. 200 കിലോവാട്ട് ചാർജിംഗ് ഇൻഫ്രാസ്ട്രക്ചർ ഉപയോഗിച്ച് ഈ ബാറ്ററി പായ്ക്ക് 28 മിനിറ്റിനുള്ളിൽ 10 മുതൽ 80 ശതമാനം വരെ ടോപ്പ് അപ്പ് ചെയ്യാൻ കഴിയുമെന്ന് വോൾവോ അവകാശപ്പെടുന്നു.
സുരക്ഷ
വോൾവോ C40 റീചാർജ്, മറ്റ് വോള്‍വോ മോഡലുകളെപ്പോലെ തന്നെ നൂതന സാങ്കേതികവിദ്യകൾ അടങ്ങുന്ന നിരവധി സുരക്ഷാ സവിശേഷതകളുമായാണ് എത്തുന്നത്. ഇതിന് ഫ്രണ്ട്, കർട്ടൻ, സൈഡ്, ഡ്രൈവർ മുട്ട് എയർബാഗുകൾ, ഇബിഡി ഉള്ള എബിഎസ്, ബ്രേക്ക് അസിസ്റ്റ്, എഡിഎഎസ്, 360-ഡിഗ്രി ക്യാമറ, ഹിൽ സ്റ്റാർട്ട് അസിസ്റ്റ് ടെക്നോളജി എന്നിവയുണ്ട്.
പ്രതീക്ഷിക്കുന്ന വില
വോൾവോ XC40 റീചാർജ് ഇവിയുടെ വില 56.90 ലക്ഷം രൂപയിൽ (എക്സ്-ഷോറൂം) ആരംഭിക്കുമ്പോൾ , C40 റീചാർജ് ഇവി അൽപ്പം ഉയർന്ന വിലയുമായി വരാൻ സാധ്യതയുണ്ട്. ഏകദേശം 60 ലക്ഷം രൂപ (എക്സ്-ഷോറൂം) മുതൽ അതിന്റെ വിലനിലവാരം ആരംഭിക്കുമെന്ന് പ്രതീക്ഷിക്കാം
എതിരാളികള്‍
മെഴ്‍സിഡസ് ബെൻസ്, ബിഎംഡബ്ല്യു, ഔഡി തുടങ്ങിയ മറ്റ് ബ്രാൻഡുകള്‍ക്കും സജീവസാന്നിധ്യമുള്ള ഇന്ത്യയിലെ ആഡംബര ഇലക്ട്രിക്ക് വാഹന വിപണിയിൽ തങ്ങളുടെ വിപണി വിഹിതം വർദ്ധിപ്പിക്കാൻ C40 റീചാർജ് വോള്‍വോ ഇന്ത്യയെ സഹായിക്കും . പുതിയ C40 റീചാർജ് ബാംഗ്ലൂരിനലെ വോൾവോയുടെ പ്ലാന്‍റില്‍ അസംബിൾ ചെയ്യാനാണ് സാധ്യത.
ടിയാഗോയിലും ടിഗോറിലും ഇരട്ട സിഎൻജി ടാങ്കുകൾ അവതരിപ്പിക്കാൻ ടാറ്റ